EGA Longevity Fitness 艾格健壽體適能

26/06/2025

高強度運動抗癌

高強度運動有一個意想不到嘅好處，就係抗癌！

高強度運動原來亦可以通過增加血流速度嚟達到抗癌效果。當運動加速血流，血液中嘅剪切力會增加，呢種機械力可以殺死流動中嘅癌細胞，呢啲癌細胞通常係由腫瘤原發部位逃脫，進入血液循環後試圖喺其他組織定植同擴散（即癌症轉移）。

同正常細胞相比，流動中嘅腫瘤細胞更加難以承受血液流動產生嘅剪切力，所以比較容易死亡。即係通過加速血流，運動唔單止可以預防癌症，仲可以作為癌症治療嘅輔助手段，有效抑制癌細胞轉移。

正確運動需要專業指導，進展亦需要循序漸進，不能操之過急。希望大家青春常駐！

26/06/2025

高強度運動有一個意想不到嘅好處，就係抗癌！

高強度運動原來亦可以通過增加血流速度嚟達到抗癌效果。當運動加速血流，血液中嘅剪切力會增加，呢種機械力可以殺死流動中嘅癌細胞，呢啲癌細胞通常係由腫瘤原發部位逃脫，進入血液循環後試圖喺其他組織定植同擴散（即癌症轉移）。
同正常細胞相比，流動中嘅腫瘤細胞更加難以承受血液流動產生嘅剪切力，所以比較容易死亡。即係通過加速血流，運動唔單止可以預防癌症，仲可以作為癌症治療嘅輔助手段，有效抑制癌細胞轉移。
正確運動需要專業指導，進展亦需要循序漸進，不能操之過急。希望大家青春常駐！

20/11/2024

20/11/2024

腹式呼吸和核心支撐的正確技巧！
～負重訓練係中老年人運動方案嘅重要組成部分，有助於維持肌肉質量、骨密度同維護身體整體功能性。正確執行時，腹部呼吸同核心支撐係兩種確保負重鍛煉有效同防止受傷嘅必要技巧！！
～～對於中老年人，腹部呼吸同核心支撐不僅係輔助嘅負重訓練技巧。更加係確保安全、有效同長期健康嘅基石。缺乏適當嘅核心參與同呼吸，中老年人更容易受傷，包括肌肉拉傷、韌帶扭傷同脊椎傷害等。
～～腹部呼吸同核心支撐係艾格中老年人體適能訓練系統嘅重要基本技巧，下面我地會分析佢地嘅重要性，同教你如何正確進行。

02/05/2024

看看著名長壽專家醫生示範簡快下身熱身動作！！不要獨享，介紹給親友！

27/04/2024

聽聽名醫們告訴你吸收充足蛋白質配合運動的重要性。請不要輕視，因為大部分人都錯誤地以為自己已經攝取充分的蛋白質！

22/04/2024

著名醫生強調了中老年人提高身體肌肉質量的重要性!

19/04/2024

～深蹲是王道！Squat is King!
～如果你每日運動時間有限，不妨試試深蹲作為基礎運動之一！
～深蹲係多關節及複合運動。佢地可以令運動效率更佳，提升你嘅身體功能，引發相對更高嘅熱量消耗，提供心血管益處，改善平衡同協調能力，並有助於增加肌肉同骨質密度。
～咁多好處，所以好多人認為深蹲係運動之王。
～深蹲適合所有年齡人士進行，對中老年人尤其有用，而早上起床後進行尤其有效果。我地會分析深蹲嘅好處，同埋教你正確深蹲嘅方法。
～早晨進行深蹲，更能提升新陳代謝，改善心情同能量水平，更好嘅專注力和生產力，以及作為全身熱身，幫助你為接下來嘅一天做好準備。

18/04/2024

保持有規律嘅瑜伽練習可以得到身心健康嘅好處。
但瑜珈亦有相關風險 , 醫學報告顯示受傷個案增加，而增加最大嘅係年紀大嘅人！突顯了肌肉骨骼疼痛同瑜伽練習之間嘅複雜關係。
英國醫療報告表示，大多數瑜伽形式嘅運動強度都不足以使你達到政府指導方針所規定嘅每週運動量水平，即係150分鐘嘅中等運動量。
瑜伽確實可以作為一種增強鍛煉嘅方式，每周至少兩次健身課可以幫助你達到有關肌肉活動能力嘅增強。
根據美國有關專業協會意見，保持有規律嘅瑜伽練習可以得到身心健康嘅好處。
但瑜珈亦有相關風險。2016年一項研究報告話，從2001年到2014年，美國急診室發生左近三萬宗同瑜伽有關嘅傷害，每十萬名參與者嘅傷害從9.6％增至17％。大多數傷害係上半身，造成勞損和扭傷。傷害增加最大嘅是65歲以上嘅人。
有骨科醫生提醒關節炎患者喺瑜伽方面需要格外小心。患有關節炎嘅人氏士可以考慮採取一種較溫和嘅方式，或者至少避免關節炎關節超負荷以防止進一步嘅炎症。骨質疏鬆症患者應避免向前彎曲。肩部受傷嘅人應該避開所有需要雙臂高舉嘅動作；椎間盤突出和骨質疏鬆嘅人應避免向前折疊等等。
澳洲某著名大學教授研究發現，瑜伽引起嘅疼痛發生率每年超過10％。呢種傷害率比以前所報告嘅高出十倍。研究仲發現瑜伽可能加劇現有嘅疼痛，造成嘅原有嘅傷害中有21％嘅惡化，尤其是上肢已有嘅肌肉骨骼疼痛，嚴重性足以阻止瑜伽參加，可達三個多月。
但另一方面，74％嘅研究參與者報告話，瑜伽可以改善現有嘅疼痛。呢啲發現突顯左肌肉骨骼疼痛同瑜伽練習之間嘅複雜關係。
瑜珈可以對身體同精神產生很多嘅好處，但不得其法好容易有負面嘅影響。專家鼓勵瑜伽參與者同瑜伽老師同物理治療師先要討論先前已存在嘅疼痛同傷患，特別係上肢部分疼痛嘅風險，以探討可改善安全嘅操作姿勢。
希望大家中老年運動愛好者運動平安！

