https://www.facebook.com/395779757927604/

Community In Action, 25 Yuen Wo Road, Sha Tin, New Territories, Hong Kong (2026)

14/07/2023

有獎問答｜體院請你去運動消閒博覽 & 書展 & 零食世界~
GO GO GO!!!

11/05/2023

🏊🏼‍♂️🚴🏼‍♂️🏃🏼香港三項鐵人運動員黃子圖 ( )之前就同我哋一齊入學校，去咗🏫 #德信學校做分享～

活動期間，子圖除咗分享自己做精英運動員嘅點滴之外，仲同班小朋友玩咗個三項鐵人相關嘅小型比賽🤩，考下佢哋嘅身手同反應！現場嘅「戰況」激烈🤣，無論係有無份上場嘅同學仔都好肉緊🫣～即刻去片睇下啦！

#三項鐵人 #黃子圖 #香港體育學院 #恒生銀行 #港隊 #恒生體院精英運動員全方位發展計劃 #香港運動員

03/05/2023

香港空手道運動員🥋蔡韻瑜 ( ) 之前去咗 #基督教中華宣道會台山陳元喜小學做分享兼示範空手道🤩！示範環節嗰陣，一班小學生仲睇到「嘩嘩」聲𠻹👧🏻🧒🏻👦🏻～即刻去片！感受下現場嘅熱鬧氣氛啦😆！

#空手道 #蔡韻瑜 #香港體育學院 #恒生銀行 #港隊 #恒生體院精英運動員全方位發展計劃 #香港運動員

02/05/2023

之前為潛質運動員舉辦嘅「多元運動訓練日營🎯」，活動花絮片終於出爐喇🤩！快啲去片，睇下班小朋友喺一連兩日嘅日營當中🧒🏻👧🏻👦🏻，一齊經歷咗啲咩，同埋點樣「過五關、斬六將」去完成任務啦💪🏼🔥～～

========================
想睇更多活動靚相？咁就要上我哋CIA嘅Facebook喇！
🔗 https://bit.ly/3KLZxOd 🔗
========================

#恒生體院精英運動員全方位發展計劃 #香港精英運動員 #潛質運動員 #香港體育學院 #恒生銀行

28/04/2023

之前桌球運動員張家瑋去咗 #廣東道官立小學做分享👨‍🏫 嘅活動花絮片段終於出爐📺！

雖然桌球呢項運動，對大部分現場嘅小學生嚟講👧🧒👦都比較陌生👀，但佢哋依然好專心，聽得好入神🤩～唔知一班小朋友喺聽完家瑋哥哥嘅分享之後，有無啲咩袋咗落袋咁呢😌～？

#桌球 #張家瑋 #英式桌球 #香港體育學院 #恒生銀行 #港隊 #恒生體院精英運動員全方位發展計劃

📸Instagram：https://www.instagram.com/community.in.action
🌐Facebook：https://www.facebook.com/hksicommunityinaction
🎥YouTube：https://bit.ly/2Mw8TC3

26/04/2023

有時放工返到屋企，唔知煮咩好🤔，但又唔想成日食外賣🐼🦘？！呢個時候，一個易煮又健康嘅住家菜食譜就最啱你喇！今次為大家介紹——蜆肉蒸蛋🥚🧑‍🍳～

蜆肉蒸蛋嘅主要食材：雞蛋同蜆肉，兩樣都含有豐富鐵質，特別適合缺鐵性貧血🩸、女性👧🏻同發育中💪🏻嘅運動員！呢道餸仲係高蛋白質之選，有成24g蛋白質㗎👏🏻！而且只需要6款材料，3個步驟，20分鐘就輕鬆搞掂！是咪好easy呢？仲唔即刻bookmark定呢個食譜😉？

⚠️ p.s. 不過如果你對雞蛋 / 貝類海鮮敏感嘅，就要避免進食喇～

25/04/2023

【⚡運動員快問快答⚡】

嚟到「運動員快問快答」第二集！今次輪到香港田徑代表——「百米女飛人」梁筠宜出場👏🏻～

平時喺比賽場上好認真肉緊嘅筠宜🫡，原來私底下個人好fun㗎～佢對住鏡頭拍片玩「唔准諗，即刻答💥」，都有啲選擇困難🤣 (記住睇埋片尾彩蛋)！而且個人仲好放、好玩得𠻹😆～

