Zemen sport

Zemen sport Sport/ስፖርት :- የሁሉም አይነት የሀገር ውስጥና የውጪ ስፖርት ዘገባዎች፣ ጣፋጭና አስደናቂ የስፖርት ታሪኮች መናኻሪያ! https://www.facebook.com/profile.php?id=100068953226327
https://t.me/zemensport

ሄይቲ "ማለያሽን ቀይሪ" ተባለች!😱 ከ52 ዓመታት በኋላ ወደ ዓለም ዋንጫ የተመለሰችው ሄይቲ ከ1974 በኋላ ለመጀመሪያ ጊዜ በምትሳተፍበት ትልቁ የእግር ኳስ መድረክ የመጀመሪያ የብሔራዊ ቡድ...
10/06/2026

ሄይቲ "ማለያሽን ቀይሪ" ተባለች!

😱 ከ52 ዓመታት በኋላ ወደ ዓለም ዋንጫ የተመለሰችው ሄይቲ ከ1974 በኋላ ለመጀመሪያ ጊዜ በምትሳተፍበት ትልቁ የእግር ኳስ መድረክ የመጀመሪያ የብሔራዊ ቡድኗን ማለያ ቀይሪ ተብላለች!

ዠ ግሎቦ (Ge Globo) እንደዘገበው፣ ፊፋ የሄይቲ ብሔራዊ ቡድን ማሊያ የፖለቲካ መልዕክት የያዘ ነው በሚል እንዲቀየር ጠይቋል። በሄይቲ ብሔራዊ ቡድን ማሊያ ላይ የሀገሪቱ የነፃነት ጉዞ ወሳኝ ምዕራፍ ተደርጎ የሚወሰደውና ከፈረንሳይ ጋር የተደረገውን ታሪካዊ ጦርነት የሚያሳየው 'የቨርቲየሬስ' ጦርነት (Battle of Vertières) ስዕላዊ መግለጫ ሰፍሮ ይገኛል።

በመጀመሪያ ላይ አንዳንድ ወገኖች በማሊያው ላይ ያለው ንድፍ የፖላንድን ባንዲራ የሚያሳይ መስሏቸው የነበረ ሲሆን፣ ይህም ፖላንድ ሄይቲ ለነፃነቷ ባደረገችው ትግል ወቅት ላበረከተችው ድጋፍ የተሰጠ ክብር እንደሆነ አስበው ነበር። ነገር ግን ማሊያው ላይ ያለው ምስል በትክክል የሚያመለክተው የሄይቲን የመጀመሪያዋን ብሔራዊ ባንዲራ ነው።

ፊፋ አሁን ባለው መመሪያ መሰረት የዓለም ዋንጫው ከመጀመሩ በፊት ማሊያው በአስቸኳይ እንዲቀየር አዟል።

🔴⚪ በ2022 የኳታሩ የዓለም ዋንጫ ዋዜማ የአውሮፓ እግር ኳስ ማህበረሰብ ሰብአዊ መብትን የጋራ መፈክሩ አድርጎት ነበር። የኖርዌይ የአድማ ዛቻ፣ የዴንማርክ የተቃውሞ ማሊያ፣ እና በተለይም የ...
10/06/2026

🔴⚪ በ2022 የኳታሩ የዓለም ዋንጫ ዋዜማ የአውሮፓ እግር ኳስ ማህበረሰብ ሰብአዊ መብትን የጋራ መፈክሩ አድርጎት ነበር። የኖርዌይ የአድማ ዛቻ፣ የዴንማርክ የተቃውሞ ማሊያ፣ እና በተለይም የጀርመን ብሔራዊ ቡድን ተጫዋቾች “OneLove” የተሰኘውን ክንድ ላይ የሚታሰር ጨርቅ እንዳያደርጉ በፊፋ በመከልከላቸው ምክንያት አፋቸውን ይዘው የተነሱት ታሪካዊ ፎቶግራፍ የስፖርቱ ዓለም አዲስ ‘ህሊና’ ማገኘቱን የሚያበስሩ ይመስሉ ነበር። በወቅቱ የምዕራባውያን ሚዲያ አሞገሳቸው፣ ደጋፊውም በደስታ አጨበጨበላቸው።

