香港布力般流浪球迷專頁 Hong Kong Blackburn Rovers Supporters Club

香港布力般流浪球迷專頁 Hong Kong Blackburn Rovers Supporters Club 大家好，我哋係香港布迷！哩個Page主要報導布力般流浪最新資訊，轉會消息，賽事情報，同埋發掘一眾球員同全球布迷既故事，因為我哋深信球迷係球會非常重要既資產，以球真係可以會友㗎！ 另外，我哋都會發掘更多英格蘭低組別球會既故事，以及一眾係外地發展既香港球員既消息，希望可以利用哩個平台令多啲人認識佢哋💪🏻

係大家從電視見到Karri 陳頌文不斷訓練追夢既同時，其實佢都係花樣年華既大學生喔趁週日最後一場季前熱身賽對侯城女子隊前，Karri 陳頌文卸下訓練服，好好享受暑假時光😎Photo Source：Karri IG Story #布力般點將錄...
08/08/2026

係大家從電視見到Karri 陳頌文不斷訓練追夢既同時，其實佢都係花樣年華既大學生喔

趁週日最後一場季前熱身賽對侯城女子隊前，Karri 陳頌文卸下訓練服，好好享受暑假時光😎

Photo Source：Karri IG Story

#布力般點將錄
#陳頌文

介紹番布力般流浪今季第一作客相信係球會第一次起用白色做作客波衫⚪️🔴🔵 #布力般波衫 #變咗里昂 #定係水晶宮
06/08/2026

介紹番
布力般流浪今季第一作客

相信係球會第一次起用白色做作客波衫⚪️🔴🔵

#布力般波衫
#變咗里昂
#定係水晶宮

作為布迷能夠見到「布力般流浪」5隻大字同會旗係香港電視台出現，確實係好感動🥲特別係有線電視畢竟我哋都係睇有線體育台大既，感覺真係好奇妙多謝Karri多謝HOYTV #香港布迷看布力般
04/08/2026

作為布迷
能夠見到「布力般流浪」5隻大字同會旗係香港電視台出現，確實係好感動🥲

特別係有線電視
畢竟我哋都係睇有線體育台大既，感覺真係好奇妙

多謝Karri
多謝HOYTV

#香港布迷看布力般

一張帶點夢幻既相有邊個會諗到志雲大師會出現係布力般流浪既Senior Training Center 😆相信係香港第一支攝製隊進入布力般STC 訪問Karri陳頌文，今晚9:30 HOY 77 「雲遊四海.皆好友」要睇啦😉 #香港布迷看布力...
04/08/2026

一張帶點夢幻既相

有邊個會諗到志雲大師會出現係布力般流浪既Senior Training Center 😆

相信係香港第一支攝製隊進入布力般STC 訪問Karri陳頌文，今晚9:30 HOY 77 「雲遊四海.皆好友」

要睇啦😉

#香港布迷看布力般
#難得志雲大師件衫仲襯埋色
🫡
#陳頌文

要珍惜一個肯著波衫一齊去旅行既另一半💙 #香港布迷看布力般 #布力般波衫
30/07/2026

要珍惜一個肯著波衫一齊去旅行既另一半💙

#香港布迷看布力般
#布力般波衫

布力般流浪宣布今夏第二簽！從英甲球會史托港收購23歲右翼Jayden Fevrier ，哩位韋斯咸青訓產品2024年加盟史托港後替球會殺入升班附加賽。上季冬窗Fevrier就外借查爾頓，上陣11場攻入2球，協助佢哋成功護級，來季佢就繼續係英...
29/07/2026

布力般流浪宣布今夏第二簽！

從英甲球會史托港收購23歲右翼Jayden Fevrier ，哩位韋斯咸青訓產品2024年加盟史托港後替球會殺入升班附加賽。

上季冬窗Fevrier就外借查爾頓，上陣11場攻入2球，協助佢哋成功護級，來季佢就繼續係英冠角逐為布力般效力～

“能加入這樣一家擁有悠久歷史的球會感覺很棒，我很高興來到這裡。

“上賽季結束後，就有一些傳言說我會去哪裡，而布力般表現出了濃厚的興趣，尤其是在過去一周，事情進展得非常迅速。

“我和足球總監以及教練Mowbray談過了，然後我就決定加盟了。

“和主教練談過之後，我了解到他為我和球隊制定的計劃，他希望我能成為這支充滿活力、踢著精彩進攻足球的球隊的一員，而這正是我認為我能帶來的。”

“我是一名進攻型、前瞻型球員，渴望創造機會，所以當他告訴我他對我和球隊的期望時，我內心非常開心。

“我非常興奮，我一直在關注這裡的球員、球場、球迷以及球會的一切。還沒簽約就已經是一名球員了！

“我知道球場的容量，這裡的球員，所有的一切！

“我會盡快融入球隊，跟上節奏，現在最重要的是和主教練以及全隊磨合，我已經準備好了。

“我想讓球場重新充滿活力，我想用我的表現讓球迷們興奮起來，幫助球隊取得盡可能高的排名。”

