LIONROCK FC KENT

07/12/2024

係英超都改期既情況下，仍然無阻我地既熱情。下星期，希望都見到大家 ！！！

Goodison Park fixture called off due to risk to safety in local area and severe wind warning from Storm Darragh

18/10/2024

嚟緊10月20號星期日，Lion Rock Kent FC 會參加東倫敦盃， 當初有三隊一直希望可以有機會同佢哋交手，希望喺強敵林立嘅比賽當中可以有好嘅表現， 如果大家有興趣可以到現場觀賽。

06/10/2024

加油呀，希望你成功

香港人好波！19歲少女陳頌文（Karri）3歲已經踢波，由旺角大球場踢到去英國，曾效力布力般流浪 U21 女子隊的她，今年初外借英甲球隊 Halifax FC Women，成為史上首位港人踢英甲女足。風光背後總有辛酸，Karri忍痛告別波友離開香....

18/09/2024

緊接上場係Guildford中立場對Reading 後，今個星期五（20號）又再次去Guildford 場進行倒數第二場既第一届街坊聯賽事，今次對手真係Guildford 拿， 在人員不齊既情況下，究竟我地會踢成點呢

再次多謝Bill 爺既美麗既對陣圖

18/09/2024

經過抖完暑之後，又要返黎投入返賽場喇，呢季香港人街坊聯賽包括呢場仲淨低三場，最後我地會係咩名次呢?咁要睇下我地堅唔堅持到喇!

今場波我地同Reading去到中立場比賽，因為去雙方主場都太遠喇，就揀左Guildford 既主場，因為南部聯賽關係，今場先係第一次同Reading踢，知道佢地有好多比賽經驗，隊中亦有幾名年輕球員，心諗又係硬仗一場。

開波後，對方多係我地左路進攻，所以好多混戰都係左路，上半場前段都係有來有往，直到一球對方回傳門將，大佬勤力繼續逼搶，終於逼到解圍失誤省中大佬入網，領先一粒，其後對方有幾次係我地禁區附近起腳，好在斜出同多得門神ET化解，可以領先上半場。

下半場對方開始增加右路攻勢，突破防守出波同角球斬中，幸未有失波，到中段時候，Ronald襯對方門將出左黎抖射入空門，射成2:0，之後Kenneth同對方唔好彩各有一次中楣，但最後對方係右路突擊撥過左馬爺，推入禁區射入遠柱追返2:1，其後大家都互有攻守情況下維持比數，我地終於都係作客贏到波，可以慶功食牛雜!

黎緊星期五都係返呢個場對Guildford，呢季最後兩場喇，頂埋佢，對自己有個膠袋!

Come on LionRock Kent!

11/09/2024

第一屆街坊聯賽去到尾聲。

抖暑後，第一場，無練習，無一齊踢波，希望大家盡力而為。

#搵場真係好難
#有冇場可以彈畀我哋

01/08/2024

值得學習佢既心態，認真得黎享受比賽

熱血到喊，六張嘢仲企到係奧運舞台，笑住打，額頭寫住「享受」兩個字⋯
#倪夏蓮 #盧森堡

31/07/2024

叻女🫰🫰🫰🫰

其實我嚟
呢個比賽嘅目標

唔係為咗攞獎牌
而係做到自己最好
睇吓我嘅實力去到邊…

攞咗第三名之後
何詩蓓咁樣講…

#連續兩屆攞兩面獎牌
#香港史上第一人

29/07/2024

勁開心，勁感動

17/07/2024

大家好呀，上個星期三我地就返返去主場迎戰Harts ，今仗我地終於有返王牌射手昇爺，進攻有返保證，但可惜中場大佬朱爺缺席，戰力有損，可幸今場有會長文總親自到場監督仲落埋場支持球隊，即刻士氣大振呀!