我哋為筠宜度身訂造嘅一系列問題，除咗問佢最鍾意啲咩☕🏖️💙，又最驚啲咩之外🥴，我哋仲意外發現，作為運動好手嘅筠宜，原來都有一項活動係佢嘅剋星😈！想知係咩，就要一路睇到最後喇🤪～

#梁筠宜 #田徑 #香港運動員 #唔准諗即刻答 &A #香港體育學院 #恒生銀行
#恒生體院精英運動員全方位發展計劃

20/04/2023

承上post～除咗「多元運動訓練日營🎯」之外，同日發生嘅仲有「精英運動員之路分享會」💬～ Community in Action當日邀請咗兩位資深運動員出席，包括體操大師姐黃曉盈🤸🏻‍♀️，以及前三項鐵人代表羅亮添🏃🏻！佢哋除咗同一眾潛質運動員同埋家長👨‍👩‍👧‍👦，分享自己多年嚟嘅全職運動員生活之外🎽，仲講下自己嘅理財心得💰～另外，現場仲有兩位重量級嘉賓坐鎮🤩，分享佢哋嘅專業意見——分別係恒生銀行嘅代表Andy，同埋體院嘅社區關係及市務總監Ron！

分享會內容豐富，未能盡錄，大家即刻去片睇下活動當日嘅花絮啦🤓～

#香港體育學院 #恒生銀行 #黃曉盈 #羅亮添 #香港運動員

18/04/2023

Community in Action 早前同體院嘅運動選材及發展部（Talent Identification Department）合作，為一班潛質運動員舉辦咗個「多元運動訓練日營🎯」，俾機會佢哋發揮團隊精神，學識點樣喺過程中，同其他人溝通、學習取捨～呢個一連兩日嘅day camp活動好豐富🤩，除咗有破冰環節🧊，俾唔同項目嘅運動員互相認識之外🫱🏼‍🫲🏽，仲有一系列嘅解難遊戲，增加大家嘅默契😉～

而第二日嘅活動更加係重頭戲⚡！團隊特別設計咗個「城市定向City Hunt」🏃🏻‍♀️🏃🏻俾班運動員參與～佢哋仲可以跑出體院，去到馬鞍山同城門河沿岸嘅唔同check points到做任務📍、攞物資🛠️，然後再返體院完成終極任務——砌一個3米高嘅夢高塔🗼！

一眾運動員為咗完成任務，出盡九牛二虎之力咁跑、做體能挑戰🥵，而且又願意鼓起勇氣同途人介紹自己嘅運動專項🤓，最後仲一齊分工合作，夾手夾腳砌個夢高塔出嚟🤼‍♀️～睇住佢地完成一個又一個嘅任務之後，好有成功感嘅樣，我哋都好戥佢地開心🫡！希望今次嘅day camp唔單止為佢地帶嚟難忘嘅時光，都令佢地學到一啲運動以外嘅技能啦☺️！

13/04/2023

【運動員「百變過小櫻」系列🪄】

大家睇香港體操運動員陳卓琳 ( )🤸🏻‍♀️ IG嘅時候，係咪覺得佢出event嘅時候都打扮得好靚好fancy呢？👗💄 原來平時佢嘅衣著係相當簡約架，鍾意著啲sports casual嘅衫👚，同埋佢下晝多數都要訓練，所以好少化妝～總之Charlie日常嘅OOTD都係以容易襯、方便舒服為主～有日佢完咗event返學，啲同學差啲唔認得佢添呀！👀

喺咁多種fashion items入面，Charlie最留意鞋👟同耳環💎～佢最鍾意係佢對白色Nike波鞋，除咗容易襯衫之外，仲會顯得個人高啲添！至於耳環就係用嚟點綴佢簡約嘅造型！Charlie平時比較少戴手鍊同頸鍊，但覺得襯對靚靚嘅耳環就可以昇華晒成個outfit喇！✨✨

