Hambaricho Durame -ሀምበሪቾ ዱራሜ

26/08/2026

የመሳላ በዓል ታላቁ ኩነት- የመሳላ ቁንጅና ውድድር ምዝገባ ነገ ይጀመራል።

የታላቁን የከምባታን ብሄረሰብ ውበት፣ ባህል እና ቱሪዝም ለመወከል ዝግጁ ነሽ? ይህ ዕድል የአንቺ ነው። 🍾

𝐌𝐈𝐒𝐒 𝐊𝐀𝐌𝐁𝐀𝐓𝐀 𝟐𝟎𝟐𝟔 👑

Miss Kambata 2026 registration starts tomorrow! ✨

Are you ready to represent the beauty, culture, and tourism of the great Kambata people? This opportunity is yours.

✨ Your beauty. Your culture. Your moment.

21/08/2026

ክልሎች እጩ አናቀርብም አቶ ኢሳያስ ጂራ ይቀጥሉ አሉ

አቶ ኢሳያስ ጂራ ብቸኝነት የኢትዮጵያ እግርኳስ ፌዴሬሽን እጩ ፕሬዚዳንት ሆነው መቅረባቸው ይታወቃል

ይህ የሆነው ሁሉም የአባል ክልል ፌዴሬሽኖች እጩ ባለማቅረብ አቶ ኢሳያስ ጂራ እንዲቀጥሉ ድጋፋቸውን ስለሰጡ መሆኑ ተሰምቷል

ሁሉም ክልሎች ኢሳያስን በመደገፍ እጩ አላቀረቡም ተብሏል

ምንጭ - habtamu viva sanjaw

16/08/2026

አማካዩ በፍቃዱ አስረሳኸኝ/ፖግባ/ ወደ ወልዋሎ አምርቷል

በክረምቱ የዝውውር መስኮት ንቁ ተሳትፎ በማድረግ ላይ የሚገኙት እና ቀደም ብለው በባህርዳር ከተማ የአንድ ዓመት ቆይታ ያደረገውን ጋናዊው ሰቲህ ኦሴን ያስፈረሙት ወልዋሎዎች አሁን ደግሞ ባለፉት ሁለት ዓመታት በኢትዮ ኤሌክትሪክ ቆይታ የነበረውን በፍቃዱ አስረሳኸኝ ለማስፈረም ከስምምነት ደርሰዋል።

ከዓመታት በፊት ሀምበሪቾ ዱራሜን ወደ ፕሪምየር ሊጉ ካሳደጉ ወሳኝ ተጫዋቾች አንዱ የነበረው አማካዩ ያለፉትን ሁለት ዓመታትም በኢትዮ ኤሌክትሪክ ጥሩ ጊዜ ማሳለፍ የቻለ ሲሆን አሁን ደግሞ በካፍ ኮንፌደሬሽን ካፕ ወደ ሚሳተፉት የኢትዮጵያ ዋንጫ አሸናፊዎቹ ወልዋሎዎች ለማምራት ከስምምነት ደርሷል።

እንኳን ደስ አለክ!!!

11/08/2026

የኢትዮጵያ ስፖርት አካዳሚ ለ2019 ዓ.ም የስልጠና ዘመን ለአዲስ አበባ እና አሰላ (ለአትሌት ጥሩነሽ ዲባባ አትሌቲክስ ማሰልጠኛ ማዕከል) ካምፓሶች በ10 ስፖርት አይነቶች ከሁሉም የሀገሪቱ ክፍሎች በአጠቃላይ በሁለቱም ካምፓሶቹ 158 ወንድ እና 200 ሴት በድምሩ 358 ተተኪ ስፖርተኞችን ለመመልመል በመጀመሪያ ዙር 12 በሁለተኛ ዙር ደግሞ 7 የጉዞ መስመሮችን በማዘጋጀት ከነሀሴ 05/2018 ዓ.ም ጀምሮ ወደ ስራ ሊገባ የቅድመ ዝግጅት ስራ አጠናቋል።

በመሆኑም በሁሉም ክልሎችና ከተማ አስተዳደሮች የምትገኙ በሁለቱም ፆታ እድሚያችሁ ከ17 አመት በታች የሆናችሁ ታዳጊዎች የዕድሉ ተጠቃሚ እንድትሆኑ እናሳውቃለን።

