28/01/2026
✅Koomaa qe'ee waa maraa
Qe'ee quufaaf qananii
Waardiyyaa warra jimmaa
Eegduu gibee shananii
Bosona uumamaatiin
Babbareeddee faayamtee
Haphattiif caalteen gidduu
Kabajaadhaan kaayamte.
Utuu of eeggannoodhaan
Namni gabaaf dhiyeessee
Dhandhama buna keetuu
Adda godhe miyeessee!
Yaa xaafii warra mottee
Yaa boqqolloo qirixaa
Ittoo si'n barbaachisu
Mucucaatee si lixaa.
Ambabbeessiifi warjiin
Loozii shaarfaa taasisaa
Sangaan warra maariboo
Garaa nama naasisa.
Kam himeetan kam dhiisa
Atoo waa hedduu qabda.
Akkamitti harmee koo
Qooda nu biraa dhabda!
Abadan sirraa hin hafu
Ati haadha nadeesse
Siin jetti ijoolleen kee
Waamicha kee dhageessee
Isheen biyya jirtuu fi
Warri hireen fageesse!
Warri walaloo jaalattan shera walif godha mee ✅
