20/09/2026
若果亞冠唔係搞到唔限外援，
令到武里南栽培本土嘅需要大減，
泰國十號仔廿歲仔 #坦拿傑（Thanakrit），
就會俾武里南再大力啲栽培，
咁就未必會放人參加亞運。
至於本土 T1 聯賽就註十出七，
空間亦唔太多，
而喺軍備競賽之下，
隊隊波亦要盡量簽晒啲 Quota，
踢亞冠嘅更加係凸晒外援。
不過武里南外援多到咁，
#坦拿傑 喺武里南練波，
係咪有啲接近去咗歐洲修行嘅情況，
令佢有啲額外增長呢？
都好難講。點都係要比賽。
不過暫時都應該唔會借出去，
畢竟佢係呢一輩最突出，
最突出嘅都留唔低，
其他 U仔都好難再擺個心喺武里南。
大會班霸係應該有條底線。
所以註四出四嘅 T2 更加要搞好啲，
幫手養泰仔而唔係養鬼仔。
巴吞聯更加會盡力搵機會借啲仔去日本同新加坡。
至於呢場亞運男足香港輸一比五，
其實集訓時間冇乜嘅港隊，
踢完日本先再踢泰國係易啲適應，
泰國亦都送禮在先，
等於捉象棋，
對手擺棋時打個尿震擺錯咗，
俾你抽咗隻車，
呢啲係天助我也。
但對手始終棋高一著，
而輸頭兩球波都係輸自己，
都係一來一回。
第二球後面可能慣咗對手喺呢個情況係會交畀左面去，
而唔係自己帶波突入禁區。
泰國 U23 牌頭今年踢咗九場波，
年頭三場 U23 亞洲盃，
三月六月各有三場友賽，
至於香港有幾多場就一隻手數晒有凸。
泰國兩戰兩勝晉級，
八強對手係中伊朝阿聯酋嘅 A 組代表，
點都好過對韓國，
對韓國就死硬。
另外泰國亦都肯定希望可以行得遠過越南，
咁就要入四強，殿軍都 OK 了。
Bonus 就係喺日本俾人睇下辦，
又借去 J3 都好。