ነገር ግን ከአራት ዓመታት በኋላ፣ የ2026ቱ የዓለም ዋንጫ በሰሜን አሜሪካ ምድር ሊጀመር ጥቂት ቀናት ሲቀሩት ጀምሮ፣ መጋረጃው ተገልጦ ሌላ አስደንጋጭ እውነታ መታየት ጀመረ። የኢራቅ ብሔራዊ ቡድን አምበል አሜሪካ እንደደረሰ በአውሮፕላን ማረፊያ ለሰባት ሰዓታት ተመረመረ፣ ተበረበረ!፣ የሴኔጋል እና የኢራን ቡድኖች እንደ ወንጀለኛና ተጠርጣሪ መታየታቸው፣ እንዲሁም ህጋዊ ቪዛ ያላቸው የኢራን የልዑክ አባላት መከልከላቸው የስፖርቱን ዓለም አስደይግጧል። ከሁሉ በላይ ግን ልብ የሚሰብረው፣ በ2025 የአፍሪካ ምርጥ ዳኛ ተብሎ የተመረጠው ሶማሊያዊው ኦማር አርታን በሚያሚ አውሮፕላን ማረፊያ የገጠመው እንግልት ነው። ሙሉ የፊፋ ሰነድ እና ህጋዊ ቪዛ ይዞ የዓለም ዋንጫ ጨዋታዎችን ለመዳኘት ከቱርክ ወደ አሜሪካ ያቀናው አርታን፣ የ11 ሰዓታት አሳፋሪ ምርመራ ከተደረገበት በኋላ ወደ መጣበት እንዲመለስ ተደርጓል።

ይህ ክስተት አንድ ትልቅ ጥያቄ ያስነሳል፣ በ2022 የነበረው ያ ሁሉ ‘ሰብአዊ መብት ተሟጋችነት’ አሁን የት ገባ? ጀርመኖች አፋቸውን የያዙት ለፍትህ ነበር ወይስ..? ሰብአዊ መብት የሚሰራውስ እንደየሀገሩ የፖለቲካ ክብደትና ጥቅም እየተመረጠ ነው?

ዓለም አቀፉ የእግር ኳስ ማኅበር (ፊፋ) በዓለም ላይ ካሉ ግዙፍና ባለጸጋ ተቋማት አንዱ ቢሆንም፣ ከሉዓላዊ ሀገራት የደህንነት እና የኢሚግሬሽን ፖሊሲ በላይ መቆም እንደማይችል የ2026ቱ የዓለም ዋንጫ በግልጽ አሳይቷል። ፊፋ ውድድሩን ለሰሜን አሜሪካ ሀገራት አሳልፎ ሲሰጥ፣ ተሳታፊዎችና ደጋፊዎች ያለ ምንም እንግልት የሚገቡበትን ዋስትና ሙሉ በሙሉ ማስከበር አለመቻሉ ተቋማዊ ‘አቅም ማጣቱን’ ያሳያል። አስተናጋጇ ሀገር የራሷን የጂኦ-ፖለቲካዊ ጠላትነትና የደህንነት ስጋት ወደ ስፖርቱ መድረክ ይዛ ስትመጣ፣ ፊፋ በዕድገትና በኃያልነት ደረጃ ወደር ከማይገኝላት አሜሪካ ፊት ‘ጥርስ የሌለው አንበሳ’ ሆኖ አርፎታል!😱

🇸🇴 ሶማሊያዊው ዳኛ ዑመር አርታን ከዓለም ዋንጫው አስቀድሞ ወደ አሜሪካ እንዳይገባ ከተከለከለ በኋላ ወደ ሀገሩ ሲመለስ በሞቃዲሾ የጀግና አቀባበል ተደርጎለታል።አርታን ፊፋ የዓለም ዋንጫን በ...
10/06/2026

🇸🇴 ሶማሊያዊው ዳኛ ዑመር አርታን ከዓለም ዋንጫው አስቀድሞ ወደ አሜሪካ እንዳይገባ ከተከለከለ በኋላ ወደ ሀገሩ ሲመለስ በሞቃዲሾ የጀግና አቀባበል ተደርጎለታል።

