GFF Football Academy Rukhi - სფფ აკადემია რუხი

29/11/2025

⚽️⚽️⚽️ აკადემიელებმა სეზონი მოგებით დაასრულეს

⚽️ ოქროს ლიგის გათამაშების ზედა ჯგუფში, სფფ რუხის აკადემიამ დღეს, ჩემპიონატის ბოლო ტურის შეხვედრა გასვლაზე, თბილისის "იბერია 1999"-ის წინააღმდეგ გამართა და მეტოქე 2:1 დაამარცხა.

⚽️ ანგარიში სტუმრებმა, შეხვედრის პირველ ნახევარში გახსნეს. დედაქალაქელთა კარის მიმართულებით დანიშნული ჯარიმა, გოლად ნიკუშა გალდავამ აქცია და მან, ეფექტური გოლი გაიტანა.

⚽️ მეორე ტაიმში მასპინძლები გააქტიურდნენ და მალევე წონასწორობა აღადგინეს. თამაშის დასულებამდე ხუთი წუთით ადრე, რუხის აკადემიელებმა ჩინებულად ითამაშეს - გალდავა, ბრეგაძე, საჯაიას იდეალური კომბინაცია გოლით, ალექს გოგიაშვილმა დაასრულა და მან საკუთარ გუნდს მოაგებინა. უნდა აღინიშნოს, რომ მიმდინარე გათამაშებაში ათი გატანილი გოლით, აკადემიელთაგან ალექს გოგიაშვილი საუკეთესო ბომბარდირი გახდა საკუთარ გუნდში. ასევე აღვნიშნავთ, რომ ამ ასაკის გუნდს რუხის აკადემია უკვე დაემშვიდობება და თითოეულ ფეხბურთელს, წარმატებებს ვუსურვებთ საფეხბურთო სფეროში.

⚽️ ახალი ჩემპიონატიდან, რუხის აკადემია უკვე შერჩევის პრინციპით, ახალ შემადგენლობას ჩამოაყალიბებს და ახალი სეზონიდან, უკვე საბრძოლო მოტივაციით, ახალი გუნდი დაიწყებს საფეხბურთო სეზონს.

26/10/2025

⚽️⚽️⚽️ განსხვავებული ტაიმები და ფრე მეორეადგილოსანთან

⚽️ ოქროს ლიგის გათამაშების ზედა ჯგუფში, სფფ რუხის აკადემიამ წინა ტურში, ქუთაისის "ტორპედოსთან", საშინაო შეხვედრაში განცდილი მარცხის შემდეგ, დღეს მეხუთე ტურის მატჩიც რუხის ტექნიკურ ცენტრში გამართა და თბილისის "იბერია 1999"-ს უმასპინძლა. წინა ტურში კი აკადემიელები, ქუთათურებთან 1:2 დამარცხდნენ.

⚽️ გათამაშების მეორე ადგილოსანთან მატჩი კი, მასპინძლებისთვის არასახრბიელოდ დაიწყო და დედაქალაქელები პირველ ნახევარში ორბურთიანი უპირატესობით დაწინაურდნენ. მეორე ტაიმში კი, აკადემიელებმა საბრძოლო ჟინი გამოავლინეს და მეტოქეს გამოწვევას ტოლ-სწორად უპასუხეს. ჯერ ალექს გოგიაშვილმა შეამცირა სხვაობა, ხოლო სანდრო გელენევამ წონასწორობა აღადგინა. საბოლოოდ მატჩი 2:2 დამთავრდა.

⚽️ მეექვსე ტურის შეხვედრას რუხის აკადემიელები ისევ, რუხის ტექნიკურ ცენტრში გამართავენ და 1 ნოემბერს, "ინტერი" აკადემია თბილისის გუნდს მიიღებენ.

21/10/2025

⚽️⚽️⚽️ III ტური - "სფფ რუხი" აკადემია - "ტორპედო" ქუთაისი

⚽️ ოქროს ლიგის ზედა ჯგუფში, თხუთმეტწლამდე გუნდები მესამე ტურის შეხვედრებს გამართავენ. რუხის აკადემიელები, რუხის ტექნიკურ ცენტრში, ქუთაისის "ტორპედო"-ს უმასპინძლებენ.

