28/02/2026
შეხვედრა ფრანგ სპეციალისტთან 🇨🇵🇬🇪
#რუსთავისმოცურავეთაგუნდი
სპორტული ასოციაციების “საქართველოს მოცურავეთა კლუბის”, “აქუა უნიონის” და “რუსთავის მოცურავეთა გუნდის” ხელმძღვანელებს სამუშაო შეხვედრა ჰქონდათ მსოფლიო დონის ცურვის ფრანგ სპეციალისტ ოლივიერ სანგარიასთან.
ფრანგი სპეციალისტი თბილისში საქართველოს სპორტის საწყლოსნო სახეობათა ეროვნული ფედერაციის ახალი პრეზიდენტის დიმიტრი აბდუშელიშვილის ინიციატივით ჩამოვიდა,მხარეებმა ხელი მოაწერეს საქართველოში ცურვის განვითარების სტრატეგიის შემუშავების შესახებ შეთანხმებას.
შეთანხმება ცურვის განვითარების სტრატეგიის შესახებ, მოიცავს მასშტაბურ პროექტებს, მათ შორის, “ცურვის ეროვნული ცენტრის“ დაარსებას, რომელიც ფედერაციასთან იმოქმედებს.
ოლივიე სანგარია მსოფლიოს დონის სპეციალისტია,რომელსაც ნამუშევარი აქვს ისეთ ვარსკვლავებთან,როგორებიც არიან: ფლორან მანადუ,ლეონ მარშანდი,კამილ ლაკური,ბერილ გასტალდელო,მევენ ტომაკი და სხვები.
მისი მიღწევები ასეთია:
12 International medals (Worlds/Europeans)
4 Olympic Finalists Paris 2024
4 Olympic Athletes (Paris 2024, London 2012, Beijing 2008)
8 World Championship athletes, 4 European Champs Athletes
4 Junior National Team finalists (YOG, Euro Juniors, COMEN…)
1 World Record, 6 French Records, 14 French Age group Records
80 medals at French Elite Championships (including 20 Gold)
საქართველოს ცურვის ლიდერი კლუბების მწვრთნელებმა დეტალურად გააცნეს ფრანგ სპეციალისტს საკუთარი ხედვები და არსებული გამოწვევები. მწვრთნელებმა დეტალურად ისაუბრეს იმ ძირითად საკითხებთან დაკავშირებით, რომლებიც საჭიროა საქართველოში სპორტული ცურვის განვითარებისთვის.დაისახა ერთობლივი მიზნები,რომელთა მიღწევაც გუნდურად მუშაობის შედეგად იქნება შესაძლებელი.ასევე დაიგეგმა სამუშაო პროცესის ფორმატი.
