香港紐卡素官方球迷會 Hong Kong NUOSC

香港紐卡素官方球迷會 Hong Kong NUOSC 不願承先只想啟後，做個全心為紐嘅紐迷會

恭喜迪迪成為KNOX Hydrate八月份最佳球員⚫️⚪️頭幾場表現非常出色，同艾蘭加喺右路嘅互動唔錯，不過對列斯未100% fit狀態麻麻，而今個星期六亦將會缺席對候城嘅賽事，希望趁國際賽期呢段時間可以好好休息吓。話時話KNOX Hyd...
17/09/2026

恭喜迪迪成為KNOX Hydrate八月份最佳球員⚫️⚪️

頭幾場表現非常出色，同艾蘭加喺右路嘅互動唔錯，不過對列斯未100% fit狀態麻麻，而今個星期六亦將會缺席對候城嘅賽事，希望趁國際賽期呢段時間可以好好休息吓。

話時話KNOX Hydrate個獎幾型隻色又靚⚫️⚪️

#香港紐卡素官方球迷會


聯賽盃第四圈，紐卡素將會作客愛華頓。聯賽盃後重返英超兩隊又會再次碰頭，喺11月3日主場對愛華頓。賽程將會喺10月26日嗰星期進行，比賽日子有待確定⚫️⚪️ #香港紐卡素官方球迷會
17/09/2026

聯賽盃第四圈，紐卡素將會作客愛華頓。

聯賽盃後重返英超兩隊又會再次碰頭，喺11月3日主場對愛華頓。

賽程將會喺10月26日嗰星期進行，比賽日子有待確定⚫️⚪️

#香港紐卡素官方球迷會

喺尋晚EFL Trophy C組嘅賽事，紐卡素u21以3-1擊敗約克城。紐卡素u21喺開波8分鐘已經失守，要去到上半場尾段靠Vakhtang Salia把握對手一次失誤追和，亦喺佢近五場賽事錄得四個入球。下半場一分鐘Miodrag Piva...
16/09/2026

喺尋晚EFL Trophy C組嘅賽事，紐卡素u21以3-1擊敗約克城。

紐卡素u21喺開波8分鐘已經失守，要去到上半場尾段靠Vakhtang Salia把握對手一次失誤追和，亦喺佢近五場賽事錄得四個入球。下半場一分鐘Miodrag Pivaš喺中場解圍，順勢落到去Kyran Thompson腳下，隨即轉身推幾步入大禁區，左腳射遠柱領先2-1。去到83分鐘後備入替嘅Afner Cá以速度力壓兩個後衛，對住龍門射大細埋齋，結果紐卡素u21以3-1反勝約克城；呢場係球隊自2018年11月，首次喺90分鐘內喺EFL Trophy贏波⚫️⚪️

#香港紐卡素官方球迷會

紐卡素作客輸俾列斯1:4耶斯利應該上左寶貴嘅一課，今仗作客排陣應該要保守，特別係列斯於近期踢嘅貼身硬朗戰術，好似費南迪斯柏度同史度爾呢兩位新兵唔應該咁快委以重任，近期表現唔錯嘅韋洛克同上週入波協助紐迫和嘅藍斯更應該於今仗先發；如果唔係球證隻...
14/09/2026

紐卡素作客輸俾列斯1:4

耶斯利應該上左寶貴嘅一課，今仗作客排陣應該要保守，特別係列斯於近期踢嘅貼身硬朗戰術，好似費南迪斯柏度同史度爾呢兩位新兵唔應該咁快委以重任，近期表現唔錯嘅韋洛克同上週入波協助紐迫和嘅藍斯更應該於今仗先發；如果唔係球證隻眼開隻眼閉嘅話，費南迪斯柏度於開賽1分鐘嘅手球已經要輸12碼，佢今仗踢正前真係唔掂，一黎第1點攞唔到，二黎佢企位同走位都麻麻，中場要搵佢俾都辛苦，佢一係就走到好遠，但中場攞波嗰個同一時間好辛苦咁俾對手迫搶重點交到俾佢，變相上半場得個跑字。力高退下火線換入史度爾亦唔恰當，前20分鐘已經睇到中場受壓做唔到波，好應該換入藍斯佢可以box to box 做到引球上前再分，誰知換入同米尼一樣柔又係駁腳為主嘅史度爾，佢兩個就係咁傳埋啲醫院波同交失，輸頭兩球史度爾都有責任，第二球無壓力下傳失更加難辭其咎。呢班球員好應該起週中聯賽盃時起用，知道新帥對盃賽好重視，咪俾班新仔起60分鐘左右試下，唔得嘅咪先換班正選入黎；但週中踢完，今仗哈班，梅菲，韋沙以至博文都麻麻，希望大敗一仗可以對耶斯利當頭棒喝，俾佢知道用人要諗清楚先。

