皇家瑪莉足球隊 Royal Mary FC

皇家瑪莉足球隊 Royal Mary FC 無高超球技，但至少有改圖技巧；
無球星命，可以自製球星格局！

唔打得?

31/01/2023

原定本週末舉行的皇瑪賀歲波已改期至 2月19日(星期日) 同樣摩士硬地場舉辦。賀歲波喺正月最後一日舉行，都可以算係別出心裁。
Crossbar Challenge 最後上車機會，過咗正月就無理由派利是🧧
皇瑪將會邀請會方友好，共襄盛舉。

24/01/2023

皇家賀歲波自2020封場停辦之後，今年重新舉辦。
2月4日(星期六) 年十四，晚上九點 摩士公園(硬地)
今年繼續會有 Cross Bar Challenge！送出百元利是🧧！
誠邀各位皇瑪友好參加

23/01/2023

皇瑪每年都會祝大家步步高陞

24/11/2022

【皇瑪跟風台】尋晚人人都討論緊魯迪加對日本呢吓動機、心態到底搞乜，我無諗咁多，我淨係諗起講到底線「得」身位，點可能唔係諗起我隊寶少先?!! 連對手同我講起佢，都會提起佢呢個招牌動作。

畢竟「得身位」個個都識，但會選擇由中場線開始「得」，「得」到個波碌出底線，將呢個技術用到咁極端嘅人，我無見過第二個……

試過喺球場食過寶少個背脊嘅嗌聲 ＋1！

【球賽報告】上週六皇瑪舉辦自五月尾後首次活動，友賽迎戰任人隊。皇瑪之神近日都在對方比賽擔任影陰部，促成這場久違的比賽。是戰亦為任人隊經過多年只作每週隊內賽之後的首次對外友賽。比賽以「有人見攰就開聲大家出去飲啖水」形式進行，最後分為四節。第一...
11/07/2022

【球賽報告】上週六皇瑪舉辦自五月尾後首次活動，友賽迎戰任人隊。皇瑪之神近日都在對方比賽擔任影陰部，促成這場久違的比賽。是戰亦為任人隊經過多年只作每週隊內賽之後的首次對外友賽。

比賽以「有人見攰就開聲大家出去飲啖水」形式進行，最後分為四節。

第一節開賽不久，阿豪即成功前場逼搶，在禁區內偷甩對方中堅腳下球，順勢轉身射入打開紀錄。其後，球賽一直膠著，皇瑪雖然控球較多，但到前場三閘線內處理欠佳，攻勢多以傳球失誤或射出界告終。反而對手偶有射門但中框較多，兩軍未能更改比分。

第二節比賽維持球來球往，任人隊在皇瑪防守斷開兩截之下創造不少攻勢及射門，只是多數射得太正被門將擋出而無功而還。皇瑪以燒煙作箭頭，亦因幾乎零跑動令攻勢上不到前線，大有多年前某段時期「要完成攻勢就不可傳球給前鋒」的既視感。不過臨完第二節，皇瑪經中後場多次傳球後，推進至前場，燒煙中鋒位策應，斜傳插入禁區的左閘波比，無人看管的波比竟然未有起腳，反而傳中至禁區人堆之中的朱仔。雖然朱仔最終射入，但所有隊友都被波比嚇壞。

第三節皇瑪陣中最年長的寶少及燒煙同時下場休息，皇瑪平均年紀再降幾年，行軍速度亦提升，奈何學賭王陳金成話齌「後生仔始終係後生仔，都係急啲」快歸快但攻擊套路死板，讓任人隊易於防範。在威脅攻勢欠奉之下，因賽前幾乎地樁而被徽徵召的子鈞朋友一記半場笠射將分差拉開至三球。第三節中段，已經多次射中龍的任人隊憑領隊托迪邊線個人突破後窄位射入近柱，追成一比三。幾分鐘後皇瑪還以顏色，朱仔直傳 overlap 的61，61 同樣窄位射近柱將分差拉回三分差，61 亦終於除了OG之外打開對外友賽入球戶口。本以為第三節會以此作結，兩軍竟然無人嗌攰，一直踢了近 45分鐘，任人隊亦乘朱仔一次邊線突破失敗，搶球策動反擊，皇瑪攻勢被斷後防空虛，雖有子鈞追防仍被對方再追一球。

第四節寶少及燒煙重新進場穩定軍心，不過燒煙一進場就犯上與朱仔同一錯誤，幸而今次射門被皇瑪門將擋出力保不失。年齡上有明顯優勢的皇瑪後段幾次反擊入球一舉拉開比分。先有燒煙一記長距離笠射射入，彌補第一節同一招射中楣。寶少後場截斷對方攻勢後，個人反擊快速推進單刀射入，之後再有子鈞接應燒煙怪傳，騙過門將窄位射入埋齌，比分最終定格於七比二。