⚽️ წინა ტურში რუხის აკადემიელებმა, გასვლაზე გათამაშების ლიდერთან, თბილისის "დინამოსთან", ფრედ 2:2 ითამაშეს. საშინაო შეხვედრისთვის, აადემიელები სრულ საბრძოლო მზადყოფნაში არიან.

⚽️ "სფფ რუხი" აკადემიას და "ტორპედო" ქუთაისის გუნდებს შორის მატჩი, ხვალ 22 ოქტომბერს, რუხის ტექნიკურ ცენტრში გაიმართება და თამაში 17:00 საათზე დაიწყება.

18/10/2025

⚽️⚽️⚽️ ფრე ერთპიროვნულ ლიდერთან

⚽️ რუხის აკადემიელებმა, ოქროს ლიგის გათამასების ზედა ჯგუფში, მორიგი ტურის შეხვედრა, გათამაშების ერთპიროვნულ ლიდერთან, თბილისის "დინამოსთან" გამართს და ეს შეხვედრა, ფრედ 2:2 დასრულდა.

⚽️ უნდა აღინიშნოს, რომ ორივე ტაიმში, ლიდერი ორჯერ იგებდა და აკადემიელებმა, ქული მოპოვება შესძლეს. შეხვედრის პირველ ნახევარში მასპინძელი გუნდი დაწინაურდა და თამაშის ნახევარიც ასე დასრულდა.

⚽️ მეორე ტაიმის საწყის წუთებში, სტუმრებმა იხეირეს. ალექს ბრეგაძემ, ზუსტი გადაცემა გააკეთა ალექსი გოგიაშვილის მისამართით და გოგიაშვილმა წონასწორობა აღადგინა. შემდეგ უკვე კვლავ დედაქალალქელები დაწინიაურდნენ და ისინი, თითქოს უკვე სამქულიანთან ახლოს იყვნენ. ისევ ალექს ბრეგაძეს აქტიურობა, რომელმაც ლუკა საჯაიასთან ჩინებული კომბინაცია გაითამაშა და ლუკა საჯაიამ ისევ თანაფარდობა აღადგინა. აქვე უნდა აღინიშნოს აკადემიელთა მეკარის, ლევან თამაზოღლის კარგი თამაში და განსაკუთრებით მისი ბოლო წუთებზე მოქმედება, როცა მეტოქე ფეხბურთელს შეიძლება ითქვას, ასპროცენტიანი შანსი არ გამოაყენებინა და საკუთარ გუნდს ქულა შეუნარჩუნა.

27/09/2025

⚽️⚽️⚽️ აკადემიელები მინიმალური ანგარიშით დამარცხდნენ

⚽️ დღეს, სფფ რუხის აკადემიამ, ოქროს ლიგის გათამაშების ზედა ჯგუფში, პირველი ტურის შეხვედრა გამართა გასვლაზე, "ინტერი" აკადემიას წინააღმდეგ და მინიმალური ანგარიშით 1:0 დამარცხდა.

⚽️ ამ შეხვედრაში მასპინძლები სწრაფი გოლით, მერვე წუთზე დაწინაურდნენ და მათთვის ეს, სამქულიანი აღმოჩნდა.

⚽️ მომდევნო შეხვედრა რუხის აკადემიელებს, ქუთაისის "ტორპედო"-ს წინააღმდეგ უწევთ, თუმცა ეს შეხვედრა გადაიდება, ვინაიდან რუხის აკადემიელები 8-12 ოქტომბერს, ბათუმში გასამართ საერთაშორისო ტურნირში მიიღებენ მონაწილეობას. BATUMI CUP 2025 8-12 ოქტომბერს გაიმართება და საქართველოს ოთხი გუნდის გარდა, ესპანეთის, ნიდერლანდების, უკრაინის და პოლონეთის, ტოპ აკადემიის გუნდები ჩაერთვებიან.