彈就一定好多，但今仗要讚嘅係為紐破蛋嘅托尼，雖然佢下半場先換入黎睇落好快莫氣，但佢起左邊不斷沉底同走位，睇落夠直接；雖然作用無哈班個種隨時射個靚波得分嘅驚喜，但佢能夠為紐創造不斷嘅左路攻勢，黎緊都可以俾多啲機會佢。門將漢尼錫雖然今仗失4球但非戰之罪，若非佢左撲右救嘅話，紐起碼輸多2-3球，加上佢做到猜傳，黎緊起紐應該有排踢。賀爾續左約可以專心為紐比賽，今仗亦踢得穩健，迪迪立即比下去，今仗好似消失左咁。黎緊賽程紐要盡力攞多啲分數，去到聖誕附近硬仗連場到時真係考耶斯利功力。



#紐卡素
#香港紐卡素官方球迷會

稍後出場陣容⚫️⚪️迪迪冇咩大礙今場繼續正選，同啱啱續約嘅賀爾看守左右兩閘；中堅周仔拍博文，陣間兩個要醒醒定定睇實卡法路雲。Nico拍住米尼，兩邊哈班同梅菲加上韋沙支援首次正選嘅費蘭迪斯柏度，希望呢個組合會有啲驚喜俾到大家。艾蘭加今場連後...
14/09/2026

稍後出場陣容⚫️⚪️

迪迪冇咩大礙今場繼續正選，同啱啱續約嘅賀爾看守左右兩閘；中堅周仔拍博文，陣間兩個要醒醒定定睇實卡法路雲。Nico拍住米尼，兩邊哈班同梅菲加上韋沙支援首次正選嘅費蘭迪斯柏度，希望呢個組合會有啲驚喜俾到大家。艾蘭加今場連後備都冇，據報操練時有少少傷未有隨隊；Mason Miley都有份做後備，唔知有冇機會同大佬同場比賽。作客列斯唔易踢，不過後備陣容都算唔錯，萬一搵唔到入球或者要打破僵局應該幫到手。

最緊要唔好深夜西波，不敗紀錄繼續延續落去⚫️⚪️

#香港紐卡素官方球迷會


又有新嘢出啦⚫️⚪️今次呢批經典系列總共有六款新嘢，包括長短袖有衫褲同鞋，基本上四季款式照顧周到。未知呢批會唔會好搶手同埋返得一水，但Mag+會員可以提早一日上網訂購，正式公開發售係聽日4pm。睇簡介幾款衫都係regular fit，有興趣...
14/09/2026

又有新嘢出啦⚫️⚪️

今次呢批經典系列總共有六款新嘢，包括長短袖有衫褲同鞋，基本上四季款式照顧周到。未知呢批會唔會好搶手同埋返得一水，但Mag+會員可以提早一日上網訂購，正式公開發售係聽日4pm。

睇簡介幾款衫都係regular fit，有興趣可以喺樓下啲圖留言要咩size🙇🏻‍♂️

#香港紐卡素官方球迷會

英超第4輪⚫️⚪️列斯聯 (10) vs 紐卡素 (9)深宵3點紐卡素作客對住列斯聯！兩隊暫時於聯賽保持不敗，同樣錄得1勝2和嘅成績；但列斯上仗於週中對車仔嘅聯賽盃賽事，車仔於下半場換入一班主力之後，列斯連失6球大敗出局，必定對士氣有所影響...
14/09/2026

英超第4輪⚫️⚪️

列斯聯 (10) vs 紐卡素 (9)

深宵3點紐卡素作客對住列斯聯！兩隊暫時於聯賽保持不敗，同樣錄得1勝2和嘅成績；但列斯上仗於週中對車仔嘅聯賽盃賽事，車仔於下半場換入一班主力之後，列斯連失6球大敗出局，必定對士氣有所影響。而紐上次對列斯亦係非常經典嘅一役，哈班於補時12分鐘嘅入球反勝列斯之外，呢個入球亦成為英超最遲入球嘅情況下反勝嘅紀錄；而紐於近3次作客嘅對賽錄得1勝2和不敗嘅成績，今仗紐要保持不敗嘅紀錄唔係無可能。列斯陣容算好完整，除左中堅朗度受傷缺陣之外，其餘球員皆可候命；以3-4-2-1出擊嘅列斯靠兩邊側擊出波俾卡法路雲，呢位中鋒經常對紐入波，今晚博文同周隊要好好招呼佢；另外呢位前鋒會為兩位攻中開路，將中堅拉開俾佢地後上得手，力高要幫手睇住呢一點。