#布力般點將錄

係2020年香港隊遠赴土耳其參加土耳其女子盃，Karri 陳頌文以僅15歲之齡首度以大港腳身份正選上陣。其實Karri 12歲就替港隊U14 上陣，之後入選多個級別既梯隊，6️⃣、🔟、1️⃣1️⃣、2️⃣0️⃣號都係Karri 既港隊足跡。...
28/07/2026

係2020年香港隊遠赴土耳其參加土耳其女子盃，Karri 陳頌文以僅15歲之齡首度以大港腳身份正選上陣。

其實Karri 12歲就替港隊U14 上陣，之後入選多個級別既梯隊，6️⃣、🔟、1️⃣1️⃣、2️⃣0️⃣號都係Karri 既港隊足跡。

今次Karri 就相隔6年再次入選港隊，披上熟悉既紅色波衫，重遇一班當年既年青隊友，感覺的確係好夢幻

唔再係青年軍小妮子，而係接師姐捧

期待一班足球女將再次聚首
挑戰9月名古屋亞運💪🏻

#香港布迷看女足
#陳頌文

香港布迷足球隊第一面既獎牌🥇小小獎牌意義重大最緊要大家踢得開心💙 #香港布迷足球隊
28/07/2026

香港布迷足球隊第一面既獎牌🥇

小小獎牌意義重大
最緊要大家踢得開心💙

#香港布迷足球隊

恭喜Karri 陳頌文雙喜臨門佢係尋日季前熱身賽首度被委任做布力般女子隊隊長，仲攻入一球💪🏻而Karri 仲係相隔6年之後再度入選香港亞運女子代表隊23人名單，將會係9月中面對中國、菲律賓及烏茲別克女子隊，絕對令人期待加油Karri💙 #布...
27/07/2026

恭喜Karri 陳頌文雙喜臨門

佢係尋日季前熱身賽首度被委任做布力般女子隊隊長，仲攻入一球💪🏻

而Karri 仲係相隔6年之後再度入選香港亞運女子代表隊23人名單，將會係9月中面對中國、菲律賓及烏茲別克女子隊，絕對令人期待

加油Karri💙

#布力般點將錄
#陳頌文

隨住球季結束，Macron 代理布力般流浪5季既波衫合約亦完結，我哋搵到布迷波衫達人沖師兄逐季分享返當季買衫既點滴😌 25/26 球季MACRON之最終章今季迎嚟球會150周年創會紀念，本身諗住可以平靜地渡過一個球季，但可惜事與願違，爭啲搞...
26/07/2026

隨住球季結束，Macron 代理布力般流浪5季既波衫合約亦完結，我哋搵到布迷波衫達人沖師兄逐季分享返當季買衫既點滴😌

25/26 球季

MACRON之最終章

今季迎嚟球會150周年創會紀念，本身諗住可以平靜地渡過一個球季，但可惜事與願違，爭啲搞到降班收場，呢季真係經歷咗千辛萬苦，係咁有紀念性嘅一年爭啲再降落去英甲，諗返都一額汗😅

今季以Valérien Ismaël作為領隊開季，佢一改以往猶豫嘅作風，佢將今季完約嘅或者唔續新約嘅球員一律冇乜機會出場，呢個決定都相當大膽，但我表示非常支持，唔好再浪費時間俾啲唔會喺球會有將來嘅球員出場，對球會絕對係一件好事，我寧願俾啲次一級嘅球員多啲出場機會，等佢哋磨練吓反而可以俾球會一個新嘅希望，無謂好似以前咁幫人操fit完可以搵間新球會去踢，咁戇鳩嘅事情我諗只有我哋球會先做得出🙄，所以今年用咗好多新人，連外借咗嘅人都有回頭返嚟出場嘅機會😉

主場波衫一如以往，毫無創意可言，係喺個領後面嗰度印個150年份出嚟，其餘完全冇特別，一如既往揀咗個今季，諗住有機會彈出嘅新人嚟印，印咗32號 Igor Tyjon，點知呢個好有潛質嘅新人，跳草裙舞跳到現在呢一刻都仲未肯續約，上季開始話唔續約，跟住領隊就完全唔俾機會佢出場，白白浪費咗一年嘅時間，如果佢嘅經理人係識諗，怕咩先續約去換出場機會，你睇細佬咁樣咪有機會出場之後可以轉去英超踢，真係唔明而家啲經理人諗緊啲咩，或者係佢自己當事人都係咁諗啦，一心諗住去大會踢青訓，都好過留喺英冠踢正選，對於佢同球會都係雙輸嘅選擇嚟，到現時呢一刻為止，佢都未同球會續約，因為話薪酬唔達標，但亦未離隊，季前熱身旅程已經開始咗，但冇佢份，唔知佢仲想浪費幾多時間🫠