26/09/2025

⚽️⚽️⚽️ ზედა ჯგუფის პირველი ტური -"ინტერი" აკადემია - "სფფ რუხი" აკადემია

⚽️ ოქროს ლიგაში, ზედა ჯგუფის პირველი ტურის შეხვედრები, თხუთმეტწლამდე გუნდებს შორის იწყება. რუხის აკადემიელები ზედა ჯგუფში, პირველი ტურის მატჩს გასვლაზე, "ინტერი "აკადემია"-ს წინააღმდეგ გამართავენ.

⚽️ ოქროს ლიგის გათამაშებაში, ზედა ჯგუფში თხუთმეტწლამდე ხუთი გუნდი ასპარეზობს - "დინამო" თბილისი, "იბერია 1999" თბილისი, "ტორპედო" ქუთაისი, "ინტერი" /თბილისი/ აკადემია და "სფფ" რუხი" აკადემია".

⚽️ "ინტერი" აკადემია და "სფფ რუხი"-ს გუნდებს შორის, პირველი ტურის შეხვედრა, ხვალ 27 სექტემბერს, თბილისში, ინტერი აკადემია"-ს ბაზაზე გაიმართება და თამაში 14:00 საათზე დაიწყება.

22/09/2025

⚽️⚽️⚽️ "35-ე საფეხბურთო სკოლა" -"სფფ რუხი" აკადემია - 0:5

⚽️ გოლი: ალექს გოგიაშვილი, ლუკა საჯაია /დუბლი/, ნიკოლოზ ჩარტია, ალექს ბრეგაძე

⚽️ /ვიდეო-კოლაჟი/

Enjoy the videos and music you love, upload original content, and share it all with friends, family, and the world on YouTube.

20/09/2025

⚽️⚽️⚽️ აკადემიელებმა ყოველგვარი კითხვა მოხსნეს - დიდი ხუთიანით ზედა ხუთეულში

⚽️ ოქროს ლიგის გათამაშებაში, თხუთმეტწლამდე გუნდებმა ბოლო ტურის შეხვედრები გამართეს და უკვე გარკვეულია, ზედა და ქვედა ლიგაში მოასპარეზე გუნდების ვინაობა. ბოლო ტურის შეხვედრას რუხის აკადემიელებისთვის უდიდესი მნიშვნელობა ჰქონდა -იასპარეზებდნენ თუ არა აკადემიელები ზედა ლიგაში? რუხის აკადემიელებმა ყოველგვარი კითხვა მოხსნეს და დღეს გასვლაზე, 35-ე საფეხბურთო სკოლის გუნდი დიდი ანგარიშით 5:0 დაამარცხეს, რითაც ზედა ლიგის საგზური მოიპოვეს.

⚽️ ვიდრე დღევანდელ შეხვედრას შევეხებოდეთ, ორიოდე სიტყვით უნდა მოგახსენოთ, რუხის აკადემიას, ამ ასაკში, ყოველ წელს ახალი გუნდის შექმნა უწევს. მიმდინარე სეზონზეც მოასპარეზე თხუთმეტწლამდე გუნდიც ახალი შექმნილია და ბუნებრივია, ჩემპიონატის საწყის ეტაპზე, ვიდრე ფეხბურთელები ერთმანეთს შეეწყობიან სტარტი ერთი შეხედვით, თითქოს არასახარბიელო ჩანს, თუმცა გარკვეული ტურების შემდეგ რუხის აკადემია ყოველთვის ანგარიშგასაწევ ძალად ყალიბდება და რაც მთავარია, ფეხბურთელები, თანამედროვე სტანდარტების უნარ-ჩვევებს ეუფლებიან.

⚽️ რაც შეეხება დღევანდელ მატჩს - ანგარიში პირველ ნახევარში, ლუკა საჯაიას ზუსტი გადაცემის შემდეგ, ალექს გოგიაშვილმა გახსნა და პირველი ნახევარიც ამ ანგარიშით დასრულდა.