አርታን ፊፋ የዓለም ዋንጫን በዋና ዳኝነት እንዲመሩ ከተመረጡ ሰባት አፍሪካውያን አንዱ ቢሆንም የአሜሪካን የቪዛ ክልከላ ተከትሎ፣ በዓለም ዋንጫ ታሪክ ላይ በመሀል ዳኝነት የሚያገለግል የመጀመሪያው ሶማሊያዊ የመሆን ዕድሉ ከሽፏል።

ዳኛው ከኢስታንቡል ተነስቶ ማያሚ አውሮፕላን ማረፊያ እንደደረሰ ወደ ሀገሪቱ እንዳይገባ የተከለከለ ሲሆን፣ ፊፋም በኋላ ላይ ዳኛው በውድድሩ ላይ ልምምድ ማድረግም ሆነ ጨዋታዎችን መምራት እንደማይችል አረጋግጧል።

አርታን በአሜሪካ ድንበር ጠባቂ ባለሥልጣናት ለ11 ሰዓታት ያህል ጥያቄና ምርመራ እንደተደረገበት ገልጾ፣ ለባለሥልጣናቱ የፊፋ ሰነዶችንና ከዳኝነት ዘመኑ የተወሰዱ ፎቶግራፎችን ጭምር አሳይቶ እንደነበር ተናግሯል:-

🗣️ “ትክክለኛ ሰነዶችና ሁሉም ነገር ነበረኝ። ህጋዊ ቪዛም ነበረኝ። እኔ እንደማስበው እነሱ ከእኔ ሀገር (ከሶማሊያ) ጋር ችግር ያለባቸው ይመስለኛል።”

በትውልድ ሀገሩ ሶማሊያ፣ ደጋፊዎቹ አርታንን በአውሮፕላን ማረፊያ ባንዲራዎችን በመያዝ በደመቀ ሁኔታ ተቀብለውታል።

🗣️ “የሆነው ሆኗል፤ ነገሩ በጣም አሳዛኝ ነበር። ፈጣሪ ከፈቀደ በሚቀጥለው ላይ እሳተፋለሁ።”

🗣️ “ነገሮች ጥሩም ሆኑ መጥፎ ሶማሊያ የኛ ናት። ወጣቶቻችን በሀገራቸው ላይ ተስፋ እንዳይቆርጡ መልዕክት ማስተላለፍ እፈልጋለሁ። አሁን በሀገሬ ነው ያለሁት፣ ከዚህ ውጭ መሆን የምፈልገው ሌላ ምንም ቦታ የለም።”💪

ከባዱ ጥያቄና የፌኖሜኖ ብልህ ምላሽ!🤔 “ፌኖሜኖ” በሚል ቅጽል ስም የሚታወቀው ብራዚላዊው ታሪካዊ ኮከብ ሮናልዶ ናዛሪዮ በአንድ ወቅት አንድ ከባድ ጥያቄ ተሰነዘረለት፦ “ለመሆኑ ማን ይበልጣል...
10/06/2026

ከባዱ ጥያቄና የፌኖሜኖ ብልህ ምላሽ!

🤔 “ፌኖሜኖ” በሚል ቅጽል ስም የሚታወቀው ብራዚላዊው ታሪካዊ ኮከብ ሮናልዶ ናዛሪዮ በአንድ ወቅት አንድ ከባድ ጥያቄ ተሰነዘረለት፦ “ለመሆኑ ማን ይበልጣል? አንተ ወይስ ክሪስቲያኖ ሮናልዶ?” ሮናልዶም በትሕትና፣ በብስለትና በጥልቅ እግር ኳሳዊ እውቀት የታጀበውን ወርቃማ ምላሹን እንዲህ ሲል ሰጠ፦

🗣️ “ስም ስለምንጋራ ብቻ ሰዎች እኛን ማወዳደራቸው የተለመደ ነው። ነገር ግን እውነታው ሌላ ነው፤ የእግር ኳስ ሕይወታችንና የተጓዝንበት መንገድ ፍጹም የተለያየ ነው።

