პირველი კერძო საკალათბურთო სკოლა "აკადემია" 1999 წელს დაარსდა. ამ დროისათვის ქვეყანაში მოშლილი იყო ყველა სექტორი, მათ შორის სპორტული ინფრასტრუქტურაც. არასათანადო პირობების გამო ვერ ტარდებოდა სპორტული ღონისძიებები და კალათბურთის მიმართ დაინტერესება თითქმის არ არსებობდა. "აკადემიის" ჩამოყალიბებამ მნიშვნელოვანი როლი შეასრულა ქართული კალათბურთის განვითარების საქმეში. იმ დროისათვის "აკადემია" იყო ძირით
დი საკალათბურთო კერა, რომელიც საქართველოს ასაკობრივ ნაკრებ გუნდებს ძლიერ კადრებს უმზადებდა და, შესაბამისად, ჩვენი ქვეყნის გუნდები რეგულარულად მონაწილეობდნენ ევროტურნირებში. დღემდე „აკადემიის“ აღზრდილები საქართველოს ეროვნული ნაკრების ღირსებას იცავენ და წარმატებით თამაშობენ მსოფლიოს წამყვან კლუბებში.
2010 წელს „აკადემიის“ შენობას ჩაუტარდა სრული რეაბილიტაცია. დაემატა მეორე სტანდარტული ზომის დარბაზი, დამონტაჟდა პროფესიონალური ფარები და ცენტრალური გათბობის სისტემა, მოეწყო გასახდელები და საშხაპეები...
"აკადემია" დღეისათვის ერთ-ერთი ყველაზე წარმატებული საკალათბურთო სკოლაა საქართველოში. ქვეყნის შიდა ასაკობრივ ჩემპიონატებში ის ყოველწლიურად საპრიზო ადგილებს იკავებს. ამჟამად "აკადემიაში“ 300-მდე ბავშვი ვარჯიშობს.
პროფესიონალი სპეციალისტების გვერდით "აკადემიაში" მუდმივად ვიწვევთ ახალგაზრდა, პერსპექტიულ მწვრთნელებს და ვეხმარებით პროფესიულ ზრდაში.
ჩვენი მიზანია:
• ჯანსაღი ცხოვრების დანერგვა,
• კალათბურთის პოპულარიზება,
• კალათბურთის განვითარება,
• ნიჭიერი კალათბურთელების აღმოჩენა და ხელშეწყობა,
• ახალგაზრდა მწვრთნელების მოზიდვა და კვალიფიკაციის ამაღლება.
