07/07/2026
დღევანდელ ფლეიოფის მატჩში უმაღლეს ლიგაში გადასასვლელად, „იუჯის“ წინააღმდეგ, გადამწყვეტ მომენტში მსაჯის გადაწყვეტილებამ მატჩის ბედი შეცვალა.
მეორე ოვერტაიმის დასრულებამდე 14 წამით ადრე ჩვენს სასარგებლოდ აშკარა ჯარიმა იყო, რომელიც არ დაინიშნა. ეს იყო მე-6 გუნდური ჯარიმა და წესების მიხედვით ჩვენ 10-მეტრიანი დარტყმა უნდა შეგვესრულებინა. ამის ნაცვლად თამაში გაგრძელდა, მეტოქემ კონტრშეტევა წამოიწყო და იმავე ეპიზოდში გამარჯვების გოლი გაიტანა.
სამწუხაროა, როდესაც გადამწყვეტ მომენტში თამაშის შედეგს არა ფეხბურთელები, არამედ მსაჯის შეცდომა განსაზღვრავს. ჩვენ პატივს ვცემთ ფეხბურთს, მეტოქესა და მსაჯობას, მაგრამ ასეთ მნიშვნელოვან მატჩში მსგავსი შეცდომა დაუშვებელია.
ამ მარცხის მიღება ძალიან რთულია, თუმცა სერიაში მხოლოდ 1:0 არის. ჩვენი გუნდი ბრძოლას აგრძელებს და ყველაფერს გავაკეთებთ, რომ შემდეგ შეხვედრაში ანგარიში გავათანაბროთ. ბრძოლა ჯერ არ დასრულებულა.
#ქუთაისი
