18/07/2025
Betsson forum-ის ფარგლებში, დინამო თბილისისგან განსაკუთრებული საჩუქარი მივიღე, რომელსაც თან საკმაოდ უჩვეულო და ემოციური წერილი ახლდა.
დინამო თბილისი ჩემთვის და ჩემი ოჯახისთვის რას ნიშნავს, ამაზე ბევრჯერ მისაუბრია, მაგრამ ყველაზე მნიშვნელოვანია, რომ კლუბის მიერ გაზიარებულ წერილში, ჩემსა და დინამო თბილისის ურთიერთობაზე, ყველაზე მთავარი და მნიშვნელოვანი, რაც ხაზგასმულია, კლუბის მიმართ უპირობო სიტყვარულია, რაც მე და ჩემს ძმებს დღემდე, წამითაც არ გაგვნელებია.
გუნდისგან ასეთმა დაფასებამ, თბილმა სიტყვებმა და სამახსოვრო მაისურის გადმოცემამ ძალიან გამახარა და ბევრი ისეთი ემოცია გამიცოცხლა, რომელიც კარიერის დაწყებისას, დინამო ბაზაზე და დინამო არენაზე ფეხის შედგმის დროს მქონდა.
დინამო თბილისი 100 წლის იუბილეს აღნიშნავს, საუკუნეა არსებობს და იმდენი ემოცია, ისტორია და სითბო გვაჩუქა, იმდენი მაგარი ფეხბურთელი აღზარდა და იმდენი წარმატება მოუტანა ჩვენს ქვეყანას, კიდევ საუკუნეებს რომ ეყოფა. მადლობა ყველას, ვინც ეს ემოციები გააცოცხლა, ვინც ეს დაგეგმა და ვინც ეს ყველაფერი ამ ფორმით მოიტანა ჩვენამდე. გაუმარჯოს დინამო თბილისს, მისი ყველა ღირსებით!
📸 Tamuna Tamuna