賽後皇瑪之神表示球隊延續上場九龍灣喜劇級把握力，雖然九個上陣球員中七人取得入球，但錯失餐士亦是人人有份，唯一能將單刀送入網的竟是中堅寶少。防守方面頭兩節兩閘與中堅的站位不合，頻頻任由對手在前場開餐，如非夠運撞正對手腳頭無靈讓門將有機會救出，形勢會相當複雜。而皇瑪招牌「遞遞腳防守」讓對手接連突破，更付出兩球代價。

皇瑪兩個月才一次活動似乎對默契或發揮都有明顯負面影響，今場面對對手兩日連戰使陣容不整，加上皇瑪平均年齡本身小十歲 (今場老鬼們齊齊缺席再細幾年) 都只能靠臨完場對手體力下降佔一點便宜拉開比分，皇瑪空有控球但未能化成有效攻勢，懷疑對方中框射門比皇瑪更多。整場下來形勢緊湊，最終比數沒有顯示出球賽戰況，預料下次交戰對方齊腳會更為激烈。

【皇瑪賽程】球隊緊急追加日程！下週日晚上挑燈夜戰賈炳達道。對手未有，歡迎約賽。講起賈炳達道球場，皇瑪史上最經典戰役之一。隔離女子排球隊大長腿高顏值，以致有隊員率領下，石地友賽罕有地半場交換陣地，讓自己守備位置更接近排球場。皇瑪該仗大勝、比賽...
08/06/2022

【皇瑪賽程】球隊緊急追加日程！下週日晚上挑燈夜戰賈炳達道。對手未有，歡迎約賽。

講起賈炳達道球場，皇瑪史上最經典戰役之一。隔離女子排球隊大長腿高顏值，以致有隊員率領下，石地友賽罕有地半場交換陣地，讓自己守備位置更接近排球場。皇瑪該仗大勝、比賽內容反而無人記得。六年來隊員們對女排念念不忘，可惜天各一方，恐怕不再遇上，期望今次活動有機會相遇。

【經典時刻】 #當年今日 原來已經十年前嘅今日，皇瑪興華街友賽，對手係邊隊已經唔記得，淨係記得友賽踢到一半想換人，發現後備球員都上晒天橋避雨睇波，已經夠奇怪。更奇怪嘅係，無人換嘅情況下，踢踢吓發現皇瑪少咗個人，朱仔憑空消失，一直六打七，期間...
03/06/2022

【經典時刻】 #當年今日 原來已經十年前嘅今日，皇瑪興華街友賽，對手係邊隊已經唔記得，淨係記得友賽踢到一半想換人，發現後備球員都上晒天橋避雨睇波，已經夠奇怪。

更奇怪嘅係，無人換嘅情況下，踢踢吓發現皇瑪少咗個人，朱仔憑空消失，一直六打七，期間無人知道發生咩事。事後朱哥聲稱急需爆石，而佢強調離場時有嗌。

至今無人明白點解朱哥唔直接叫停球賽，而此事每次踢興華街依然被提起，名留青屎。

p.s. 張相都係十年前嘅，睇吓佢嗰時仲係幾咁年青有為。

【球隊新聞】又經歷半年休季，皇瑪週日晚終於又重開活動。重回皇瑪奪得隊史唯一獎項嘅呢個龍門框留倩影，仲在陣嘅坐低嗰三位同埋後排巴迪齊齊原位remake，只係唔知重咗幾多磅… 有位仲已經加咗位星二代。講返尋晚場波，面對年輕好多年嘅拍跳老對手子鈞...
30/05/2022

【球隊新聞】又經歷半年休季，皇瑪週日晚終於又重開活動。重回皇瑪奪得隊史唯一獎項嘅呢個龍門框留倩影，仲在陣嘅坐低嗰三位同埋後排巴迪齊齊原位remake，只係唔知重咗幾多磅… 有位仲已經加咗位星二代。

講返尋晚場波，面對年輕好多年嘅拍跳老對手子鈞朋友，皇瑪初段與對手拉成均勢，朱仔及巴迪入球令比賽保持平手。不過及後皇瑪一眾久未運動的中年男子體力開始急速下滑，被對手接連取得入球。幸而今年第廿年把守皇瑪大門的 Kingo 十足前晚古圖奧斯般力挽狂瀾(不過對身為利迷嘅佢咁講，唔知會唔會開心…我忍住成日無提，就係怕皇瑪龍門以後無人守… 而去年5月29日皇瑪活動正係我守龍俾人射斷手指…我對守龍仲有啲陰影)

及後子鈞、周周、朱仔接連入球，使比分仍然接近。不過比賽後段進入迷離境界，朱仔、61、周周及燒煙四人竟然打出一段小高潮，幾次反擊行雲流水極具威脅，但四條友輪流門前搞笑，燒煙空門縮頭、朱仔單刀推順射龍門中柱(罰雙倍) 之後下一球信心盡失細禁區大空檔臨門不射被解圍。最後一擊朱仔、周周二人禁區內爭食，被解圍連隨反擊輸多球，比賽亦剛好夠鐘完場。

