30/10/2025
Dhimma Magaalaa Dirree Dhawaa ilaalchisee haasawa Muummee ministira Dr Abiyyi Ahmad dubbatan ilaalchisee Aktivistoonni fi Manguddoonni Somaalee hedduun mufataniiru
Lami Media (Onk 30/2025), Muummeen ministiraa Dr Abiyyi Ahmad dhimma Magaalaa Dirree Dhawaa ilaalchisee haasawa Mana Marii bu'oota ummarratti dubbataniin Dirreen Dhawaa Magaalaa Oromiyaa akka taateefi heera mootummaatiin Magaalaa Federaalaa jedhamtee barreeffamaan wanti murtaaye kan hin jirre tahuu himee garuu waggoota dheeraaf Somaalee Oromoon akka obbolaatti waliin keessa jiraachaa turuu himan.
Haasawa Muummicha ministiraa hordofee Aktiivistoonni fi Manguddoonni Somaalee hedduun dubbii MM isaan mufachiisuu karaa Miidiyaalee garagaraatiin dubbachaati jiru.
Aktiivistiin Somaalee Obbo Adan Allaallee karaa Miidiyaa Somaalee tokkoon dubbii dubbateen Muummeen Ministiraa Dr Abiyyi waayee Dirree Dhawaa ilaalchisee yeroo 3'ssaaf dogoggoruu isaaniiti jechuudhaan,kun dogoggora jalqabaa Abiy miti. Imala jalqabaa gara Baahir Daaritti taasisaniin: 'Teessuma lafaatiin Dirree Dhawaan kan Oromiyaati' jedhe." Dirree Dhawaan yeroo hunda sirnoota Somaaliyaa duraaniitiin bulfamaa ture jechuudhaan Haasaan Dr Abiyyi dogoggora tahuu hime.
Dhimma Magaalaa Dirree Dhawaa Beektoota Somaalee biratti yeroo ammaa ajandaa tahuun ho'ifamaa jira.