09/07/2026
იცოდით რომ 9 ივლისი მსოფლიო ჩოგბურთის დღეა?
ეს არის დღე, როდესაც ნამდვილი ისტორია დაიწყო. სწორედ ამ დღეს, 1877 წელს, საფუძველი ჩაეყარა სრულიად ინგლისის კლუბის პირველ ტურნირს – იმ ღონისძიებას, რომელიც მოგვიანებით ჩოგბურთის სამყაროში ბალახის კორტზე გამართულ პრემიერ-ტურნირად იქცა.
პირველ ტურნირში სულ 22 მონაწილე თამაშობდა. თითოეულმა მათგანმა საწევრო გადასახადის სახით ერთი გვინეა გადაიხადა. დღეს კი საპრიზო ფონდი ათობით მილიონ ფუნტს შეადგენს.
პირველი ჩემპიონი – 27 წლის სპენსერ გორი გახდა, რომელმაც სადებიუტო ტურნირი უილიამ მარშალის დამარცხებით (6:1, 6:2, 6:4) მოიგო. გამარჯვებისთვის მან 12 გვინეა და ვერცხლის თასი მიიღო.
უძველესი საჩოგბურთო ტურნირი მსოფლიოში მას შემდეგ ყოველწლიურად ტარდება ლონდონის უბან უიმბლდონში და მიიჩნევა ყველაზე პრესტიჟულ ტურნირად ჩოგბურთში.
მამაკაცთა ერთეულებში ყველაზე მეტჯერ უიმბლდონი როჯერ ფედერერმა მოიგო, რომელიც 8-ჯერ გახდა ჩემპიონი, ხოლო ქალებში მარტინა ნავრატილოვამ 9-ჯერ იზეიმა გამარჯვება.
