TSU Alp Club

17/10/2026

🌐 NASA და TSU Alp Club ერთობლივი კოლაბორაციის შედეგად შექმნილმა პროტოტიპმა გაიარა ცდები ურთულეს პირობებში და წარმოებითვის უკვე მაზაა.
⛺ სულ მალე აღარ მოგიწევთ კარვების ატანა საცალფეხო ბილიკებსა და ნაშალ კლდეებზე, კარავი თავად აგიტანთ თქვენ 🪽

11/10/2026

09/10/2026

🏔️ ალპინიადა 2026 | ხდის ხეობა

და აი, 27 სექტემბერს კვლავ დავბრუნდით ხდის ხეობაში🏔

8 დღე მთაში და ბევრი გეგმა - მწვერვალები, კლდეზე ცოცვა, მდინარის გადალახვა, ვარჯიშები და, რა თქმა უნდა, ბევრი ახალი გამოცდილება. 🏔️

თავიდან მზიან და მშრალ ამინდს ველოდით, მაგრამ მთამ თავისი გეგმა შემოგვთავაზა - წვიმა, ნისლი, ძლიერი თოვა - ნამდვილი ზამთრის პირობები. ❄️
პირველივე დღეებიდან მივხვდით, რომ ამინდი ჩვენს გეგმებს საერთოდ არ იზიარებდა. 😄
ჯერ წვიმა წამოვიდა, მერე ძლიერმა ნისლმა დაფარა ირგვლივ ყველაფერი, შემდეგ კი თოვლი. ზოგიერთ დღეს ხილვადობა თითქმის ნულამდე დაეცა და რამდენიმე დაგეგმილი გასვლა და ვარჯიში უსაფრთხოების გამო გადავდეთ.

მაგრამ მთაში სწორედ ეს უნდა ისწავლო - ყველა მწვერვალზე აუცილებლად დღეს არ უნდა ახვიდე. ზოგჯერ ყველაზე სწორი გადაწყვეტილება უკან დაბრუნებაა. უნდა იცოდე, როდის გააგრძელო და როდის გაჩერდე.

30 სექტემბერს 26-კაციანი ჯგუფი მარშრუტისკენ გავიდა. ამინდი თანდათან გაუარესდა, ნისლმა ხეობა დაფარა და საბოლოოდ მარშრუტის გაგრძელებაზე უარი ვთქვით. ამის ნაცვლად ხეობის ბოლომდე, კიბიშის მყინვარის მიმართულებით გავაგრძელეთ გზა და საღამოს ბანაკში დავბრუნდით.

მეორე დღეს კი მთამ შანსი მოგვცა. 💪
27-კაციანი ჯგუფი კვლავ გავიდა და მწვერვალ მელიქიშვილზე (~3600 მ ზღვის დონიდან), 1ბ კატეგორიის მარშრუტით, წარმატებით ავიდა. ბოლო მონაკვეთზე თოვდა, რთულ ადგილებში მონაწილეებს თოკში ჩაბმა და უსაფრთხოების დამატებითი ზომების გამოყენება დასჭირდათ, მაგრამ მიზანს მივაღწიეთ და ყველა უსაფრთხოდ დაბრუნდა ბანაკში. 🏔️❄️

დანარჩენ დღეებში კი გვქონდა ყველაფერი, რაც ნამდვილ მთის ბანაკს უხდება: თოვლიანი დილები, კოცონზე მომზადებული ცხელი საჭმელი, ჩაი, ერთმანეთის დახმარება და, რა თქმა უნდა, უამრავი საინტერესო ამბავი და ის პატარა მომენტები, რომლებიც მთაში ყოფნას განსაკუთრებულს ხდის. 🔥☕️

ზოგიერთი დაგეგმილი აქტივობა ამინდის გამო ვერ ჩავატარეთ. მაგრამ ალპინიადა მხოლოდ დაგეგმილი პროგრამის შესრულება არ არის.
ეს არის მთის სიყვარულის, საკუთარ თავზე და ერთმანეთზე ზრუნვის, სწორი გადაწყვეტილებების მიღებისა და ბუნებასთან თანაცხოვრების სწავლა. ❤️

