Little.think

16/09/2025

安心購 
馬來西亞 D197 貓山王榴槤冰皮月餅🥮🏮💕

🎑中秋節就黎到啦😍當然唔少得食月餅啦❗今次要介紹既就係 既馬來西亞 D197 貓山王榴槤冰皮月餅🥮用上100% 純正貓山王果肉，真係岩曬榴槤控啊💥🤤

🥮馬來西亞 D197 貓山王榴槤冰皮月餅
💰HKD368/盒，月餅一盒有六件，榴槤味相當濃厚，肉質細膩綿密，更帶有濃郁奶香，真係相當好食🤤

而家購買月餅仲會附送漆皮貓王保溫冰袋及精緻燈籠禮盒，附有燈飾及裝飾組件，可以DIY 組裝發光燈籠🏮(限量500套咋!) 食得又玩得，啱晒大人同小朋友😆💕💕


@安心購
📍售賣點
🔺太子花園街232號，F店，地下，安心購
🔺油麻地新填地街果欄路段4號地舖，安心購

01/07/2025

鉄人旨花
高質龍蝦鐵板燒🦞🔥10周年半價優惠💰❗️

👍🏻餐廳環境闊落舒適，有食廚師發辦既長吧檯位置，能夠睇到師傅烹調食物既半圓鐵板燒枱，仲有獨立包廂位置
👍🏻而家有10周年超抵半價優惠，以及各種加購優惠，非常抵食❗️

✨🦞澳洲龍蝦和牛 二人前 半價$1340 （原價$2680）
🦐手作前菜
前菜有櫻花蝦茶碗蒸，入面有蟹柳、櫻花蝦及銀杏，入口蛋味香濃，質感滑溜。

🥗蔬菜沙律
是日沙律係和風沙律，沙律菜新鮮爽脆，再淋上柚子酸汁，味道酸甜開胃。

🐟時令刺身或燒帶子
時令刺身有鯛魚、三文魚及赤蝦。鯛魚軟滑，帶有魚油香；三文魚肥美；赤蝦清甜彈牙。因為我懷孕嘅關係👶🏻餐廳好貼心幫我將刺身改做燒帶子，帶子新鮮，外帶焦香，肉質嫩滑，配上烤過嘅茄子，口感豐富。

🐠洋蔥汁煮深海白鱈魚
白鱈魚燒至焦香，用上和風洋蔥汁烹調，魚肉細緻嫩滑，洋蔥清甜，醬汁惹味，再加上煎到香脆既魚皮，配搭埋一齊非常好食👍🏻

🦞活原隻澳洲龍蝦
澳洲龍蝦大隻肉厚，入口味道鮮甜，肉質爽彈，配搭味道濃郁既配海膽龍蝦膏南瓜忌廉汁，真係忍唔住一啖接一啖，蝦膏香濃嘅味道，將蝦肉鮮味提升，好食推介👍🏻

🌟 #優惠情報🌟
而家加購南非鮑魚只係$88，所以我地都加左一隻❗️南非鮑魚夠晒大隻，而且新鮮生猛。師傅將鮑魚燒至半熟，再加上牛油及日式醬油烤香。鮑魚有三種食法：原味鮑魚帶有牛油香；配上檸檬汁後清新開胃；配上海苔忌廉汁 有少許奶油香。

