Hong Kong Newcastle United Supporters Club 香港紐卡素球迷會

Hong Kong Newcastle United Supporters Club 香港紐卡素球迷會 不願承先只想啟後，做個全心為紐嘅紐迷會

仲以為四點會有咩宣佈，原來係第三作客正式發佈！主場同作客都未回氣，下星期8月13日又要課金💸 #香港紐卡素球迷會
07/08/2026

仲以為四點會有咩宣佈，原來係第三作客正式發佈！

主場同作客都未回氣，下星期8月13日又要課金💸

#香港紐卡素球迷會

早幾日到西班牙又要等文件，跟住又要處理其他事，做完訪問影埋相，好好休息完今日終於可以踩草同一班球員開始集訓。介紹返Jaissle嘅班底，相信嚟緊仲有職員加入佢哋嘅教練團隊⚫️⚪️ALEXANDER HAUSER(Assistant Coac...
06/08/2026

早幾日到西班牙又要等文件，跟住又要處理其他事，做完訪問影埋相，好好休息完今日終於可以踩草同一班球員開始集訓。

介紹返Jaissle嘅班底，相信嚟緊仲有職員加入佢哋嘅教練團隊⚫️⚪️

ALEXANDER HAUSER(Assistant Coach)
ENGIN YANOVA(Assistant Coach)
FLORENS KOCH(Assistant Coach)
MAXIMILIAN FISCHER(Coach Analyst)
STEFFEN KONRAD(Coach Analyst)
ALEXANDER BADE(Goalkeeper Coach)

終於官宣了！Matthias Jaissle成為紐卡素新一任領隊⚫️⚪️德國籍嘅Jaissle球員時代只係效力過賀芬咸，直至2014年因傷患掛靴，如果踢多年就有機會同舒亞/J7做隊友。退役後曾經喺邦比做助教；2019年獲迫搶之父蘭歷克邀請...
05/08/2026

終於官宣了！Matthias Jaissle成為紐卡素新一任領隊⚫️⚪️

德國籍嘅Jaissle球員時代只係效力過賀芬咸，直至2014年因傷患掛靴，如果踢多年就有機會同舒亞/J7做隊友。退役後曾經喺邦比做助教；2019年獲迫搶之父蘭歷克邀請加入薩爾斯堡紅牛執教u18，兩年後喺奧地利球隊FC Liefering正式開始佢嘅執教生涯。短短半年帶領球隊由中游升上第二名，成績出眾吸引到紅牛高層注意，2021年暑假聘請佢做領隊。兩年間連續攞到聯賽冠軍加一隻杯，亦帶領球隊歷史性殺入歐聯淘汰賽。2023年轉戰沙地執教艾阿里，捧杯無分地域界限，Jaissle協助球隊連贏兩次AFC Champions League，亦係首位蟬聯冠軍領隊；另外係上年仲贏埋沙地杯。

現年38歲嘅Jaissle簽約四年，紐卡素亦需繳付£10m分手費俾艾亞里；適逢賀維同一班教練團齊齊走人，Jaissle會帶埋佢嘅團隊過嚟。Jaissle善於培育後生仔，今個夏天紐簽入一班年青球員加上一班青訓，希望佢會好好栽培同提升佢哋嘅能力。

球隊正處於重建階段，加上未有英超經驗同取代賀維呢個任務唔簡單；剛剛接手呢段時間未必咁快有回報，但期望戰術同調動可以多啲變化，至於有冇本事帶紐卡素更上一層樓就要睇佢功力。Jaissle表示好想快啲開工，但估計呢幾日太多嘢要忙，需要多一日時間休息⚫️⚪️

#香港紐卡素球迷會

新領隊仲等緊球會官宣，趁有少少時間就講下關於今年主場波衫。之前有幾位師兄inbox/pm問球員版同球迷版嘅分別，其實最主要都係質料同會徽唔同；歐洲碼嘅球員版同球迷版小編都試過上身，但對於波衫唔係太高要求，只要啱身同埋係紐卡素波衫就一定覺得好...
04/08/2026

新領隊仲等緊球會官宣，趁有少少時間就講下關於今年主場波衫。之前有幾位師兄inbox/pm問球員版同球迷版嘅分別，其實最主要都係質料同會徽唔同；歐洲碼嘅球員版同球迷版小編都試過上身，但對於波衫唔係太高要求，只要啱身同埋係紐卡素波衫就一定覺得好，要講嘅就覺得球員版着上身舒服啲。

