26/05/2026
Wan’s home recap 🏠✨
原來距離我哋訪問阿溫，已經係幾個月前嘅事。過咗冇耐佢真係搬咗屋，大家（應該）都覺得，好彩當日有拍片留下咗呢間屋嘅影像記憶。
溫係我喺大學認識嘅朋友。由大學一齊 fing、一齊行古著舖、去唔同嘅 music festival 睇 show，到後來一齊沉迷露營……甚至連當年草記間舖油油、平時市集擺檔，佢都時常黎幫手探望我哋。可以話，佢根本係草記嘅「第三人」，係我哋非常重要嘅朋友🫶🏻 所以喺構思 Room Tour 系列時，佢嘅屋企一早就在我哋嘅 bucket list 上。
呢間屋係佢第一次搬出黎住嘅屋企，由明亮嘅日光、深木色家具、鮮明跳tone嘅指定顏色與可愛小物構成。
除左係睇 show buddy，我哋亦都由細到大沉迷睇貓睇狗仔，時至今日 IG 大部分對話都仲係互 send 貓狗片（笑）。佢嘅屋企亦都充滿由不同地方收集返黎嘅可愛小物，雖然混集唔同風格、有啲亦都意味不明，有啲就由佢伴侶親手創作——但訪問佢嘅時候，佢講起呢啲小可愛都會忍唔住會心微笑，佢份人就係咁～
佢亦都介紹咗好多佢收藏嘅 Zine、佢喜愛嘅黑膠同 Vintage 衫。呢間屋嘅物件雖然好多，但睇佢嘅 display 又會感受到佢嘅獨特眼光。「點解揀呢樣擺喺呢個位置？」聽佢大家講背後嘅故事，都算係我訪問時最大嘅樂趣。
嗰日拍完片，我哋一齊打邊爐，仲要開埋佢哋支牛奶酒（非常好飲！），真·打擾晒！而家睇返轉頭，真係好慶幸喺屋主收返間屋之前，我哋有「逼」佢俾我哋上嚟拍。
呢間屋已經正式成為回憶，未睇過嘅老友，不妨入去行個圈，感受吓呢個曾經存在嘅空間，希望能夠帶俾大家更多家居佈置嘅靈感。至於佢嘅新屋……等多一排我哋再上去打攪、打邊爐先😗
🎬 窺探阿溫嘅家｜Room Tour link in bio
![[再見！草記要結業營業了！]草記嘅第一個post係20年嘅2月28日出嘅，原來不知不覺已經4個年頭。我哋想襯住呢個時間，同大家講聲，草記決定要喺2月28日結束營業啦！草記從來都係想成為一個有趣嘅Brand，成日喺每一個環節都想花多啲啲時間，...](https://img4.gyms1.com/391/281/815612943912811.jpg)
