26/09/2025
1993 წლის 27 სექტემბერი ჩვენი ისტორიის ერთ-ერთი ყველაზე მტკივნეული დღეა — სოხუმის დაცემა. იმ დღეს დავკარგეთ ასობით სიცოცხლე, ათასობით ჩვენი თანამოქალაქე გახდა დევნილი, ჩვენი ქალაქები და სოფლები კი — ნანგრევებად ქცეული. ეს იყო რუსული ოკუპაციის მძიმე დაღი ჩვენს მიწასა და გულზე.
მაგრამ დროის გასვლამ ვერ დაგვავიწყა მთავარი: აფხაზეთი საქართველოს განუყოფელი ნაწილია. ჩვენი ტკივილი უნდა იქცეს ძალად, რათა მომავალში აფხაზ და ქართველ ძმებს შორის შერიგება შესაძლებელი გახდეს.
ჩვენ გვწამს, რომ ოკუპაცია დროებითია, ხოლო თავისუფლება — მარადიული. და მოვა დღე, როდესაც სოხუმში ისევ ერთიანობისა და მშვიდობის დროშა აიფრიალებს.
