21/02/2026
აშთანგა იოგაზე ჩატარებული კვლევებით დადგენილია, რომ ის
1. აუმჯობესებს ფსიქოლოგიურ კეთილდღეობასა და სოციალურ უნარებს
2. დადებითად მოქმედებს ძვლების ფორმირებაზე
3. აუმჯობესებს სისხლის მიმოქცევას და ამცირებს არტერიულ წნევას ჰიპერტენზიის მქონე ადამიანებში
4. ამცირებს შფოთვას და აუმჯობესებს განწყობას (GABA ამინომჟავების დონის გაზრდით)
5. აუმჯობესებს სახსრების მოქნილობას, კუნთოვან და კარდიო-ვასკულაურ გამძელობას.
ახლა კი უფრო დაწვრილებით ამ კვლევების შესახებ:
1.ფსიქოლოგიური კეთილდღეობა და სოციალური უნარები
კვლევა ჩატარდა ვინდსორის უნივერსიტეტის მკვლევრების მიერ. კვლევის ავტორები აკვირდებოდნენ, თუ როგორ მოქმედებდა აშთანგა იოგა დეპრესიაზე, შფოთვაზე, თვითშეფასებასა და ინტერპერსონალურ ურთიერთობებზე. 9-კვირიანი კურსის შემდეგ მონაწილეებს საგრძნობლად შეუმცირდათ უარყოფითი სიმპტომები, გაუუმჯობესდათ საკუთარი თავის რწმენა და სხვებთან ემოციური კავშირის დამყარების უნარი.(Jarry, J. L., Chang, F. M., & La Civita, L. (2017). Ashtanga Yoga for Psychological Well-being: Initial Effectiveness Study. Mindfulness, 8(5), 1269-1279.)
2. ძვლების ფორმირება.
8-თვიანი რანდომიზებული კვლევა ჩატარდა საშუალო ასაკის ქალბატონებში. შედეგებმა აჩვენა, რომ აშთანგა იოგას რეგულარულ პრაქტიკას ჰქონდა დადებითი ეფექტი ძვლის ფორმირების პროცესზე. იოგას ჯგუფში შენარჩუნებული იყო ძვლის მეტაბოლიზმის ჯანსაღი დონე, რაც მნიშვნელოვანია ძვლების სიმკვრივის შესანარჩუნებლად.(Kim, S., Childs, R. B., & Conroy, J. M. (2012). The effects of 8 months of Ashtanga yoga practice on bone metabolism and physical fitness in premenopausal women. Journal of Sports Science & Medicine, 11(4), 675)
3. არტერიული წნევა და გულ-სისხლძარღვთა სისტემა.
ჰიპერტენზიის (მაღალი წნევის) მქონე პაციენტებზე ჩატარებულმა კვლევამ დაადგინა, რომ აშთანგა იოგა ეფექტურად ამცირებს როგორც სისტოლურ, ისე დიასტოლურ არტერიულ წნევას. მკვლევრები ამას უკავშირებენ სპეციფიკურ სუნთქვას (Ujjayi) და ინტენსიურ ფიზიკურ დატვირთვას, რაც აუმჯობესებს სისხლის მიმოქცევას.(Cade, W. T., Reeds, D. N., Mondy, K. E., et al. (2010). Yoga Lifestyle Intervention in Adults with HIV-Related Metabolic Syndrome. Journal of Alternative and Complementary Medicine, 16(11), 1165-1172.)
4. ფსიქოლოგიური კეთილდღეობა და "GABA" დონე.
ბოსტონის უნივერსიტეტის მედიცინის სკოლის კვლევამ აჩვენა, რომ იოგას პრაქტიკა ზრდის თავის ტვინში გაბა-ამინოერბოს მჟავის (GABA) დონეს. GABA არის ნეიროტრანსმიტერი, რომელიც ამცირებს შფოთვას და აუმჯობესებს განწყობას. აშთანგა იოგა, როგორც ინტენსიური "მოძრავი მედიტაცია", ამ მხრივ ერთ-ერთ ეფექტურ საშუალებად მიიჩნევა.(Streeter, C. C., Whitfield, T. H., Owen, L., et al. (2010). Effects of yoga versus walking on mood, anxiety, and brain GABA levels. Journal of Alternative and Complementary Medicine, 16(11). )
5. ფიზიკური გამძლეობა და მოქნილობა.
3-თვიანი დაკვირვება ჩატარდა კოლეჯის ასაკის სტუდენტებზე. მონაწილეებს, რომლებიც კვირაში ორჯერ ვარჯიშობდნენ, მნიშვნელოვნად გაეზარდათ სხეულის ზედა ნაწილის კუნთოვანი გამძლეობა, ხერხემლისა და სახსრების მოქნილობა და ზოგადი კარდიო-ვასკულაურლი გამძლეობა.(Cowen, V. S., & Adams, T. B. (2005). Physical and Perceptual Benefits of Ashtanga Yoga Practice. Perceptual and Motor Skills, 101(3), 811-819.)
სტატია მოამზადა იოგას ინსტრუქტორმა - გვანცა ვარდიშვილმა.