እኔ የዓለም ዋንጫን ማሸነፍ ችያለሁ፤ ይህ ደግሞ በሕይወቴ የምኮራበት ትልቅ ስኬቴ ነው። ይሁን እንጂ የአንድ እግር ኳስ ተጫዋች ታላቅነት የሚለካው በአንድ ነጠላ ዋንጫ ብቻ አይደለም፤ ይልቁንም በስፖርቱ ላይ ጥሎት በሚያልፈው ታሪካዊ አሻራ እንጂ።

ክሪስቲያኖ እግር ኳስን ሲጀምር፣ ፖርቱጋል እንደ ብራዚል፣ አርጀንቲና፣ ጀርመን፣ ፈረንሳይ ወይም ስፔን የእግር ኳስ ኃያላን ሀገራት ተርታ የምትመደብ አልነበረችም። እነዚያ ሀገራት ረጅም የድል ታሪክ፣ በርካታ ታላላቅ ዋንጫዎችና በየዘመናቱ የተፈራረቁ ዓለም አቀፍ ኮከቦች ነበሯቸው። ክሪስቲያኖ ግን ያንን አመለካከት ሙሉ በሙሉ ቀየረው። እርሱ የፖርቱጋል እግር ኳስ ምልክት መሆን ቻለ፤ ሀገሩ በታሪኳ አግኝታቸው የማታውቃቸውንና ብዙዎች ፈጽሞ ታሸንፋቸዋለች ብለው ያላመኑባቸውን ታሪካዊ ዋንጫዎች እንድትጨብጥም መርቷል። ከዚያም ባለፈ የአዲሱን ትውልድ የፖርቱጋል ተጫዋቾች ትልልቅ ሕልሞችን እንዲያልሙና በከፍተኛው መድረክ ላይ እንዲፎካከሩ ትልቅ መነሳሳትን ፈጠረ።

ስለ እኔ ከተነገረ... በብቃቴ ማማ ላይ በነበርኩበት ወቅት፣ በእግር ኳስ ታሪክ ውስጥ እጅግ በጣም ጥቂት ተጫዋቾች ብቻ የታደሏቸውን ብርቅዬ ክህሎቶች አሳይ እንደነበር አምናለሁ። ነገር ግን የክሪስቲያኖ ሁልጊዜም ወጥ ብቃት፣ ታላቅ ዲሲፕሊን፣ የማይበገር ስነ-ልቦና እና ከሁለት አስርት ዓመታት በላይ በትልቅ ደሰጃ እየተጫወተ የመቆየት አስደናቂ ችሎታው... በእውነት ከሰው በላይ የሆነ ተአምር ነው።

በመጨረሻም፣ ሁለታችንም የየራሳችን የሕይወት ጉዞና ስኬቶች ነበሩን፤ ነገር ግን ክሪስቲያኖ በረጅሙ የእግር ኳስ ዘመኑ ያሳካቸው ድሎች በሙሉ እጅግ ግዙፍ የሆነ ክብርና አድናቆት የሚገባቸው ናቸው።”

🇸🇴ኦማር አርታን:-ሶማሊያዊው የ2025 የአፍሪካ ምርጥ ዳኛ በሚያሚ አውሮፕላን እንደደረሰ 11 ሰዐታት የፈጀ አሳፋሪ ቃል መጠየቅ ተደርጎለት ወደመጣበት ቱርክ እንዲመለስ ተደርጓል።🗣 " እኔ ...
09/06/2026

🇸🇴ኦማር አርታን:-

ሶማሊያዊው የ2025 የአፍሪካ ምርጥ ዳኛ በሚያሚ አውሮፕላን እንደደረሰ 11 ሰዐታት የፈጀ አሳፋሪ ቃል መጠየቅ ተደርጎለት ወደመጣበት ቱርክ እንዲመለስ ተደርጓል።

