30/08/2017
Chelsea Oo Qarka U Saaran Inay Ku Dhawaaqdo Saxiixa Dhaliyaha Ree Spain Ee Kooxda Swansea City Fernando Llorente.
Wargeyska “AS” ayaa wuxuu daboolka ka qaaday in saraakiisha Chelsea ay u diyaarinayaan saxiixa Fernando Llorente oo ay haatan da’adiisa gaadhsiisan tahay 32 jir aduun dhan 15 million euros si ay kaga soo qaadato dhigeeda Swansea City.
Heshiiska ay ku wada jiraan kooxaha Chelsea iyo Swansea City.ayaa haatan ku dhaw heer gaba gabo ah, kaliya waxaa ka hadhsan inta ay kooxda Swansea ka dhameystireyso saxiixa badalka Fernando Llorente ee Wilfried Bony.
Hadii ay saraakiisha kooxda Chelsea ku guuleystaan saxiixa Fernando Llorente, waxay ka dhigi doontaa in Stamford Bridge uu kula midoobo qaar ka mid ah xidigaha ree Spain ee ku sugan safka kooxda Blues sida Álvaro Morata, Marcos Alonso, César Azpilicueta, Cesc Fàbregas iyo Pedro Rodríguez.