🍄季節時疏
季節時疏係日本白花菇，非常厚肉，入口彈牙，味道香濃。

🔥🥩日本北海道產A5和牛薄燒或厚燒
薄燒嘅A5和牛，師傅將和牛包上炸蒜片及香蔥再燒製。和牛及炸蒜味道非常夾，食落有蒜香，帶出和牛香氣。

厚燒嘅A5和牛肉質軟腍，牛味突出，而且多肉汁，油脂豐富，非常好食👍🏻配菜仲有羽衣甘藍、蒜片同番薯仔～

建議大家第一嚿先食原味，亦可以點少少鹽，或者加上Wasabi、蒜片一齊食～

🍚鉄板炒飯
鉄板炒飯配料有煙肉、香蔥、雞蛋、洋蔥及蘿蔔粒。師傅將飯炒到粒粒分明，非常香口。

🥣自家豆乳鮮鷄湯
雞湯入面有椰菜及菇菌，充滿豆香，味道清甜。

🍈甜品
甜品我地揀左柚子雪葩及靜岡蜜瓜，柚子雪葩酸酸甜甜，質感幼滑，仲有粒粒柚子，增加口感；靜岡蜜瓜味道清甜，而且非常多汁，超級好食👍🏻

🌟 #優惠情報🌟
除左有優惠價嘆鐵板燒餐🔥
仲有其他加購優惠，包括👇🏻
鐵板燒活龍蝦$288蚊一隻
鐵板燒活鮑魚$88蚊一隻

同埋特價鐵板燒及廚師發辦套餐❗️

🔥 鉄人旨花
📍位置：銅鑼灣謝斐道477-481號肇明大廈2樓

17/04/2025

算甚麼人
流年運程測算分享💕

✨唔知大家平時有冇算開流年🤔今次就同大家分享一下我最近既算流年經歷。今年既流年，我搵左楊天命師傅嘅學生👉🏻馬師傅 幫忙測算，仲提供咗好多實用建議💕

💡算流年過程
喺約時間面見後，需要先提供出身年月日時比師傅，之後師傅會預先測定運程，到見面嗰日，就可以即時進行講解。

一坐低之後，師傅會先同你講解八字，分析性格特質，再就事業、感情、健康等等逐一講述，有問題可以即時發問。

之後仲會逐個月仔細講解需要留意嘅地方，以及相應嘅建議，相當完善。

而且師傅仲會有售後服務，之後如果有咩問題，都可以透過電話同師傅聯絡，師傅仲會提供一份完整嘅運程批文，所以唔使怕記唔住師傅講嘅嘢，真係好細心💕

如果大家有算流年既需要，都可以不妨一試～

店舖IG:
📍門市位置：觀塘鴻圖道55號幸運工業大廈13樓
（將會搬到土瓜灣）

18/01/2025

CARVER
悠閒半自助午餐🍴

👍🏻餐廳環境雅致，寬敞舒適，餐廳中間嘅位置放有半自助嘅沙律吧、甜品吧

✨週末半自助午餐
🥗沙律及冷盤
沙律有唔同嘅配料，包括鴨胸蜜桃、粟米大蝦、燒吞拿魚沙律、泰式牛肉、魷魚蘑菇，啦、薯仔沙律、蘆筍沙律等，個人推介泰式牛肉，味道酸酸辣辣，非常開胃。另外旁邊仲有煙肉、三文魚及芝士條。

🥣蘑菇湯及餐包
餐廳嘅蘑菇湯同餐包都係自助，蘑菇湯濃郁細滑；餐包可以配上黑醋及橄欖油。

🦪前菜
焗生蠔有兩款口味，分別係Rockefeller菠菜忌廉及Kilpatrick芝士煙肉。菠菜忌廉充滿淡淡奶香；芝士煙肉味道充滿咸香。

🐑Lamb Rump
其中一款主菜叫左香烤羊臀肉，配菜有田園蔬菜及薯蓉。羊肉鮮嫩，無羊臊味，配上法式芥末味道好夾，另外薯蓉非常細滑，充滿牛油香。

🐂Russian Striploin-Prime
另一款主菜叫左俄羅斯頂級西冷牛排，配菜有田園蔬菜。牛扒外脆內嫩，肉味濃郁，亦係非常好食。

🍮甜品
甜品種類都幾多，有焦糖燉蛋、意式奶凍、芝士餅、馬卡龍、蝴蝶酥、暖朱古力布甸及麵包布甸等，個人特別推介焦糖燉蛋，幼滑富蛋香，蝴蝶酥亦係香脆好味。

📍位置：銅鑼灣禮頓道8號香港銅鑼灣皇冠假日酒店1樓

30/11/2024

08/09/2024

必勝客
Pizza Hut買1主菜送1皇牌意粉或飯優惠🍕💥

✨ 講起Pizza Hut 大家第一時間一定係諗起pizza🍕但係Pizza Hut其實仲有好多特色主食，由即日起至9月11日，仲推出一連7 日快閃優惠，惠顧1 款主打高蛋白質嘅指定主菜，即可免費喺指定嘅人氣意粉同飯當中任選1款，非常抵食❗️

指定主菜包括：全新香噴噴海鮮煲、啖啖肉豬仔脾、惹味豬仔骨、外脆內嫩烤雞等等，最平$99就可以歎埋意粉或飯🍝

而且優惠於全線分店，堂食、外賣自取及外賣速遞都啱用💕想再方便啲，可以用Pizza Hut 手機應用程式或網站落單📱💰

～～～～～～～～～～～～～～～～～～～～～～～
今次我就點咗👇🏻
🔹烤香腸拼盤拼薯蓉
🔺送🫶🏻 香濃肉醬意粉
🔹刁草忌廉海鮮煲配蒜蓉包（5片）
🔺送🫶🏻秘製葡式烤雞焗飯
🍹青檸薄荷梳打、荔枝玫瑰梳打

主菜方面，香腸拼盤有豬肉腸同雞肉腸，外皮香脆，味道咸香；忌廉湯內有大蝦、帆立貝、魷魚等海鮮，配埋充滿蒜香嘅蒜蓉包一齊食，勁夾～

意粉及飯方面，有我最鍾意嘅蕃茄肉醬意粉，濃濃嘅蕃茄肉醬，勁滿足❤️而烤雞焗飯有雞肉配搭富椰香嘅葡汁，兩款都係餐廳招牌❗️

📍位置：九龍灣牛頭角道77號淘大商場2期1樓F173-187號舖
hk
#買一主菜送一意粉飯 #高蛋白質之選 #期間限定 #優惠