🗣 " እኔ ዳኛ ነኝ በዓለም ትልቁ የዓለም ዋንጫ ጨዋታ ለመዳኘት የተመረጥኩ ሰው ነኝ ። በጣም ቅር ብሎኛል ። በጣም ተክፍቻለሁ ። ከሀገሬ ጋር ምን ችግር እንዳለባቸው ሊገባኝ እልቻለም ። ቪዛና ሁሉንም ህጋዊ ዶክመንቶች እያሳየኋቸው ወደ አሜሪካ አትገባም አሉኝ ። ከቪዛ ባለፈ የፊፋ ሙሉ ዶክመንት እያሳየኋቸው ከለከሉኝ ። ያሳፍራል ከአሜሪካ የማይጠበቅ ተግባር ሆኖ አግኝቼዋለሁ ። "

የኮሎምቢያ እግር ኳስ "ሕያው ነፍስ!"🇨🇴🇨🇴 ካርሎስ ቫልደራማ ሲባል መቼም ወደ አዕምሯችን ቀድሞ የሚመጣው ያ ዝነኛውና እንደ አንበሳ ጎፈር የበተነው የወርቅማ ቀለም አፍሮ ፀጉሩ ነው። ነገር...
09/06/2026

የኮሎምቢያ እግር ኳስ "ሕያው ነፍስ!"

🇨🇴🇨🇴 ካርሎስ ቫልደራማ ሲባል መቼም ወደ አዕምሯችን ቀድሞ የሚመጣው ያ ዝነኛውና እንደ አንበሳ ጎፈር የበተነው የወርቅማ ቀለም አፍሮ ፀጉሩ ነው። ነገር ግን እርሱ ለኮሎምቢያውያን የፀጉር ስታይል ብቻ አልነበረም፤ እርሱ የኮሎምቢያ እግር ኳስ ሕያው ነፍስ እንጂ!

ሌሎች ተጫዋቾች ሜዳው ላይ ያለምክንያት ሲራወጡ፣ ቫልደራማ ግን ቆም ብሎ ያስብ ነበር። ጨዋታው በፈጠነና ትርምስ በበዛበት ወቅት፣ እርሱ ኳሷን ረገጥ አድርጎ ምትሃቱን ይጀምራል፤ የጨዋታውን ፍጥነትና ቅኝት በራሱ ፍላጎት እያዘዘ፣ እግር ኳስን ልክ እንደ መድረክ ላይ ግጥም ውብ አድርጎ ያሳየን ነበር።

በ1990ዱ የጣሊያን ዓለም ዋንጫ፣ እንዲሁም በዩኤስኤ 94 “ኤል ፒቤ” (ብላቴናው) የተሰኘው ቫልደራማ ለዓለም የተለየ የእግር ኳሳስ ጥበብን አስተማረ። እሱ ጋር ሜዳ ላይ ያለምክንያት መሮጥ የለም፤ መቅበዝበዝና መታገል የለም፤ የሚስተዋልበት አርቆ አሳቢነት፣ ብልህነትና ጥበብ ብቻ ነበር!

እርሱ ኳስንም ሆነ ጨዋታውን አያሳድድም ነበር፤ ይልቁንም ጨዋታው በእርሱ ፍላጎት እንዲመራ ያዝዝ ነበር!
ፈጣን ሩጫና አካላዊ ብቃት ብቻ ሁሉ ነገር በሆነበት በዛሬው ዘመናዊ እግር ኳስ ውስጥ፣ ቫልደራማ ሁልጊዜም የማይሻር አንድ ትልቅ እውነት እንድናስታውስ ያደርገናል፦ እጅግ ማራኪው እግር ኳስ መጀመሪያ በጭንቅላት፣ ከዚያም በእግር የሚጫወቱት መሆኑን!

ግን እንደዚህ አይነትን እጅግ ከባድ ጥበብ፣ ሜዳ ላይ ፍጹም ቀላልና ምቹ አድርጎ ማሳየት የሚችል እንደ እርሱ ያለ ማን አለ?

ቫልደራማን በታሪክ ውስጥ ካዩዋቸው እጅግ አስተዋይና ብልህ የአማካይ ክፍል ጠቢባን አንዱ አድርገው የሚቆጥሩት ከሆነ፣ ይህንን ትውስታ ይጋሩት!