⚽️ მეორე ტაიმში უკვე საგოლე გადაცემის ავტორმა ლუკა საჯაიამ ორამდე გაზარდა ანგარიში და ცოტა ხანში მან, უკვე დუბლი მიითვალა -საკუთარი გუნდი კი სამბურთიანი უპირატესობით დააწინაურა. აქ უნდა აღინიშნოს ასევე, ნიკუშა გალდავას ჩინებული თამაში და საგოლე გადაცემა საჯაიას მისამართით, მეოთხე გოლი კუთხურს მოჰყვა -ალექს ბრეგაძემ, ნიკოლოზ ჩარტიას მისამართით გააკეთა გადაცემა და ამ უკანსკნელმა მეოთხედ აიღო მეტოქის კარი. მეხუთედ თავი თვითონ ალექს ბრეგაძემ გამოიჩინა, რომელმაც სტანდარტულიდან აუღებელი დაურტყა მეკარეს და შეხვედრას წერტილი დაუსვა.

⚽️ ამრიგად სფფ რუხის აკადემია ზედა ჯგუფში იასპარეზებს. ოქროს ლიგის ზედა ჯგუფში შემდეგი გუნდები ითამაშენენ: "დინამო" თბილისი, "იბერია 1999" თბილისი, "ინტერი" /თბილისი/ აკადემია, "ტორპედო" ქუთაისი და "სფფ რუხი" აკადემია.

⚽️ დღევანდელი მოგება კი აკადემიელებმა, სანდრო ბრეგაძის მეგობარს, ტრაგიკულად დაღუპულ დათო ხურციძეს მიუძღვნეს.

19/09/2025

⚽️⚽️⚽️ სამი ქულა და ზედა ხუთეულში ასპარეზობა

⚽️ ოქროს ლიგის გათამაშებაში, თხუთმეტწლამდე გუნდები ბოლო მეთვრამეტე ტურის შეხვედრებს გამართავენ. რუხის აკადემიელები ამ ტურში, გასვლაზე "35-ე საფეხბურთო სკოლის" გუნდს დაუპირისპირდება. ბოლო ტურის შემდეგ, უკვე ათეული გაიყოფა და გუნდები, ზედა და ქვედა ჯგუფებში გადანაწილდებიან. აკადემიელებს ბოლო ტურში სამი ქულა სჭირდებათ და ისინი, მოგების შემთხვევაში ზედა ჯგუფში იასპარეზებენ. აკადემიელებს სხვა თეორიული შანსიც აქვთ - თუ "გლდანი-ტორპედო"-ს შეხვედრა ქუთათურების მოგებით დასრულდება, ამ შემთხვევაშიც აკადემიელები ზედა ხუთეულში ხვდებიან.

⚽️ ხვალინდელი შეხვედრისთვის რუხის აკადემიელები, საბრძოლო მოტივაციით არიან განწყობილი. "35-ე საფეხბურთო სკოლის" და "სფფ რუხი" აკადემიას გუნდებს შორის მატჩი, ხვალ, 20 სექტემბერს, თბილისში, "მარაკანა"-ს სტადიონზე გაიმართება და შეხვედრა 16:00 საათზე დაიწყება.

16/09/2025

⚽️⚽️⚽️ "კონტრ-შეტევის" ახალი ტალანტი-ალექს ბრეგაძე

⚽️ crystalsport-ის ახალი პროექტი, "კონტრ-შეტევა", მომავალ ნიჭიერ /ტალანტებს/ ფეხბურთელებს, ქვეყნის მასშტაბით ავლენს და ფეხბურთის მოყვარულებს, სპორტული გადაცემის მეშვეობით აცნობს.

⚽️ "კონტრ-შეტევის" მესამე ეტაპზე, სფფ რუხის აკადემიის, გამორჩეული, შემტევი ნახევარმცველი ალექს ბრეგაძე გამოარჩიეს. თამამად შეიძლება იმის თქმა, რომ ალექს ბრეგაძე, არის უნივერსალი ფეხბურთელი და თანაბრად, სხვადასხვა პოზიციაზე თამაში შეუძლია.