今年球員版比上一年感覺上厚少少；衫嘅長度就球員版長啲，而球員版膊頭嗰三間就唔同上年咁用膠邊，今年呢件應該比較易keep。至於球員版同球迷版兩款都試過，都係着同一size。啱啱出嘅時候冇心口贊助覺得件衫怪怪地，依家有返心口贊助其實件衫唔錯。

如果仲有咩問題隨時歡迎問下，盡量幫大家解答⚫️⚪️

圖片全部由小編真實拍攝，冇任何ai或者疑似成份🙇🏻‍♂️

#香港紐卡素球迷會

紐卡素第五簽⚫️⚪️紐卡素由巴拉加簽入捷克門將漢尼錫(Lukáš Horníček)。剛剛24歲嘅漢尼錫2019年加盟巴拉加，上季為球隊喺各項賽事上陣55次總共錄得24次clean sheet。除咗幫球隊喺本土聯賽同盃賽有好表現，喺歐洲賽事...
03/08/2026

紐卡素第五簽⚫️⚪️

紐卡素由巴拉加簽入捷克門將漢尼錫(Lukáš Horníček)。

剛剛24歲嘅漢尼錫2019年加盟巴拉加，上季為球隊喺各項賽事上陣55次總共錄得24次clean sheet。除咗幫球隊喺本土聯賽同盃賽有好表現，喺歐洲賽事亦非常出色吸引到唔少球會對佢虎視眈眈；剛剛五月為捷克國家隊首次上陣，而今屈世界盃亦有入選。

身高1.97m身形已經贏晒，雖然高大但身手都幾敏捷，睇佢嘅精華片段，身高優勢應付兩邊出波非常有信心；落地反應幾快，番身都幾靈活，再睇多少少評價都話佢極少出現低級失誤，總之穩穩陣陣，加上佢嘅身形嚟到英超應該唔怕俾人俾人撞。

被譽為歐洲其中一位最有前途嘅年輕龍門為紐卡素簽約五年，希望呢個星期喺西班牙集訓，可以同隊友多啲溝通快啲融入到。不過睇訪問，佢女朋友同九個月大女女遲啲都會搬嚟紐卡素，相信一定有助佢快啲適應當地生活⚫️⚪️

#香港紐卡素球迷會

31/07/2026

第一次為紐卡素而眼濕濕，係上年聯賽盃決賽吹雞嗰一刻🥹
第二次就係樓下條片😭

慶幸我哋遇到一位咁好嘅領隊，無時無刻都為球隊無限量付出🖤🤍

#香港紐卡素球迷會

呢個轉會窗真係好瘋狂，先有幾位主力離開，估唔到今日到賀維；明白球隊要進步就要改變，但冇諗到嚟得咁突然，太突然思緒都有啲混亂，好想簡單寫幾句但忍唔到手，始終賀維呢幾年喺紐卡素嘅事蹟好難幾隻字就交代到...賀維喺2021年11月8日開始執教紐卡...
31/07/2026

呢個轉會窗真係好瘋狂，先有幾位主力離開，估唔到今日到賀維；明白球隊要進步就要改變，但冇諗到嚟得咁突然，太突然思緒都有啲混亂，好想簡單寫幾句但忍唔到手，始終賀維呢幾年喺紐卡素嘅事蹟好難幾隻字就交代到...

賀維喺2021年11月8日開始執教紐卡素，球隊當時排第19位踏咗半隻腳落英冠，佢成功帶領紐卡素由地獄折返人間，結果呢一季排第11位。一季後紐英超排名第四，鎖定闊別20年嘅歐聯資格；而啱啱呢一季再重返歐聯舞台亦歷史性殺入十六強；帶領球隊取得70年首個獎杯(小編會J一世)，晉級之路贏得非常有說服力，將紐迷嘅夢想變成現實，以功績嚟講真係無人能及。帶領紐卡素走過231場賽事，有好多美好回憶俾到紐迷，當然佢嘅硬頸同固執都令唔少紐迷頂唔順，唔肯用青訓，用死勝利11人，臨場調動毫無變化有時真係睇到好忟；到上一季被死敵雙殺，踢四線唔識得留放，成班球員冇晒火，似乎更衣室開始出現問題，紐迷對佢嘅耐性同支持逐漸減退，似乎賀維未有能力將紐卡素推到更高層次。

回想返賀維當初嚟紐卡素，有唔少紐迷覺得佢份CV唔太靚仔，未必適合做紐卡素領隊，但睇返呢幾年嘅成績，絕對對得住紐迷。佢嘅能力未必最好，但團結一班球員為佢付出係球隊取得好成績嘅關鍵；另外改造J7，將霉菲變成梅球王，長工變成不能缺少嘅正選，Bruced嘅舒亞重拾信心好好善用佢嘅長傳等等，用功大於過總括佢呢四年為紐卡素嘅付出絕對唔過分。