ማስታወሻ ፦ አካዳሚው የሁሉንም መልማይ ልዑካን መዳረሻ በየጊዜው በማህበራዊ ድህረ-ገፃችን የምናሳውቅ መሆኑን እናሳውቃለን።

ለበለጠ መረጃ
ፌስቡክ https://www.facebook.com/profile.php?id=100064708597717&mibextid=ZbWKwL
ቴሌግራም https://t.me/+0K6_bE7YFzU5YmY0
ድህረ ገፅ http://www.esacademy.gov.et/
ቲክቶክ www.tiktokcom@ethiopiansportsacademy" rel="ugc" target="_blank">https://www.tiktokcom@ethiopiansportsacademy
"ወርቃማ የትውልድ ቅብብሎሽን እናረጋግጣለን"
”We Ensure the Golden Generational Continuity”

24/07/2026

"ኩባርሲ እና ያማል" - የተዘረፈው ትውልዳችን መስታወት
************

በ2018 የራሺያው አለም ዋንጫ ላይ፣ ኩባርሲ 11 ዓመቱ ነበር፤ ያማል ደግሞ ከእሱ በወራት ያንስ ነበር። ሁለቱም በዚያ ወቅት የባርሴሎና አካዳሚ ምልምል ነበሩ፤ ስማቸውን ከግቢው አጥር ውጭ የሚያውቀው አልነበረም። ዛሬ፣ 2026 ላይ፣ ስማቸው ካልተጠራ የአለም ዋንጫ ውይይት አይጠናቀቅም። ገና በአስራዎቻቸው እድሜ ዋንጫ አንስተዋል፤ ገና በአስራዎቻቸው እድሜ የስፔን ብሔራዊ ቡድን የማይተካ አካል ሆነዋል።

ከ11 ዓመት እስከ 19 ዓመት ያለው ርቀት፣ ከ"ተስፋ ሰጪ ልጅ" እስከ "አለም አቀፍ ኮከብ" - በአጋጣሚ የተፈጠረ አይደለም። ስምንት አመት ሙሉ፣ ማንም ሳያውቃቸው፣ ካሜራ ሳይከታተላቸው፣ በየቀኑ ልምምድ ያደርጉ ነበር። የሚበሉትን የሚያውቅ ሰው ነበረ። እድገታቸውን የሚከታተል ባለሙያ ነበረ። ሲወድቁ የሚያነሳቸው ስርዓት ነበረ። ማንም አካዳሚ "ይህ ልጅ ኮከብ ይሆናል" ብሎ ዋስትና አልሰጠም የሰጠው ዋስትና ግን "ይህ ልጅ ቢያንስ እድል ያገኛል" የሚል ነበር-እኛ ሀገር ግን ያ ዋስትና የለም።

ገንዘቡ የት ገባ? በ"ወጣት ተሰጥኦ ማልማት" ስም ስር ስንት ጊዜ በጀት ተመድቦላቸው ያውቃል? ስንት ጊዜ "አካዳሚ..." ተብሎ ተነግሮናል? ግንባታው የት ደረሰ? ያ ገንዘብ የገባበትን ሂሳብ የሚያውቅ ማን ነው? ወጣት ተጨዋች ማልማት ተብሎ የተመደበ በጀት፣ ወደ ግል ንብረት፣ ወደ ውጭ ሀገር ጉዞ አበል፣ ወደ ስም-አልባ "አማካሪ" ኪስ ሲገባ ስንት ጊዜ አይተናል? ማንም ኦዲት አላደረገውም፤ ማንም ተጠያቂ አልሆነበትም።

ድህነት ይሁን ኋላቀርነት፤ አላዋቂነት ይሁን ስግብግብነት ባይታወቅም ችግሩ ግን ከዚህ የበለጠ ግልፅ ስም አለው፦ ስርቆት።

ለኢትዮጵያውያን ታዳጊዎች የምናበረክተው ገንዘብ ስለሌለን አይደለም። ገንዘቡ ስላለ ግን ሌላ ኪስ ውስጥ ስለሚገባ ነው። ባለፉት 8 አመታት የባከኑት ታዳጊዎች ዛሬ የት እንዳሉ ማንም መረጃ የለውም፣ ልክ እንደዚያው፣ ስማቸው ስር የነበረው በጀት ወዴት እንደሄደ ማንም መረጃ የለውም። ስም-አልባ ገንዘብ ተንቀሳቅሶ፣ ስም-አልባ ልጅ ተጎድቶ፣ ማንም ተጠያቂ ሳይሆን ታሪኩ ይዘጋል።