⚽️ ბოლო ტურში, თბილისის "დინამო 2"-თან, ალექს ბრეგაძე ჩინებულად გაისარჯა და მატჩის საუკეთესო მოთამაშედ, სწორედ იგი დასახელდა.

⚽️ სპორტული გადაცემა "კონტრ-შეტევა", ალექს ბრეგაძეს რუხის ტექნიკურ ცენტრში ეწვია და მასზე ვრცელი სიუჟეტი მოამზადა.

#სფფრუხისაკადემია
#ტრამპლინიდიდიფეხბურთისკენ
#წარმატებებიალექსბრეგა

rystalSport-ის პროექტი - „კონტრ-შეტევა"სპორტული ჟურნალისტები - მამუკა კუკულაძე / დიმა შარიქაძეთემა - ქართველი ლეგიონერებ.....

11/09/2025

⚽️⚽️⚽️ მხარდაჭერა ყოფილ თანაგუნდელს -აკადემიელებმა მოგება, მარიამ დოხნაძეს მიუძღვნეს

⚽️ დღევანდელი შეხვედრა, "სფფ რუხი" აკადემიას და "დინამო 2" თბილისის გუნდებს შორის, აკადემიელთა მოგებით 3:1 დასრულდა. აკადემიელთა ახალბედა ფეხბურთელებმა, ყოფილი თანაგუნდელის გიორგი დოხნაძის მიმართ, კიდევ ერთხელ გამოხატეს მხარდაჭერა და დღევანდელი წარმატება, ავტოკატასტროფაში დაღუპულ, დოხნაძის დის, მარიამ დოხნაძეს მიუძღვნეს.

11/09/2025

⚽️⚽️⚽️ გოლი, საგოლე გადაცემა და საუკეთესო ალექს ბრეგაძე - აკადემილებმა, თბილისის "დინამო 2" დაამარცხეს

⚽️ ოქროს ლიგის გათამაშების დასრულებამდე, ერთი ტურთ ადრე, რუხის აკადემიელებმა, საკუთარ მოედანზე თბილისის დინამო 2"-ს უმასპინძლეს და მეტოქე 3:1 დაამარცხეს.

⚽️ არადა, მატჩის სცენარი საწყისი წუთებიდან, მასპინძელთა საპირისპიროდ წარიმართა, როცა მათი კარის მიმართულებით პენალტი დაინიშნა და დედაქალაქელებმა გოლად აქციეს - ამის შემდეგ უკვე აკადემიელებმა მოახერხეს თამაშის დალაგება და ინიციატივის მოპოვება. პირველი ნახევრის შუაწელისკენ, ნიკუშა გალდავამ, შორეული საჯარიმო დარტყმით ეფექტური გოლი შეაგდო და წონასწორობა აღადგინა.

⚽️ მეორე ტაიმის საწყის წუთებზე უკვე, ალექს ბრეგაძის აქტიურობას, დაწინაურებისთვის მცირედი დააკლდა. მასპინძელთა გუნდი დღეს, მთლიანად მოტივირებული იყო, თუმცა გამორჩეულად საუკეთესო, ალექს ბრეგაძე გახლდათ. სწორედ მან, კუთხურიდან მოაწოდა ბურთი და ლუკა პაჭკორიამ საკუთარი გუნდი წინ გაიყვანა. ეს მოხდა შეხვედრის ბოლოსკენ, ხოლო ბოლო წუთებზე თავად ალექს ბრეგაძის საოცარი ოსტატობა ვნახეთ, როცა მან ერთდროულად რამდენიმე მეურვე ჩამოიცილა და შეხვედრას, მესამე გოლით წერტილი დაუსვა - 3:1.

⚽️ რუხის აკადემიელები, ტურის ბოლო შეხვედრას, გასვლაზე თბილისში, "35-ე ს.ს"-ის წინააღმდეგ 20 სექტემბერს გამართავენ. ამ ტურის დასრულების შემდეგ, ზედა და ქვედა ხუთეულიც გაირკვევა.