31/07/2026
የጋሞ ጨንቻ እግር ኳስ ክለብ ለአዲሱ የውድድር ዘመን አዳዲስ ተጫዋቾችን አስፈረመ
የጋሞ ጨንቻ እግር ኳስ ክለብ በመጪው የ2019 የውድድር ዘመን ጠንካራና ተፎካካሪ ስብስብ በመገንባት ከፍተኛ ውጤት ለማስመዝገብ አዳዲስ ተጫዋቾችን አስፈርሟል።
ክለቡ ላለፉት ቀናት ሲያካሂድ የነበረውን የቅጥርና የዝግጅት ሂደት ተከትሎ፣ የቡድኑን የማሸነፍ መንፈስና አጠቃላይ አቅም የሚያጎለብቱ ተጫዋቾች ወደ ስብስቡ ተቀላቅሏል።
የክለቡ አመራሮች እንደገለጹት፤ የዘንድሮው የዝውውር እንቅስቃሴ የቡድኑን ጥንካሬና ድክመት በጥናት በመለየት እንዲሁም በቴክኒክ አሰልጣኞች ምክረ-ሀሳብ ላይ ተመስርቶ የተከናወነ ነው ብለዋል።
የዝውውሩ ዋና ዓላማም በመጪው የውድድር ዘመን በሊጉ መደበኛ ተሳታፊ ከመሆን አልፎ እስከ መጨረሻው ሰዓት ድረስ ለከፍተኛ ደረጃዎችና ለዋንጫ በቁርጠኝነት የሚፎካከር ቡድን መገንባት እንደሆነ አስረድተዋል።
አዳዲሶቹ ተጫዋቾች ከነባሮቹ ጋር በፍጥነት በመቀናጀት ለቡድኑ አዲስ ጉልበትና ፍጥነት እንደሚጨምሩ የታመነበት ሲሆን፣ ይህ አደረጃጀት በስፖርት ቤተሰቡና በደጋፊዎች ዘንድ ትልቅ ተስፋን የፈጠረ መሆኑንም ተመላክቷል።
በተጨማሪም ክለቡ ለተጫዋቾች አስፈላጊውን የስነ-ልቦና፣ የቴክኒክና የቁሳቁስ ድጋፍ በማሟላት ሙሉ አቅሙን አውጥቶ ለመፋለምና የደጋፊዎቹን ፍላጎት የሚያረካ ውጤት ለማስመዝገብ ዝግጁነቱን አረጋግጧል።