天下無不散之筵席，呢個夏天可能仲會用得着，一心以為會俾多一季或半季時間賀維證明自己挽回聲勢，點知今日就同紐卡素畫上句號；以往贏波都會有更衣室大合照，希望賀維帶嚟嘅傳統可以延續落去。最後一定要多謝賀維喺紐卡素最艱辛嘅時候，一手將紐卡素由降班邊緣拯救出嚟，將歐聯主題曲帶返去聖占士球場，令紐迷喺有生之年可以見證球隊捧杯，好多精彩嘅賽事紐迷一定會好好記住。依家任務完成，賀維呢四年幾為紐卡素付出同貢獻一定名留青史。

Thank you and Howey The Lads⚫️⚪️

#香港紐卡素球迷會

嚟到第三場熱身賽，上半場對手差啲擺烏龍，加上Neave有次近距離攻門但龍門救出；舒亞喺20分鐘傷出，見佢行出嚟神色好凝重，希望唔係有咩壞消息。比較被動嘅布里斯托城喺中段射憑一次靚罰球領先後搶返唔少攻勢，三分鐘後再下一城，上半場主隊領先2-...
29/07/2026

嚟到第三場熱身賽，上半場對手差啲擺烏龍，加上Neave有次近距離攻門但龍門救出；舒亞喺20分鐘傷出，見佢行出嚟神色好凝重，希望唔係有咩壞消息。比較被動嘅布里斯托城喺中段射憑一次靚罰球領先後搶返唔少攻勢，三分鐘後再下一城，上半場主隊領先2-0。

下半場早段Neave左腳抽射中楣，紐把握唔到，轉個頭對手喺禁區射遠柱收死Jaouen拉開三球優勢。哈班同博文都有機會追返球，但就係把握唔到；去到77分鐘哈班喺禁區內，人罅當中搵到條私家路射入破蛋，可惜追返球幾分鐘後博文擺烏龍，紐卡素最後以1-4不敵布里斯托城。

呢場紐嘅後防冇乜紀律兼唔太集中，嚟緊幾場熱身賽真係要好好執下。

#香港紐卡素球迷會

稍後對布里斯托城出場陣容⚫️⚪️Jaouen首次正選把守最後一關；舒亞拍住博文鎮守中路，隊長梅菲賀爾左右兩閘。上場踢足90分鐘嘅Steur繼續正選，中場搭住韋洛克同積及藍斯；左路有啱啱簽完長約嘅哈班，艾蘭加喺世界盃回歸後首次正選打右邊，正前...
29/07/2026

稍後對布里斯托城出場陣容⚫️⚪️

Jaouen首次正選把守最後一關；舒亞拍住博文鎮守中路，隊長梅菲賀爾左右兩閘。上場踢足90分鐘嘅Steur繼續正選，中場搭住韋洛克同積及藍斯；左路有啱啱簽完長約嘅哈班，艾蘭加喺世界盃回歸後首次正選打右邊，正前有Sean Neave。至於後備名單除咗樸比之外，全部都係青年軍。早兩日返嚟嘅禾仔，周仔，托尼，Bamba同J7呢一場未有隨隊

呢一場友誼賽去到第7分鐘，布里斯托城主場嘅大螢幕將會播放基謹嘅圖片以視致敬⚫️⚪️

#香港紐卡素球迷會

球會剛剛宣佈，有心口贊助嘅主場波衫將會喺星期四，於clubshop/online有得買啦！唔知大家早幾日買藍色作客回氣未，如果有興趣入手呢件有心口嘅主場波衫，可以pm留低要咩size同長袖定短袖，照舊有9折⚫️⚪️主場短袖 球迷版 $819...
29/07/2026

球會剛剛宣佈，有心口贊助嘅主場波衫將會喺星期四，於clubshop/online有得買啦！

唔知大家早幾日買藍色作客回氣未，如果有興趣入手呢件有心口嘅主場波衫，可以pm留低要咩size同長袖定短袖，照舊有9折⚫️⚪️

主場短袖 球迷版 $819
主場短袖 球員版 $1170
主場長袖 球迷版 $868
主場長袖 球員版 $1215

英超字/ 球會字 $175
英超章 $58
No room for racism $58

#香港紐卡素球迷會

Address

Strawberry Place
Newcastle Upon Tyne
NE1 4ST

Website

Alerts

Be the first to know and let us send you an email when Hong Kong Newcastle United Supporters Club 香港紐卡素球迷會 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Hong Kong Newcastle United Supporters Club 香港紐卡素球迷會:

Shortcuts

Share

Category