ალპინიადა დასრულდა, მაგრამ მთავარი რჩება - ახალი გამოცდილება, ახალი მეგობრები და კიდევ უფრო დიდი სურვილი, რომ ისევ დავბრუნდეთ მთაში. ❤️
მთა გეგმებს ყოველთვის არ მიჰყვება. და ალბათ, სწორედ ამიტომ არის მთა ასეთი საინტერესო. 🏔️

#ალპინიადა #ხდისხეობა

02/10/2026

⛰️ იხილეთ ჩვენი გუდამაყრის სამთო ბანაკის - ალპინიადის ამსახველი ვიდეო ვლოგი Geo Stalk - Urbex And Hiking შესრულებით.
🎥 პატარა ზაფხულის ისტორია, რომელიც მუდამ დარჩება ჩვენს მოგონებებში. მადლობა Alex Geøstalk ამ ძვირფასი მომენტების აღბეჭდვისთვის ✨
🏞️ აქვე მოგიწოდებთ მოიწონოთ და გამოიწეროთ ჯეოსტალკის არხი, დავაფასოთ და მხარი დავუჭიროთ მართლაც იშვიათი და საინტერესო კონტენტი ლაშქრობაზე, მწვერვალებზე ასვლაზე და არა მარტო!
🎬 სრული ვიდეო იხილეთ ბმულზე:
https://youtu.be/M_55dZQovAU?si=XHbHDV5qBHwPpVdx

საქართველოს მთამსვლელთა გაერთიანებული ფედერაცია

22/09/2026

პაატა ნაცვლიშვილი (1952-2026) საზოგადოებისათვის ცნობილია როგორც პუბლიცისტი, პოეტი და ჟურნალისტი.
შედარებით ნაკლებად არის ცნობილი, რომ იგი სტუდენტობის პერიოდიდან მოყოლებული დადიოდა მთაში, იყო ჩვენი კლუბის წევრი და საქართველოს მთამსვლელთა ფედერაციის გამგეობის წევრი.

მისი ცხოვრების დიდი ნაწილი დაკავშირებული იყო მთამსვლელობასთან და მის პოპულარიზაციასთან. პაატა ნაცვლიშვილი იყო ქართული ალპინიზმის ისტორიის მკვლევარი და ამ თემაზე გამოცემული მრავალი წიგნისა თუ მონოგრაფიის ავტორი.

მისი ერთ-ერთი ყველაზე გამორჩეული და ფუნდამენტური ნაშრომია ორტომეული „ცხოვრება გიორგი ნიკოლაძისა“, რომელიც უძვირფასესი წყაროა დიდი ქართველი მეცნიერისა და საზოგადო მოღვაწის - გიორგი ნიკოლაძის ცხოვრების შესასწავლად.

პაატა ნაცვლიშვილის დატოვებული კვალი ლიტერატურაში, მთამსვლელობასა და ქართული სპორტის განვითარებაში ფასდაუდებელი და მარადიულია.

18/09/2026

17/09/2026

🌄 ჭაუხი, 5–8 სექტემბერი, 2026

4 დღე, 15 მონაწილე, 4 წარმატებული ასვლა, 2 მცდელობა და უამრავი თავგადასავალი 3000 მეტრზე! 🏔️

ჭაუხის სპორტულ შეკრებაზე კლუბის წევრებმა, სხვადასხვა შემადგენლობით, რამდენიმე მწვერვალისა და მარშრუტის დაძლევა სცადეს.

🏔️ 6 სექტემბერი
11-კაციანი ჯგუფი ავიდა მწ. ლადო ასათიანზე, კლასიკური II კატეგორიის მარშრუტით.
იმავე დღეს 3-კაციანმა ჯგუფმა გაიარა მწ. ივ. ჯავახიშვილის კლასიკური III კატეგორიის მარშრუტი.

🏔️ 7 სექტემბერი
7-კაციანი ჯგუფი კამერონის III კატეგორიის მარშრუტისკენ გაემართა, ხოლო 4-კაციანმა ჯგუფმა, ინსტრუქტორების გარეშე, მწ. რჩეულიშვილის I კატეგორიის მარშრუტის გავლა დაგეგმა.

