24/10/2023
უშბა დიადი ცამდე აწვდილი
მოყმე მრავალი მასზედ გაწვრთნილი
დგას ბეჩოს თავში წარბებშეკრული
აღმოსავლეთით მხრებგადაშლილი
ვინც მყარად დადგა მასზე პირველად
ვისაც დაუცდა ფეხი ქარაფზე ;
დარჩა ის ხალხი ჩვენში ლეგენდად
სანთელ - საკმევლად გარდასულ წლებზე .
თვალთ საცემია მხოლოდ იმისთვის
ვინაც იხილა იგი პირველად
სიამაყეა ჩვენი სვანეთის
მრავალი გახდა ჩვენში მთამსვლელად .
მისგან შორსავარ დიდი ხანია
გულში ის მიზის დასანანია
ჯიხვსაც თავისი სამშობლო უყვარს
მარილიანი კლდე ურჩევნია
გულის სიმხნევე მისგან გამომყვა
ვამაყობ იმით უშბა ჩვენია 🗻 👑
🇬🇪
📷