17/04/2024

中老年人體適能訓練需要全面，針對性及科學化。千萬不能盲目套用年輕人的一套。

16/04/2024

中老年人 很有必要！！
～～臗關節鉸鏈（Hip Hinge）鍛練，係非常有效嘅髖關節運動。今日我地同大家探討嘅就係羅馬尼亞硬舉 (Romanian Deadlift），即係RDL。我地亦會比較普通硬舉同埋RDL嘅分別 ，同埋介紹呢個運動嘅重點技巧同避免受傷嘅方法。
～～臗關節對於中老年人來講，幾乎係最重要嘅關節。因為佢直接影響人嘅活動同移動能力。一旦喪失呢啲能力，研究表明，會大大影響中老年人嘅壽命！
～～我地嘅髖關節每天需要承受好大嘅壓力同工作量，非常任勞任怨。但年紀漸大，肌肉骨質流失，由於髖關節嘅結構問題，佢地亦係最容易受傷嘅重要關節之一！
～～一旦受損，通常影響會比較大，亦不容易恢復。所以大家喺年紀漸大時鍛練同保護臗關節，非常有必要。

據《老年醫學雜誌》上嘅一篇研究報告，定期進行硬舉等力量訓練能夠明顯提高肌肉力量嘅質同量。另外，硬舉運動仲能夠提升骨密度，對抗骨質疏鬆症，對中老年人來講至關重要。
硬舉運動仲會對內分泌系統產生積極影響，刺激身體釋放生長激素同睪酮等激素，對於提高新陳代謝，維持肌肉質量同促進肌肉修復都至關重要。生長激素及性荷爾蒙會喺年老時急遽下降，跟據《運動生理學雜誌》嘅一項研究指出，中老年人進行高強度嘅力量訓練後，呢啲激素嘅水平會有顯著嘅提高。
普通硬舉與羅馬尼亞硬舉的比較
普通硬舉係一種全身力量運動，從地面舉起重量至站立位置，再控制重量放低。
呢種運動對整個後鏈肌群同股四頭肌都有著良好嘅刺激，尤其係豎脊肌同臀大肌。後鏈肌群係你背部嘅肌肉，包括腿後肌群、臀肌、背闊肌、肩胛肌同肩袖肌群。後鏈肌肉被稱為「運動」肌肉群，負責人體大部分嘅高速運動，例如短跑同跳躍。呢啲肌肉通常具有高比例嘅快肌纖維，係身體運動嘅發電中心。
羅馬尼亞硬舉係增強下背、臀部同大腿後側肌群嘅有效運動。同硬舉嘅主要區別在於運動嘅執行方式同活動範圍。
傳統嘅硬舉係從地板開始嘅，所以重點係舉起重量，即係焦點係肌肉同心收縮。RDL嘅重點係有控制地將重量降低到小腿，即係焦點喺肌肉離心收縮。

相對而言，羅馬尼亞硬舉著重於髖部鉸鏈動作，重點訓練臀部同大腿後側嘅肌群，對腰椎嘅壓力較小。所以RDL成為中老年人群中更受歡迎嘅鍛練，特別係對於可能擔心腰背部負擔嘅人仕。
如何有效執行和避免受傷的技巧
硬舉係一項技術要求高嘅運動，正確嘅姿勢同技術係關鍵。以下係一啲基本嘅指導原則：

普通硬舉：
雙腳與肩同寬，腳尖略微向外。雙手握住槓鈴，距離略寬於肩膀。
開始位置為蹲姿，保持背部平直，核心肌肉緊繃。
將臀部向後推，胸部挺起。通過腳部推開地面來舉起杠鈴，同時保持背部直立，直到完全站立。控制槓鈴沿相同路徑下降回地面。動作幅度為從下蹲位置握槓鈴到站立起身，屈曲位置為髖部與膝部。

羅馬尼亞硬舉：
雙腳與肩同寬，腳尖略微向外。雙手握住槓鈴，與肩同寬。
開始位置為站立位，槓鈴位於臀部前。背部平直，收緊核心，肩胛骨微收。
開始下移時，膝蓋微彎，臀部向後移動，上半身向前傾斜，直到感到大腿後側有拉伸感覺。收縮臀大肌同膕繩肌，臀部向前推拉起槓鈴，同時上半身返回到直立位置。動作幅度為從直立然後彎腰到小腿高度。屈曲位置主要為髖部。

大家覺得視頻有用嘅請介紹俾親友，同訂閱我地嘅頻道，可以收到我地未來視頻嘅通知。
進行硬舉運動時，為左避免受傷，應注意充分熱身，準備好肌肉同關節。唔好急於增加重量，應逐步提升。選擇能夠控制而且喺保持正確姿勢嘅情況下完成嘅重量。對於初學者，建議喺專業教練指嘅導下學習正確嘅技術。遇到疼痛或者不適，應該立即停止運動。
硬舉運動，尤其係對於中老年人來講，係一種有益健康嘅運動形式。可以幫助改善肌肉質量，增加骨密度，並且對抗隨著年齡增長而自然發生嘅生理衰退。
最重要嘅係，使用正確嘅技術來執行呢啲動作，不僅可以提升運動效果，更可以大大降低受傷嘅風險。
中老年人喺進行任何新嘅或者改變運動訓練之前，應當諮詢醫生同健身教練嘅專業意見。