Charlie提過好幾次自己著衫都偏向簡單隨性，平時練習返學都係為咗舒服為主。不過，每次比賽上到台就會充滿自信，絕對係另一種感覺呀～❤️‍🔥

#陳卓琳 #體操 #香港運動員
#揀衫 #襯衫
#香港體育學院 #恒生銀行

06/04/2023

【CIA應援站｜體院禮品GIVEAWAY😙🎉】

眨下眼又到DSE考試季📚～ Community In Action為咗同各位考生打打氣💪🏻，特登搜羅咗幾句中、英文勵志金句，希望為大家帶嚟啲正能量🔥！

不過～要打氣嘅又點止係一眾考生啊😌！我哋都想為返緊工、趕緊project、堅持練習、努力照顧家庭，又或者係用心創作緊嘅你、妳、同你哋CHEER UP🫡！大家呢幾年面對疫情都攰喇🫂🫂🫂～未來一定越嚟越好嘅！

咁多句quotes，有無邊句特別鍾意，想share俾朋友仔呢😄🫶？即刻留言tag佢啦～同埋！只要做齊以下三樣嘢👌🏼兼最有心思嘅10位參加者，將會獲得體院嘅限量禮品包🤩！入面有「運動員親筆簽名卡✍️」同「體院文具套裝」㗎🎁！名額得十個咋！

=======================
1️⃣ Like 呢嗰 Post
2️⃣ 留言 Tag 1位朋友
3️⃣ 留下打氣說話或 Emoji

🗓️ 截止日期：2023年4月14日下午11時59分
🎁 我哋會喺4月17日或之前，透過inbox通知10位得獎者！🎁
～拼搏嘅同時，都想有運動員加持？咁就要快啲參加喇💪🏻～
=======================

遊戲須知及條款：
1. 每個FB/ IG帳戶只有一次得獎機會，重複留言將以較遲送出的答案為準；
2. Community In Action會從IG、FB的留言中，揀選10個名額，得獎者將有專人透過inbox通知領獎事宜；
3. 任何因智能電話、網絡技術問題導致參加者所遞交的資料有延誤、缺失、錯漏或無法辨識等，Community In Action恕不對此負上任何責任;
4. 如有任何爭議，Community In Action保留最終之決定權。

03/04/2023

香港三項鐵人運動員黃子圖（）早前去咗🏫 #德信學校同班小學生見面做分享～ MC問起佢作為全職運動員嘅挑戰嗰陣，子圖就話，其實有時玩三鐵都幾攰🏊🏼‍♂️🚴🏼‍♂️🏃🏼 不過... 每次喺好辛苦難捱嘅時候🫠，子圖都會「停一停、諗一諗」😌💭，回想自己一開始玩運動嘅初心！嗰份純粹，令佢搵返堅持進步嘅動力🫶🏼～所以佢都勉勵同學仔喺遇到困難嘅時候，不妨都試下停一停，重整旗鼓之後再出發！

子圖一場嚟到，當然要同班小朋友一齊郁下啦🤩！雖然場地同時間有限，玩唔到三鐵嘅幾個項目，不過子圖都準備咗嗰三鐵專屬嘅「轉項挑戰」🤓，俾大家一嚐比賽時爭分奪秒嘅刺激感🫡！

參與挑戰嘅同學仔分別要戴上單車頭盔、做深蹲跳、著波鞋同埋跑步💪🏼💦，去模擬三項鐵人比賽期間，運動員轉換項目嘅場景～大家都玩得好肉緊🫣！就連無份上場嘅同學仔都好興奮、好激動咁幫朋友打氣，場面熱鬧👏🏼！希望一班學生盡興之餘，都記住子圖哥哥嘅勉勵說話啦❤️‍🔥～

#三項鐵人 #黃子圖 #香港體育學院 #恒生銀行 #港隊 #恒生體院精英運動員全方位發展計劃 #香港運動員

Community In Action

14/07/2023

11/05/2023

03/05/2023

02/05/2023

28/04/2023

26/04/2023

25/04/2023

20/04/2023

18/04/2023

13/04/2023

06/04/2023

03/04/2023

Address

Telephone

Website

Alerts

Shortcuts

Share

Category