ኩባርሲ እና ያማል በ11 አመታቸው ባይበልጡንም በ19 አመታቸው ግን የአለም ቁንጮ ሆነዋል። በእግር ኳስ ፍቅር እና በችሎታ ልጆቻችንን ባይበልጧቸውም ታላላቆቻቸው የዘረጉላቸው ስርዓት ንፁህና ተጠያቂነት ያለው ስለሆነ ከራስ ተርፈው ለሀገር በቅተዋል። እኛ ጋር ግን ልጆቻችን ላይ መዋል የነበረበት ገንዘብ ሌላ ቦታ ውሎ ስንቱ ጠፍቷል።

“ይጠፋል” የሚለው ቃል ቀላል አይደለም፤ ትርጉሙ አቻ የሌለው ህመም ይዟል። ያ ተሰጥኦ ወደ ጎዳና ህይወት ተመልሶ ይሸመናል ማለት ነው፣ ወይም ወደ ተስፋ መቁረጥ ያመራል፣ ወይም ስነ ልቦናው ተጎድቶ ትምህርት ቤት ማቆም ግድ ይለዋል፣ ወይም ወደ ሌላ ሀገር ህገ-ወጥ መንገድ ተስፋ አድርጎ ይጓዛል ማለት ነው። ስንት ኩባርሲዎች፣ ስንት ያማሎች፣ ባለፉት ስምንት አመታት በዚህ መንገድ ጠፍተውብን ይሆን? ማንም መልስ የለውም።

ይህ ራሱ ትልቁ ቁስል ነው - መጥፋታቸውን እንኩዋ የምናውቅበት ስርዓት የለንም።

ይህ ተስፋ ብቻውን ግን ልጅ አያሳድግም። የተዘረፈ በጀት ልጅ አያሳድግም። ተጠያቂነት የሌለው ስርዓት ልጅ አያሳድግም። ስለዚህ ስንት ኩባርሲዎች፣ ስንት ያማሎች ዛሬ በጎዳናችን ላይ ኳስ እየተጫወቱ፣ ገንዘባቸው በሌላ ኪስ ውስጥ ገብቶ፣ ማንም ሳያውቃቸው እየጠፉ እንደሆነ አናውቅም - እንድናውቅ ዘንድ ደግሞ ማንም መጠየቅ አልፈለገም።

እናንተ ፍረዱ።

በሳሙኤል ስለሺ

13/07/2026

ከኳስ እንድትቀር በሥራ ላደክማት ሞክሬ ነበር፤ ዛሬ ግን የልጄ ጽናት የስፖርት አፍቃሪ እንዲሆን አድርጎኛል!" — የሎዛ አበራ ወላጅ እናት ወ/ሮ አዳነች ጫዕሚሶ!!

የከምባታ ዞን አብራክ ክፋይ የሆነችው ኮከቧ የእግር ኳስ ተጫዋች ሎዛ አበራ፣ ለዱራሜ ፓይሌት ፕሮጀከት እግር ኳስ ቡድን ግምቱ ወደ 300 ሺህ ብር የሚጠጋ የስፖርት ቁሳቁስ ድጋፍ አድርጋለች።

በድጋፉ የተገኙት የዱራሜ ከተማ አስተዳደር ወጣቶችና ስፖርት ጽሕፈት ቤት ኃላፊ አቶ አማኑኤል ማቴዎስ፤ ይህ የሎዛ ማበረታቻ በከተማዋ ለሚገኙ ታዳጊዎችና ወጣቶች ትልቅ የስነ-ልቦና ስንቅና መነቃቃትን የሚፈጥር መሆኑን በመግለጽ ምስጋናቸውን አቅርበዋል።

