01/10/2026
انا عارف ان دا بره سياق الصفحة و لكن تسمحوا لي أقول لكم رأيي
رونالدو محدش يقدر ينكر أنه أكبر مجتهد في عالم كرة القدم و من اللاعبين اللي تصنفهم راس براس مع لاعيبين أمثال ميسي بيليه مارادونا و غيرهم
لكن رونالدو أكتر لاعب في العالم بيبص لمجده الشخصي و بعد كدا الفريق و المنتخب
و اللي ساعدهم في ده مشجعين رونالدو نفسهم إلا ما رحم ربي
و عندك أمثله كتيره من ضمنهم كرة برونو اللي كان عاوز يحسبها جول لنفسه و غيره و الجماهير قالت برونو مش بحبه و بلا بلا بلا
البرتغال فريق كبير مع رونالدو محدش ينكر و لكن ليه محدش سأل نفسه ليه اللعيبة بتاعت البرتغال مثلا منهم بيحبه و منهم لا
عكس مثلا ميسي في الأرجنتين ميسي في فتره من الفترات قالوا عليه متخاذل ووصفوه بأسوء العبارات و مع ذلك رجع من الإعتزال و بنشوفه بيعمل كل ما في مقدرته
مثلا في مناقشات مع بعض المشجعين قالوا اليونايتد مكنش هيبقي لولا رونالدو و هو صاحب الفضل قولتلهم لا مين كان بيلعب معاه جيجز سكولز بارك ناني فيردناند ايفرا فإن دير صار فيديتش وروني و أساطير متقلقش عن رونالدو لأن الانجاز قائم بفريق مش وحده و كذا كذلك مع مدريد
رونالدو بعد 2022 كان يعتزل بشياكه و لكن بحث عن مجد شخصي و ده حقه و لكن متبخسش بالفريق اللي معاك
من وجهة نظري رونالدو يستحق نهاية أفضل و لكن
بالشكل الحالي دي النهاية اللي تليق بشخصيته النرجسية المغرورة و مشجعينه اللي مخلينه صاحب الفضل الأول و الأخير و في النهاية الدنيا مش بتقف علي حد لا لاعب و غيره و لنا في باريس عبره و شكرا و أسف علي الإطالة
