Getasew &Arsi

11/06/2022

26/05/2022

#👉ኦርቶዶክሳዊ_የጾታ_ትምርት


#ቃልኪዳን
ቃል ኪዳን ማለት ተራ ስምምነት ማለት አይደለም ። እጅግ ክብር የሚሰጠው ነገር ነው ። እግዚአብሔርን ያህል አምላክ ከመካከል አድርገው የሚገቡት #ቃል ነው ። የሚጋቡት ተጋቢዎችም በመካከላቸው ያለውን እግዚአብሔርን እያሰቡ ሊሆን ይገባል

#👉ቃልኪዳን መሰረቱ ፈቃደኛ የሆነ የልብ ፍቅር ነው ።የባልና ሚስት ቃልኪዳን መሰረቱ እውነተኛ ፍቅርና በፈቃደኝነት ላይ የተመሰረተ እንጂ በውስጡ ግዴታ የለበትም ። ክርክቲያናዊ ጋብቻ እግዚአብሔርን በመፍራትና እርሱን በማክበር ላይ የተመሰረተ ስለሆነ ኪዳኑም የጸና ነው ። #👉እጮኛሞች ብዙ ጊዜ በእጮኝነት ጊዜያቸው ወደ እግዚአብሔር ቤት እየሄዱ ሲማማሉ ይስተዋላሉ። ቤተ እግዚአብሔር ሄዶ ፣ በቃሉ ተለውጦ ፣ ፍፃሜያቸው እንዲያምርላቸው ጸልየው ከመመለስ ይልቅ ተማምለው መምጣታቸው ብቻ ፍቅራቸውን ዘላቂ የሚያደርግላቸው ይመስላቸዋል

👉ነገር ግን የተማማለ ሁሉ ይጋባል ማለት አይቻልም ። ላይጋቡም ይችላሉ ።በፍቅር ባቡር ላይ ተሳፍረው ሲጓዙ ካሰቡት ቦታ ሳይደርሱ ጅምሩ ሊቋረጥም ላይቋረጥም እንደሚችል የሚያውቀው እግዚአብሔር ነው ። እናም ፍፃሜያችንን አሳምርልን ብሎ ከመፀለይ ይልቅ በየገዳማቱ በሄዱ ቁጥር ዝም ብሎ መሐላና ከእግዚአብሔር ያልሆነ ስሜታዊ ቃልኪዳን መግባት ትክክል አይደለም ።"ከእኔ ዘንድ ያልሆነ ምክር ይመክራሉ ኃጢአትንም በኀጢአት ይጨምሩ ዘንድ ከመንፈሴ ያልሆነ ቃልኪዳን ያደርጋሉ ።ይላልና (ኢሳ30:1 )

#👉ቃልኪዳን ጋብቻው ሲፈፀም የእግዚአብሔር እንደራሴ በሆነው #በካህኑ አማካኝነት ብቻ የሚከናወን ኪዳን ነውና። ቃልኪዳን የትዳር አጋርን የራስ ገንዘብ የሚያደርጉበት ጽኑ ሕይወት ነው ። እርሱንም #በቀለበት ያጸኑታል ። ሉቃ 15:22 የጠፋው ልጅ ወደ አባቱ ቤት ሲመለስ አባቱ ቀለበት ሳይቀር ነው ያደረገለት ። ምስጢሩ ይሄ ልጄ ጠፍቶ የሌላ ሆኖ ነበር አሁን ግን የእኔ ነው ብሎ ልጁ የእሱ ገንዘብ መሆኑን ሲያረጋግጥ ነበር ። ባልም ለሚስቱ ሚስትም ለባሏ ቀለበት ማሰራቸው በውስጡ "የእኔ ገንዘብ ናት(ነው)" የሚል ምስጢር በውስጡ ያዘለ ነው ። ቃልኪዳን ከሁለትነት ወደ አንድነት የሚሸጋገሩበት የሕይወት ክፍል ነው ። በቀጣይ እጮኝነትን እናያለን ይቆየን