Esz الصفحة الرسمية لهيئة الاحباء

03/08/2026

❤️💛

▫️ريان السماعلي ، متوسط ميدان ، في الترجي الرياضي الجرجيسي لمدة موسمين❤️💛

25/07/2026

خوتنا السواحلية ما عندناش مشكل يكور وين يحب و مبروك عليكم و ربحتو ملاعبي أما التهور لا و العاطفة لا في التصريحات ..خاتر الملاعبي لازم يكون مسؤول في التصريحات متاعا !!
ما عندنا معاه حتى مشكل و ربي معاه ملاعبي كبير و كور بڤليب معانا أما باهي الواحد كي يرزن و ما يتهورش في الستاتيات ..

24/07/2026

في تونس نلعب كان مع جرجيس ممم جرجيس تابعة ليبيا هههه

22/07/2026

إسبانيا في المرتبة الثانية .. انتم هما الأبطال 💪💪💪
ربي معاكم و يحميكم ♥️

21/07/2026

صباح الخير
نهار لي قررت الهيئة المديرة باش تستقيل البلاد تهزت و تحطت .. لا ما تسيبوش الجمعية حني معاكم .. العكارة ما يحبوش هيئة أخرى .. كان تخرجو الجمعية باش تتفرتك .. يا سي حافظ كمل و العكارة الكل معاك .. يا سي حافظ حاجتنا بيك انت تكمل معانا .. و باش ندزو معاك و باش نحطو الفلوس ما يهمكش .. وصلت خرجت حكايات أخرى متع كان يترشح واحد آخر راهو يكره الجمعية و ما يحبش الخير للجمعية و و و و و و ..
شنوا صار بعدها ؟؟ الهيئة الحالية مازالت مواصلة الخدمة مع الجمعية ايه وينكم لي حكيتو ؟؟ وينكم لي وعدتو ؟؟
لي حاجتنا بيه الأغلبية متع العكارة صار أما لازمنا نكونو عند كلمتنا !!
ما فماش إقبال على اقتناء الإشتراكات الإقبال ضعيف برشة !!
نداء للأحباء الموسم هذا باش يتكلف برشة فلوس برررررشة فلوس خاصة الجمعية باش تلعب في افريقيا معناتها مصاريف كبيرة تستنى فينا !!
الإشتراكات موجودين في المكتب في عمارة الغولي و بوتيك الجمعية !!!
نحبو رقم قياسي آخر متع بيع و دعم للجمعية و خاصة جاليتنا بالخارج متأكد لي ماهمش باش يبخلو على جمعيتهم كيف ما عودونا ..
عاش الترجي الرياضي الجرجيسي ♥️💛

18/07/2026

▫️تتقدم الهيئة المديرة بالشكر و التقدير للمدعم و المحب السيد شهيد خليل النطاحي على دعمه خزينة النادي بمبلغ 10000 دينار.
شهيد صاحب أول 3 اشتراكات من صنف ألف دينار و أول دعم هام هذا الموسم، شكراً جزيلاً ❤️💛

07/07/2026

أكثر أشخاص يفرحو لخسارة المنتخبات العربية و الإفريقية و الضعيفة هما المسؤولين لي في الجامعة الموقرة لي ما عندهمش كرامة و ما عملوش قيمة لرواحهم و استقالو !!

06/07/2026

إن شاء الله رقم قياسي ❤️💛🤩🤩💪🏼💪🏼

بلاغ

تُعلم الهيئة المديرة للترجي الرياضي الجرجيسي كافة الأحباء والمحبين بانطلاق بيع اشتراكات الموسم الرياضي 2026/2027.

ويمكن اقتناء الاشتراكات ابتداءً من الغد عبر نقاط البيع التالية:

* 📍 مقر النادي المؤقت: عمارة الغولي، طريق جربة، الطابق الأول.
* 📍 مغازة الجمعية.
* 📍 أمام مقر النادي (مقابل الجامع الكبير).

كما يمكن اقتناء الاشتراكات عن بُعد عبر الإنترنت من خلال موقع guichet.tn

https://esz.guichet.tn/fr

أما بالنسبة لاستلام الاشتراك، فيمكن ذلك:

* ✅ في أي وقت بمقر النادي، وذلك بالاستظهار بوصل الشراء.
* ✅ أو عبر خدمة التوصيل إلى تونس أو فرنسا.

كونوا في الموعد، وساندوا فريقكم باقتناء اشتراككم.

اشتراكات 2026/2027… وفاءٌ للألوان، ودعمٌ لمسيرة الترجي الرياضي
الجرجيسي.


05/07/2026

بلاغ

تعلم الهيئة المديرة للترجي الرياضي الجرجيسي كافة الأحباء والجماهير الوفية أن الفريق الأول سيستأنف التمارين استعدادًا للموسم الرياضي 2026/2027 يوم الثلاثاء 07 جويلية 2026، تحت إشراف المدرب منصف مشارك، وذلك في إطار التحضيرات لانطلاق موسم جديد نطمح أن يكون امتدادًا للنجاحات التي حققها الفريق.

كما تؤكد الهيئة المديرة أنها تواصل التسيير اليومي لشؤون النادي بصفة عادية إلى حين انعقاد الجلسة العامة الانتخابية، والمبرمجة خلال الأسبوع الأخير من شهر جويلية، على أن يتم فتح باب الترشحات خلال الأيام القليلة القادمة، وفقًا للإجراءات والآجال التي سيتم الإعلان عنها لاحقًا.

وتعلم الهيئة أيضًا أن طرح اشتراكات الموسم الرياضي 2026/2027 سيكون خلال الأسبوع المقبل، وتدعو كافة جماهير الترجي الرياضي الجرجيسي إلى الإقبال بكثافة على اقتناء الاشتراكات، باعتبارها أحد أهم مصادر دعم النادي وضمان استقراره المالي، ومساهمة مباشرة في توفير أفضل الظروف للفريق من أجل مواصلة تشريف جرجيس وتحقيق تطلعات جماهيره.

معًا نواصل البناء… ومعًا يكون الدعم عنوان الوفاء.

الهيئة المديرة للترجي الرياضي الجرجيسي

05/07/2026

يخي ماهمش باش يتحشمو على رواحهم و يقدمو استقالتهم ؟؟ ما فيهمش واحد يخرج يحكي و يڤول مناش رجالة ؟؟
البارح كي تفرجت في الرأس الأخضر حشمت في بلاصتهم !! للدرجة هذي تحبو المناصب و الكراسي ؟؟
بصحتكم و الله ..