31/03/2026
💥ለረዳት ዳኞች የባንዲራ አጠቃቀም (Flag technique) (ክፍል ሁለት)
❹ በፍ/ቅ/ምት ክልል ውስጥ የተሰራ ጥፋትን ለማመልከት
ጥፋቱ የተሰራው በፍ/ቅ/ምት ክልል ውስጥ በተከላካይ ቡድን ከሆነ በተለይ ደግሞ ከዳኛው እይታ ውጭ ከሆነ ባንዲራን በማንሳት ከዳኛው ጋር የአይን ለአይን ግንኙነት በማድረግ ወደ ውስጥ [ወደ ግብ መስመርና ፍ/ቅ/ምት ክልል መገናኛ] መሮጥ ያስፈልጋል።
❺ ከፍ/ቅ/ምት ክልል ውጭ የተሰራ ጥፋትን ለማመልከት
ጥፋቱ የተሰራው ከፍ/ቅ/ምት ክልል ውጭ በተከላካይ ቡድን ከሆነ በተለይ ደግሞ ከዳኛው እይታ ውጭ ከሆነ ባንዲራን በማንሳት ከዳኛው ጋር የአይን ለአይን ግንኙነት በማድረግ አንድ እርምጃ ወደ ግራ [ወደ Halfway line] በመንቀሳቀስ ማመልከት ያስፈልጋል።
በተለይ ጥፋቱ የተፈፀመው በመልሶ ማጥቃት [Counter attack] ከሆነ የጥፋቱን መጠንና በዲሲፕሊን ምን ሊያስቀጣ እንደሚችል ጭምር ለዳኛው መረጃውን በትክክል መስጠት ይጠበቅበታል።
❻ ግብ ነው/አይደለም
ግቡ የተቆጠረው በግልፅ ከሆነ ረዳት ዳኛው ከዳኛው ጋር የአይን ለአይን ግንኙነት ማድረግ ብቻ በቂ ስለሆነ ምንም አይነት ተጨማሪ ምልክት ማሳየት አያስፈልግም።
ግቡ የተቆጠረበት መንገድ ግልፅ ካልሆነ ረዳት ዳኛው ባንዲራውን በማንሳት የዳኛውን ትኩረት በመሳብ የአይን ለአይን ግንኙነት ከፈጠረ በኋላ ግቡን ማፅደቅ አለበት።
❼ ከጨዋታ ውጭ (Offside)
ረዳት ዳኛው ከጨዋታ ውጭ አቋቋም ላይ የተገኘ ተጨዋች የሚቀጣ ሲሆን ባንዲራውን ማንሳት አለበት፣ ዳኛው ከምልክቱ በኋላ ጨዋታውን ሲያቆም የሚቀጣበት ቦታ የት [ሩቅ፣ መሀል ወይም ቅርብ] መሆኑን ያመለክታል።
❽ ፍፁም ቅጣት ምት (Penalty kick)
በፍፁም ቅጣት ምት ጊዜ ግብ ጠባቂው በህግ 14 የተቀመጡትን ህጎች ጥሶ ከተገኘ ረዳት ዳኛው ባንዲራውን ማንሳት አለበት። በቅድመ ስበሰባ (Pre match meeting) በተነጋገሩት ምልክት መሰረት የጥፋቱን ሁኔታ ለዳኛው ያሳውቃል።
❾ የተጨዋች ቅያሪ (Substitution)
የተጨዋች ቅያሪ መኖሩን ከ4ኛ ዳኛው ወይም ከሌሎች የጨዋታ አመራሮች እንደተነገረው ኳስ ከጨዋታ ውጭ ስትሆን የተፈቀደለትን የተጨዋች ቅያሪ ምልክት ማሳየት አለበት።
➓ የመልስ ውርወራ (Throw-in)
ኳስ ሙሉ በሙሉ የጎን መስመሩን ለቃ ስትወጣ
👉ለረዳት ዳኛው ቅርብ በሆነው የሜዳ ክፍል በኩል ከወጣች ለየትኛው ቡድን እንደሚሰጥ ማመልከት
👉ለረዳት ዳኛው ሩቅ በሆነው የሜዳ ክፍል በኩል በግልፅ ከወጣች በቀጥታ ማመልከት ነገር ግን ጥርጣሬ ካለ ከዳኛው ጋር የአይን ለአይን ግንኙነት በመፍጠር ዳኛውን መከተል
👉በመጨረሻም
ረዳት ዳኞች በህግ የተቀመጠ ግልፅ የሆነ የእጅ ምልክት ስለሌላቸው የእጅ ምልክት መጠቀም የለባቸውም። ነገር ግን በቅድመ ጨዋታ ስብሰባ ከዳኛው ጋር የተግባቡበት ልዩ ምልክት ካለ በተግባቦታቸው ልክ ዳኛውን ሊረዱት ይችላሉ።