開賽初段，我地左路非常繁忙，因為對手右路有快翼，我地亦多從左路進攻，Paul同Bill神助攻助守跑到氣咳，Mike爺亦係中場攔截左好多球波，幫我地既節奏打好左基礎，上半場早段昇爺不負眾望係左路帶波入禁區起腳射入領先1比0，其後昇爺再係左路突破，今次就傳中Erik門前射入2比0，之後昇爺亦試過右路半單刀射遠柱可惜射斜。係上半場後段對手襯住中場防守空虛係峨嵋月射入近柱，比數追返2比1完上半場。

下半場開始昇爺又係左路進攻，同上半場個球一樣傳中俾Erik飛鏟射入，拉返開比數到3比1，心諗應該可以鬆返小小，點知對手一次左邊近底線攻勢，Edgar慢左落腳踢跌對方被罰十二碼，雖然門神ET使出企大細邊戰術引誘對手射大位，對手亦如佢所願，雖然拍到但都照入，比數又追成3比2。成場波又再變得緊湊起上黎，會唔會今場主場第一次失分呢?梗係唔會啦，昇爺唔會俾呢件事發生既，到中段時候我地一次攻勢對手嚐試解圍不果俾基神踢返轉頭輾轉彈左去昇爺腳下，不慌不忙人罅中燙去遠柱，再次擴大比數到4:2，最後會長大人文總負起責任，左路自爆落底再帶入小禁區，得Bill神真傳下超窄角度射入射成最終比數5:2，過程雖然一額汗但各隊友都博盡繼續我地主場威力!

今場應該係抖暑前最後一場，下場比賽就要去到9月20號作客Guildford ，可摸耳不敗完成賽季呢，睇埋下一場喇!

最後如果有球迷或者老闆有興趣支持下我地隊波既，不妨聯絡下，或者我地可以幫手做下宣傳都未定架! 多謝你地先!

10/07/2024

唔好意思，遲左小小(?)出post，因為啱啱6月21號又去左作客Sutton，返黎要d時間。

講返場波先，上場主場對Sutton，可幸贏到波，去到人地主場就另一回事喇。今場依舊冇昇爺隨隊，不幸地朱爺亦有小傷先列後備，所以都以控球同穩守突擊為主，開賽初段對手多用高波吊過頭波進攻，後防難免出現混亂，好彩冇導致失波，之後一次我地左路攻勢，Erik帶波出K角位起腳射遠柱中內柱彈入世界波，1:0！

開心左唔係太耐，對方一次左路反攻禁區外被kick跌搏到罰球，對手亦冇浪費一個直射近柱入網，追成1:1！之後對手繼續左右兩翼側擊吊過頭波入禁區快攻，我地亦採取相同戰術，雖然有角球攻勢但未能取得入波，上半場1:1。

下半場開波冇耐，門神ET係同人碰撞後傷出換入Arnold，下半場雙方都鮮有攻勢，但都有大細孖半單刀可惜唔入，對手多採取後場長傳急攻但未有造成太大威脅，及後換入康爺左閘加強防守能力，一次左路三閘線冷靜左腳交右腳避過對手，令人嘆為觀止! 朱爺雖然有起腳機會，但礙於有小傷，無功而還，雙方最後踢成1:1。

兩場作客雖然嬴唔到波，但都冇俾對手主場威力嚇親，保持不敗，下埸7月13號終於返到主場，睇下到時可摸耳重拾勝軌喇! 歡迎各位到場同我地加油!

今場全隊有好表現，都係多得ET提供場外正骨治療，個個當堂視力好左，動作快左，考試仲科科一百分添! (頭盔呢?以上純粹個人感受，不代表師傅神力，但當然都有莫大幫助啦!)

最後真係再次感謝運動治療師Bob Cheung每場主場作客都幫忙喺賽前同比賽中檢查同幫助受傷嘅球員，但可惜佢要暫別我地去深造喇，希望Bob你學業大成功快D返黎Join返我地，但如果大家有需要可以繼續搵Bob幫手呀，呢個係佢既挨豬

30/06/2024

抖暑前既最後一戰，時間地點非常好。 希望見到大家， 等我地可以感受下主場既威力。


#以後靠哂你