ორივე ჯგუფმა მარშრუტის ნაწილი გაიარა, თუმცა ჭაუხმა ამჯერად თავისი ხასიათი გვაჩვენა. ❄️ თოვლი, 🌨️ სეტყვა, 💨 ძლიერი ქარი, ყინვა და ცუდი ხილვადობა. უსაფრთხოება უპირველესია, ამიტომ ორივე ჯგუფს ბანაკში დაბრუნება მოუწია.

🏔️ 8 სექტემბერი
მეორე ცდაზე უკვე წარმატება! 💪
ორი 5-კაციანი ჯგუფი მწ. რჩეულიშვილზე ავიდა — ერთმა I, მეორემ კი III კატეგორიის კლასიკური მარშრუტი გაიარა.

⛺ ჩვენი საბანაკე 3000 მეტრზე იყო — ღრუბლებს ზემოთ, მთების შუაგულში. ☁️🏔️

ჭაუხმა კიდევ ერთხელ გვაჩვენა, რომ მთაში ყველაფერი გეგმის მიხედვით არ მიდის და ალბათ, სწორედ ეს არის თავგადასავლის ერთ-ერთი ყველაზე საინტერესო ნაწილი.

მონაწილეებმა მიიღეს ახალი გამოცდილება, გამოსცადეს თავი რთულ ამინდში, ისწავლეს და გაიუმჯობესეს სხვადასხვა სამთო-ალპინისტური ტექნიკა და, რაც მთავარია, ყველა ერთად და უსაფრთხოდ დაბრუნდა თბილისში. ❤️

ეს გასვლა მიეძღვნა შოთა მირიანაშვილის ხსოვნას, ადამიანს, რომელმაც ბევრ ჩვენგანს სამშობლოსა და მთის სიყვარული ასწავლა და თავისი კვალი დატოვა მთის ბილიკებსა და მარშრუტებზე, რომლებსაც დღესაც მივყვებით ახალი თავგადასავლების ძიებაში. 🏔️❤️

03/09/2026

🏔 3 სექტემბერს დაკრძალეს მთამსვლელი შოთა მირიანაშვილი. ეს იყო ადამიანი, რომელსაც სტუდენტების თითქმის ყველა თაობა ჰყავს წაყვანილი მთაში ალპინიადაზე.
🔸 ალპინისტების დაუწერელი კანონია, სადამდეც მანქანით მიხვალ, მანქანით მიდი, ფეხით სიარული მერეც გეყოფა, ვერტიკალზე. გაავსებდა შოთა მირიანაშვილი ავტობუსებს სტუდენტებით და მთაში მიჰყავდა, პირველი-მეორე კატეგორიის მწვერვალებზე, სადაც წრიაპი და ძალაყინი არ სჭირდებოდათ. ასი, ორასი, სამასამდე ადამიანი: მეგობრები, „სასტავები“, მარტოსულები, შეყვარებული წყვილები. ათამდე ოჯახი შეიქმნა ასეთ ალპინიადებზე. - შოთა მირიანაშვილის შესახებ ვრცლად წაიკითხავთ ბმულზე კომენტარებში 👇

01/09/2026

გარდაიცვალა შოთა მირიანაშვილი, გიორგი ნიკოლაძის სახელობის კლუბის ხელმძღვანელი მრავალი წლის განმავლობაში. დიდი სპორტსმენი, საერთაშორისო კლასის სპორტის ოსტატი და ამავდროულად წარმატებული მეცნიერი, ათასობით ახალგაზრდას მთების და სამშობლოს სიყვარულის მასწავლებელი. ბატონი შოთას უამრავი რეგალიის ჩამოთვლა შეგვიძლია, თუმცა ჩვენთვის, კლუბის წევრებისთვის, ის ყოველთვის, ყველასთვის საყვარელი ძია შოთა იქნება, ულევი ისტორიებით და მოგონებებით ❤️
ამ უდიდეს დანაკლისს ვერაფერი შეავსებს, თუმცა ამ კლუბის არსებობა ბატონი შოთას დამსახურებაა. მადლობა ძია შოთა ყველაფრისთვის და მშვიდობით განისვენე ❤️

პანაშვიდი ვაკის სამების ეკლესიაში (ი.ჭავჭავაძის 37) დღეს და ხვალ 1 და 2 სექტემბერს 18 საათიდან.
გამოსვენება 3 სექტემბერს 14 საათზე