奧舒拿同祖連頓要大概10月底先復出，丹般就大概10月頭，迪迪上仗踢罷上半場就退下火線，據稱腿筋有啲唔舒服嘅感覺所以先換出，今仗上陣成疑，可幸文圖已經傷癒上仗於下半場落場攞番啲比賽節奏。今晚預計用番聯賽不敗嘅陣容，中場力高嘅拍檔睇下會係米尼定藍斯，10號位預計依舊係韋洛克，左哈班右艾蘭加前鋒韋沙。報導提到費南迪斯柏度今季想踢紐嘅9號前鋒位置，近兩場佢於後備上陣表現中規中矩唔算好耀眼，畢竟英超踢法需要時間去適應，睇黎佢要爭正選都要落一番苦工，亦希望佢後備入替嘅時間能夠表現自己同取得首球；除左佢之外托尼，史度爾同班巴都無咩上陣機會，呢方面暫時都信任耶斯利嘅用人同安排，或者希望班正選踢好多攞多啲燕梳球，班後備就可以早啲上場表現自己！

#香港紐卡素官方球迷會

艾蘭加對熱刺嘅入球成為8月份英超最佳金球🖤🤍第一個月就為紐奪得獎項，艾蘭加都話對佢好重要，因為上季真係踢唔出水準，今季雖然重同新帥嘅戰術磨合緊，但睇落新戰術對佢黎講更有空間發揮，右閘迪迪可以睇哂成條右路，佢更有信心可以走入中間接應傳送；加上...
12/09/2026

艾蘭加對熱刺嘅入球成為8月份英超最佳金球🖤🤍

第一個月就為紐奪得獎項，艾蘭加都話對佢好重要，因為上季真係踢唔出水準，今季雖然重同新帥嘅戰術磨合緊，但睇落新戰術對佢黎講更有空間發揮，右閘迪迪可以睇哂成條右路，佢更有信心可以走入中間接應傳送；加上訓練時做番好啲finishing 同end product，就好似第一場對利物浦個球都做得靚，第一腳就住度力接應奧舒拿嘅傳送將波推前，令佢有空間望一望龍門位置就起腳射遠柱入網，呢啲都係訓練嘅成果；加上佢同韋沙，韋洛克同奧舒拿場外都老友鬼鬼，希望開心團結嘅氛圍帶埋上比賽裡面，相信黎緊更多入球與金球！

#紐卡素


#香港紐卡素官方球迷會

官方宣佈，賀爾續約至2031年⚫️⚪️2023年加盟為紐卡素上陣107次錄得3個入球，仲記得初初表現唔算太理想，不過紐迷睇住佢成長越踢越好，好快已經成為紐卡素不可或缺嘅球員之一；2024年首次獲英格蘭徵召入選大國腳，地標戰對住希臘。自少已...
11/09/2026

官方宣佈，賀爾續約至2031年⚫️⚪️

2023年加盟為紐卡素上陣107次錄得3個入球，仲記得初初表現唔算太理想，不過紐迷睇住佢成長越踢越好，好快已經成為紐卡素不可或缺嘅球員之一；2024年首次獲英格蘭徵召入選大國腳，地標戰對住希臘。自少已經係紐迷，簽呢份長約賀爾一定非常開心，而佢屋企人相信非常自豪，可以睇住賀爾為紐卡素上陣對佢哋意義非常重大。

啱啱22歲生日最緊要開開心心同保持身體健康，只要持續穩定表現，未來紐卡素同英格蘭嘅左閘靠你啦。

Lewis Hall's Newcastle United journey continues⚫️⚪️

#香港紐卡素官方球迷會


今年嘅 Up Next，Matchday，出場陣容等等嘅post都會呈現一啲殘影效果；根據media team透露，呢種效果係代表動感，象徵球員嘅速度。至於啲圖用黑白色加上強烈光暗效果，係想突顯球員嘅表情，同時營造沉穩嘅賽事氛圍。有唔少紐...
10/09/2026

今年嘅 Up Next，Matchday，出場陣容等等嘅post都會呈現一啲殘影效果；根據media team透露，呢種效果係代表動感，象徵球員嘅速度。至於啲圖用黑白色加上強烈光暗效果，係想突顯球員嘅表情，同時營造沉穩嘅賽事氛圍。有唔少紐迷覺得黑白色嘅相唔太老黎，有啲就覺得黑白襯返紐卡素幾有型，總之球會選擇用呢種色tone就跟住用啦。

另外少少題外話，嚟緊香港紐卡素官方球迷會將會搞會員招募，有少少細節仲同球會溝通緊；啱啱俾咗張會員卡佢哋審批，具體意見未有，但就send返呢一張圖過嚟，似乎球會真係好鍾意玩殘影效果⚫️⚪️

#香港紐卡素官方球迷會

Address

Strawberry Place
Newcastle Upon Tyne
NE1 4ST

Website

Alerts

Be the first to know and let us send you an email when 香港紐卡素官方球迷會 Hong Kong NUOSC posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 香港紐卡素官方球迷會 Hong Kong NUOSC:

Shortcuts

Share

Category