賽後皇瑪之神表示天氣炎熱兼久疏戰陣下，落敗亦非戰之罪。不過皇瑪把握力漸成喜劇等級，則令人不勝唏噓。賽後隊中「點射都唔入」大前輩子鈞向眾隊友勉勵一番，只有捱過射唔入會被高層講一世的壓力，方可成為偉大射手。而皇瑪之神則考慮下場重新拍片，警剔隊員時刻集中。

【球賽預告】又一次長達大半年嘅休漁期之後，皇瑪終於重開活動，將於月尾選址九龍灣遊樂場舉行。十幾年前皇瑪參加網上聯賽，三季內經常以九龍灣遊樂場作為主場，當中多場經典賽事，包括講一世的隊史唯一公開賽獎項亦在此奪得。是次回歸陳年主場，活動形式仍然...
09/05/2022

【球賽預告】又一次長達大半年嘅休漁期之後，皇瑪終於重開活動，將於月尾選址九龍灣遊樂場舉行。十幾年前皇瑪參加網上聯賽，三季內經常以九龍灣遊樂場作為主場，當中多場經典賽事，包括講一世的隊史唯一公開賽獎項亦在此奪得。是次回歸陳年主場，活動形式仍然未定，視乎短時間內搵唔搵到對手。

郁啦，企喺度托牙?!
5月29日 (星期日) 1900-2100 九龍灣遊樂場

給我們二十年來的守護神🎁🎉
08/05/2022

給我們二十年來的守護神🎁🎉

【球隊新聞】皇家瑪莉依照傳統，為效力十年的隊友舉辦紀念賽，下個月30號將會舉行「強哥紀念賽」，對手暫定為其前球會「08 Uwants 曼迷」。繼C朗十二年後重返曼聯之後，U曼亦有可能十二年後再聚。現正誠邀當年2008為「U曼」奪得聯賽冠軍的...
27/09/2021

【球隊新聞】皇家瑪莉依照傳統，為效力十年的隊友舉辦紀念賽，下個月30號將會舉行「強哥紀念賽」，對手暫定為其前球會「08 Uwants 曼迷」。繼C朗十二年後重返曼聯之後，U曼亦有可能十二年後再聚。現正誠邀當年2008為「U曼」奪得聯賽冠軍的隊友出席，共襄盛舉。

皇瑪只要隊員效力十年、而且與其母會有所連繫的話，都會相約對賽當作紀念賽，之前 Kingo (對元祖皇瑪) 寶少 (對添足) 巴迪 (對銀狼) 都曾經成功舉辦 (雖然寶少紀念賽在天寒地凍橫風橫雨中進行幾乎凍死球場)

強哥在2007/08球季加盟皇瑪後，一直以充沛的體能及助攻助守能力穩站隊中閘位位置。其出眾的位置感經常為防線化解危機，幾乎每場都可以聽到領隊寶少讚嘆強哥又出現在最佳位置成功包抄。

本來兩年前已滿十年但因各種原因延期之今，由於球隊現正經歷隨時結束的危機，而深感強哥在皇瑪防線的貢獻不應被遺忘，故此立即籌備這場紀念賽。因較為倉猝，當中的不善之處還望各位見諒。

今場暫時連主角能否到場都未落實，而對手屬於已解散球隊，在公布賽程之前亦未聯絡相關人士。不過皇瑪之神在舉辦寶少紀念賽時已有重組對手經驗，與當時情況類似的是皇瑪陣中亦有不少從「U曼」過檔的隊員，一同吹雞應該可以事半功倍。

距離正賽尚有一個月。

強哥皇瑪十年紀念賽
2021年10月30日 (星期六)
九龍公園(硬地)足球場
皇家瑪莉 對 Uwants 曼迷 08

【球隊新聞】皇家瑪莉終於結束休漁期，選在一個天時暑熱風都無滴嘅星期六晚重開。幾經波折終於湊夠兩隊開波，連一直表示可於唔落場就盡量唔落場的皇瑪之神亦要頂足全場。久疏戰陣的稀客們如元祖隊員、球隊吉祥物都踢到半條人命。球賽最後十分鐘，終於達成球隊...
25/09/2021

【球隊新聞】皇家瑪莉終於結束休漁期，選在一個天時暑熱風都無滴嘅星期六晚重開。幾經波折終於湊夠兩隊開波，連一直表示可於唔落場就盡量唔落場的皇瑪之神亦要頂足全場。久疏戰陣的稀客們如元祖隊員、球隊吉祥物都踢到半條人命。球賽最後十分鐘，終於達成球隊近年目標—— 以「健步足球」進行——唯獨朱仔一個違反規定。不過朱仔今次見大家行住踢，無再指責隊友「郁啦！企喺度托呀?!」

賽後皇瑪之神表示，以現時傷兵滿營的情況，湊兩隊鬥波未免太進取。下個月打死都要搵對手，如果無對手就自己創造一隊出嚟。十月賽程如無意外將會在下週一公布。

Address

Hong Kong

Website

Alerts

Be the first to know and let us send you an email when 皇家瑪莉足球隊 Royal Mary FC posts news and promotions. Your email address will not be used for any other purpose, and you can unsubscribe at any time.

Shortcuts

Share

Category