05/06/2026
ሕጊ ፈዴሬሽን ኩዕሶ እግሪ ይከበር !
ብፌዴሬሽን ኩዕሶ እግሪ ትግራይ ዝወፀ ደምቢ ኣብ ፕሪሜር ሊግ ፣ ላዕለዋይ ሊግን ታሕተዋይ ሊግን ዝተመዝገበ ኣይሳተፍን ንዝብል፤ ሕጊ ወፅዩሉ ሰለ ዘሎ በቲ ዝወፀ ሕጊ ክንመሓደር ይግበአና ክብሉ ኣባላት ቦርድ ወልዋሎ ዩኒቨርስቲ ዓዲግራት ገሊፆም።
ኣባል ቦርድ ወልዋሎ ዩኒቨርስቲ ዓዲግራት ኣይተ ማሩ ገ/ፃዲቅ ከም ዝበልዎ ጋንታ ወልዋሎ ዩኒቨርስቲ ዓዲግራት ዝሐሸ ውፂኢት እናመዝገበ ዝርከብ ጋንታ ከም ዝኾነን ንፈለማ ጊዜ ናብ ኮንፌዴሬሽን ኣፍሪካ ንምሕላፍ ናብ ፍፃመ ከም ዝበፅሐን ድሕሪ ምግላፆም፤ ኣብ CBE ፕሪሜር ሊግ ውድድር ዝሐሸ ናይ ምፅናሕ ዕድል ከም ዝረኸበን ሓቢሮም።
ከም ኣገላልፃ መ/ር ማሩ ናይ ሎሚ ዘመን ኣመላምላ ተፃወትቲ ኣብ መጀመሪያ ዓንቀፍቀፍ ዋላ እኳ እንተነበሮ ዳሓር ግና እናተማሓየሸ መፂኡ ኣብ ፅቡቅ ደረጃ ከም ዘለው ገሊፆም።
እታ ክለብ ኣብ ዓብዪ ናይ በጀት ሕፅረት ኣትያ ከምዘላ ዝተዛረቡ መ/ም ማሩ ብኩለመዳይ ምንቅስቃስ እንትትዕቀን ወልዋሎ ዩኒቨርስቲ ዓዲግራት ኣብ ፅቡቅ ደረጃ ስለ ዘላ ኣብ ፕሪሜር ሊግ ከም እትተርፍ ምንም ጥርጥር የብልናን ክብሉ ኣረጋጊፆም።
ብተመሳሳሊ ከም ክልልና ኣብ ውሽጢ ትግራይ ተተካእቲ ጋንታታት "ቢ" ውድድር ምህላው ዝናኣድ ኮይኑ፣ ጋንታ ወልዋሎ" ቢ"እውን ፅቡቅ ምንቅስቃስ እናኻየዱ መፂኦም እዮም ክብሉ ወሲኾም ኣገንዚቦም።
እዚ ከምዚ ኢሉ እናሃለወ ብፌዴሬሽን ኩዕሶ እግሪ ትግራይ ዝወፀ ደምቢ ኣብ ፕሪሜር ሊግ ፣ ላዕለዋይ ሊግን ታሕተዋይ ሊግን ዝተመዝገበ ኣይሳተፍን ዝብል ደምቢ ኣውፂኦም ማህተም ጌሮም ሂቦሙና እዮም ዝበሉ መ/ር ማሩ እንድሕር ኣብ ደምቢ ተጠቒሱ ድማ ግድን ሕግ እዩ፣ተመሊስኻ ብመሰረት ፌዴሬሽን ኩዕሶ እግሪ ኢትዮጵያ ዘመሓድረና ካሊእ ስለዝኾነ ዝበሃል ሓሳብ ጌጋ ከም ዝኾነን ስርዓት ዘይብሉን ዘይሕጋውን እዩ ክብሉ ኣረዲኦም።
ኣብ መወዳእታ መ/ር ማሩ እቲ ክለብ ወልዋሎ "ቢ" በቲ መተሓዳደሪ ደምቢ ሒዙ ሕጋዊ ክሲ ከሲሱ ስለ ዘሎ ከም ቦርድ ቅልጡፍ መልሲ ብፅሑፍ ክዋቦም ቅዋሞም ገሊፆም።
28 ግንቦት 2018 ዓ/ም
Adigrat communication office