第一作客今年用咗金黃色作為主色，成套衫我覺得最靚反而係對襪😆，成件衫嘅暗花就應該係用咗Ewood Park同布力般是周邊嘅名勝作為主調，但其實遠睇唔知佢係咩嚟，Macron用喺我哋身上嘅設計都係九流，不奇怪😑。呢件印咗親生仔20號 Harry Leonard，點知球季未開始，佢已經俾人賣咗去英甲嘅彼得堡🫠，究竟係我有問題令到佢走定係點樣呢個唔差嘅後生仔點都冇諗過會俾球會放棄，但佢都出色過到去之後越踢越好，表現都唔錯，希望佢有機會重返更高層次嘅聯賽比賽啦。

今季開始就已經俾前任領隊條仆街🐍 John Eustace，係咁撬我哋啲老鬼走，搞到我哋護級成功嘅功臣差唔多全部過晒去打吡郡，最後連我哋個鐵血隊長都俾佢搞到跳晒草裙舞咁要走， 食相當之難睇，原本諗住佢可以成為一代忠臣，點知夢想又破滅，不過人哋都係為咗份糧啫，邊得嚟咁多loyalty吖，係我自己諗多咗啫🫠

第二作客，呢件算係五年裏面最出色嘅一件作客波衫，用咗墨綠色配上經典設計再加返條領，確實係一件少有唔錯嘅波衫，但落埸用過好似得一兩場，真心浪費。呢件印咗我哋今年嘅新隊長10號 Todd Cantwell ，原本諗住佢會大打爭氣波，但可惜事與願違，佢大哥嘅踢法簡直係去到細哨級先可以配合到嘅，真係非一般英冠常人可以配合到佢嘅踢法，經常扭失波不在話下，要入唔入嘅波都唔少，唔好話無俾機會你啦，成隊俾晒你打骰，你都係咁飄忽，但你大哥人工一啲都唔平，仲有成日sick leave 。。。。😑

講返今季嘅成績，除咗開頭幾場之外，真係一路咁差落去，到咗二月見你搞唔掂，你都終於識得自己離開都係一件好事嚟，再遲多一兩個月先走，真係神仙都救唔返。

之後幾經辛苦，我哋終於搵咗北愛爾蘭國家隊領隊Micheal O’Neill嚟幫守護級，終於打到最後一場撳掣先至確定可以留得返喺英冠，唔使喺創會150周年呢一年以降班收場都算執返身彩，MoN除咗幫我哋互吸成功之外，佢仲幫北愛爾蘭發掘到一個後防新仔就係Tom Atcheson，今季兵荒馬亂兼冰原缺失之下，大量新仔有機會出場表現自己，佢就係其中一位，曾經吹過曼聯都想簽佢入返嚟，我哋當然希望佢繼續留低啦。

話晒創會150周年咁開心，梗係要出返件紀念版波衫，得出嚟嘅結果原來就係一件白色底衫咁樣，真係好懷舊下囉🥱 乜details位都無，由質地到設計都係零。呢件衫原本想話喺一個比賽日當係紀念賽嘅時候着嘅，但好似話設計原稿有流出，所以搞到要改期再着，最後都係用嚟踢咗一場，之後仲要輸鳩埋，無聲無息咁就完咗佢嘅歷史性用途。

話說我買呢件都係後來追加，因為布迷George去Ewood朝聖，咁咪順路叫佢幫我即場買一件諗住有咩章都可以印晒落去，點知club shop剩係得名同Number，連聯賽章都冇得印，最後又揀咗當季新仔George Pratt嚟印，希望佢又會留耐啲，唔會中我魔咒💪🏻

呢個賽季真係經歷咗生死關頭，雖然最終都係捱過咗，但真係唔好再嚟多鑊，心臟負荷唔係咁好。Macron嘅五年合約終於完咗，喺季尾嘅時候對於新嘅贊助商傳聞層出不窮最勁講過adidas Original會有機會幫我哋出衫，後尾又傳過Castore，最終最終開估原來都係用返Umbro，嚟緊將會又係冇特別嘅五年，我估係咁啦。。。。🥱

文：沖師兄

沖師兄 — 香港布迷，專儲布力般波衫，為球迷會兄弟攪團購，不定期分享訂波衫同波衫既故事。

#香港布迷看布力般
#布力般波衫
#沖衫直說

Address

Ipswich
IP1 2DA

Website

Alerts

Be the first to know and let us send you an email when 香港布力般流浪球迷專頁 Hong Kong Blackburn Rovers Supporters Club posts news and promotions. Your email address will not be used for any other purpose, and you can unsubscribe at any time.

Shortcuts

Share

Category