15/08/2025
بعد الأوضاع هدت في الخرطوم أنا عندي نظرة مختلفة ! انو الناس بعد ترجع ح تعرف توظف الحاجات السمحة و المختلفة الشافوها برا زي تصاميم المطاعم و ماركات الملابس العالمية و كمان في مصممات تياب سودانية و خبيرات التجميل و مراكز تجميل الأظافر و الشعر .
و ممكن كمان يكون في كل حي حدائق بسيطة فيها ألعاب للأطفال م ضروري إلا نمشي أماكن بعيدة عشان نتفسح .
دايرين الحاجات العادية هناك تكون عادية في بلدنا برضو .
محتاجين اي وحدة تنقل تجربتهاو خبرتها و زي م شوفتو ما إلا فرد واحد في الأسرة هو البشتغل كلنا إيد عاملة . و البازارات الفّي الإمارات و مصر و السعودية و … إلخ مالها لو بقت في السودان ؟ دي فرصة نبدأ فيها من جديد و بطريقة جديدة و مختلفة و اكتر رقي من الأول .
كافيهات ، سينما و مكاتب للقراءة على مستوى عالي ، انشطة رياضية للأطفال( سباحة - كارتيه - كرة قدم …الخ )و أماكن مغلقة للألعاب الأطفال يااخ احنا محتاجين لحاجات كتيرة و لسه في اكتر و اكتر بس احنا نفكر .
افكار و شوية راس مال و مستثمرين و شريك إذا عايز و كدا بقى عندنا " مشروع صغير " .
قبل فترة لقيت وحدة منزلة فيديو أنو هي كانت عايشة في استراليا و حاليا في أفريقيا ، قالت انو هناك أصلا عاملين اي حاجة و في دولنا الفقيرة احنا محتاجين حاجات كتيرة فالأحسن ليها انو تبدّا تنقل خبرتها و نظرتها المختلفة في بلد تاني .
والله نفسي السودان يبقى متطور و حلو و راقي و تعليمنا في التوب لدرجة نودي مبتعثين في بلدان تانية و هم يجيبو لينا ناسهم .
الحابة اقولو أنو العتب و بداية البناء ببدا مننا احنا كشعب من افكارنا و حماسنا و حبنا للتطور و الباقي على الحكومة الحيكون من الشعب برضو يلا بينا نبني .
اول مشروع ح يبداً مني عندي ملابس نسائية ، رجالية و ملابس أطفال من الولادة ماركات عالمية من بريطانيا ( Zara- M&S- Next PRIMARK - H&M ).
ورونا افكاركم و مشارعكم ؟؟