አክላውም የሎዛ በጎ ተግባርና የደረሰችበት የከፍታ ደረጃ፣ በከተማችን በዞናችን ብሎም በሀገራችን ለሚገኙ ሌሎች ታዳጊዎችና ወጣቶች ጠንክረን ከሠራን እንደ ሎዛ መሆን እንችላለን የሚል ትልቅ የስነ-ልቦና ስንቅና መነቃቃትን ይፈጥርላቸዋል በማለት የሎዛን አርአያነት አድንቀው፣ ወላጆች በተለይም ታዳጊዎችን በመደገፍና በማበረታታት በኩል ኃላፊነቱን እንዲወጣ ጥሪያቸውን አቅርበዋል።

በስጦታው ርክክብ ላይ የተገኙት የሎዛ አበራ ወላጅ አባት አቶ አበራ ገዕኖሬ በበኩላቸው፤ ሎዛ ሸራ ጫማ ከመቸገር ጀምሮ በርካታ ተግዳሮቶችን ማለፏን አስታውሰው፣ እግር ኳስ እንዳትጫወት ቤት እስከመዝጋትና ምግብ እስከመከልከል የደረሰ ቅጣት ቢያደርሱባትም በዓላማ ጽናቷ ቤተሰቡን አሳምና ለዚህ ታላቅ ስኬት መብቃቷን መስክረዋል።

አያይዘውም ሎዛ በዞናችን ከእኔ የሚበልጡና በዓለም ደረጃ ተጽዕኖ መፍጠር የሚችሉ ወንዶችና ሴቶች እንዳሉ አውቃለሁ ስትል ያስተላለፈችውን አበረታች መልእክት ለታዳጊዎች አጋርተዋል።

የልጇን የትላንት ፈተናና የዛሬ ስኬት ያስታወሱት የሎዛ ወላጅ እናት ወ/ሮ አዳነች ጫዕሚሶ በበኩላቸው፤ በልጅነቷ ከኳስ ሜዳ እንድትቀር በማሰብ ብዙ የቤት ውስጥ ሥራዎችን አሰራትና ላደክማት እሞክር ነበር፤ እሷ ግን በንቃት ሁሉንም ሥራ ጨርሳ ትምህርቷን፣ መንፈሳዊ ሕይወቷንና ስፖርቱን ሳትደክም አጣምራ ትመራ ነበር ሲሉ የልጇን የማይበገር ብርታት አድንቀው ወጣቶች ለዓላማቸው ጠንክረው እንድሰሩ አበራታተዋል።

የሎዛ የዓላማ ጽናት በመጨረሻም ወላጅ እናቷን ሳይቀር ማሳመን የቻለ ሲሆን፣ "ውጤት ማምጣት ስትጀምር መደገፍ ብቻ ሳይሆን እኔም የስፖርት አፍቃሪ እንድሆን አድርጋኛለች" በማለት አበረታች ምስክርነታቸውን ሰጥተዋል።

የሎዛ አበራ የሕይወት ተሞክሮ ከትንሽ ተነስቶ ለትልቅ ዓላማ በጽናት በመቆም ከፍታ ላይ መድረስ እንደሚቻል የሚያረጋግጥ፣ እንዲሁም ወላጆች የልጆቻቸውን ተሰጥኦ ተረድተው ሊደግፏቸው እንደሚገባ የሚያስገነዝብ እጅግ አስተማሪ ታሪክ ነው።

በመርሐ-ግብሩም የዱራሜ ከተማ አስተዳደር ወጣቶችና ስፖርት ጽ/ቤት ም/ኃላፊና ስፖርት ዘርፍ ኃላፊ አቶ ደግነት አራሮ ፣ የፓይሌት ፕሮጀክት ቡድን አሰልጣኝ ስንታየሁ ዩሐንስን ጨምሮ የፕሮጀክቱ ተጨዋቾች እና ባለድርሻ አካላት ተገኝተዋል።

የዱራሜ ከተማ አስተዳደር መንግሥት ኮሙዩኒኬሽን ጉዳዮች ጽ/ቤት

07/07/2026

Follow Guzo Adwa Hiking

07/07/2026

07/07/2026

ፍጹም ውበት ከከምባታ ሀደሮ ምድር!

ስሟ ኤልሳቤጥ ደስታ፤ ውበቷ ደግሞ የኢትዮጵያዊነት መገለጫ። ድንገት ተገናኝተን አይን መሳብ ሳይሆን ልብን የሚማርክ ፍጹም ተፈጥሮን የታደለች።

ኢትዮጵያዊነት ውበት ነው!

📷Misiker Kebede
Guzo Adwa Hiking