በጉዳት የተቀጨው የቲምበር የዓለም ዋንጫ ተስፋ!💔 የአርሰናሉ ተከላካይ ዩሪየን ቲምበር በደረሰበት የብሽሽት ጉዳት ምክንያት ከሆላንድ ብሔራዊ ቡድን የዓለም ዋንጫ ስብስብ ውጭ መሆኑ ተረጋገጠ።...
09/06/2026

በጉዳት የተቀጨው የቲምበር የዓለም ዋንጫ ተስፋ!

💔 የአርሰናሉ ተከላካይ ዩሪየን ቲምበር በደረሰበት የብሽሽት ጉዳት ምክንያት ከሆላንድ ብሔራዊ ቡድን የዓለም ዋንጫ ስብስብ ውጭ መሆኑ ተረጋገጠ። ተጫዋቹ በደረሰበት በዚህ ጉዳት ምክንያት በሉትሻሬል ጊርትሩይዳ እንዲተካ ተደርጓል።

ቲምበር ከመጋቢት አጋማሽ ጀምሮ በብሽሽት ጉዳት ምክንያት ከሜዳ ርቆ የቆየ ቢሆንም፤ ግንቦት 30 በቡዳፔስት በተካሄደው የአውሮፓ ሻምፒዮንስ ሊግ የፍጻሜ ጨዋታ ላይ በሁለተኛው አጋማሽ ተሰልፎ ነበር። የ24 ዓመቱ ተከላካይ በዚያ ጨዋታ 66ኛው ደቂቃ ላይ ተቀይሮ ወደ ሜዳ መግባቱ የሚታወስ ሲሆን፣ ይህም መጋቢት 14 ኤቨርተንን 2 ለ 0 ካሸነፉበት ጨዋታ በኋላ ለመጀመሪያ ጊዜ ለቡድኑ የታየበት አጋጣሚ ነበር።

የመድፈኞቹ አሰልጣኝ ሚኬል አርቴታ ከፓሪስ ሴንት ዠርማ ጋር ከነበረው የፍጻሜ ጨዋታ በፊት ቲምበር ለመጫወት "ብቁ" መሆኑን ገልጾ ነበር። የሆላንድ እግር ኳስ ማህበር (KNVB) ሰኞ ዕለት ባወጣው መግለጫ፤ ቲምበር በውድድሩ ላይ "በሕክምና ረገድ ኃላፊነት በተሞላበት መንገድ" ለመሳተፍ የሚያስችል "በቂ ማገገም አላደረገም" ብሏል።

ማህበሩ አክሎም "ከሕክምና ባለሙያዎች ጋር በመመካከር ቲምበር ከኡዝቤኪስታን ጋር ከሚደረገው የወዳጅነት ጨዋታ በኋላ በኒውዮርክ የሚገኘውን የብሔራዊ ቡድን የቅድመ-ዝግጅት ካምፕ ለቆ እንዲወጣ ተወስኗል" ሲል አስታውቋል።

ቲምበር ለሆላንድ ብሔራዊ ቡድን 23 ጊዜ የተሰለፈ ሲሆን የመጀመሪያ ዓለም አቀፍ ጨዋታውን ያደረገው እ.ኤ.አ. በሰኔ 2021 ነበር። የኦሬንጆቹ አሰልጣኝ ሮናልድ ኩማን በቲምበር ምትክ ባለፈው የውድድር ዘመን ከአርቢ ላይፕዚግ በውሰት በሰንደርላንድ የቆየውን የ25 ዓመቱን ሉትሻሬል ጊርትሩይዳን ጠርተዋል።

ሆላንድ በምድብ 7 የመክፈቻ ጨዋታዋን ሰኔ 14 ከጃፓን ጋር የምታደርግ ሲሆን፣ በመቀጠልም ከስዊድን እና ቱኒዚያ ጋር የምትጫወት ይሆናል።

ምባፔ 🗣 “ያ የፍፃሜ ጨዋታ የሜሲ የመጀመሪያው የዓለም ዋንጫ ድል ወይም ደግሞ የፈረንሳይ ተከታታይ ድል የሚመዘገብበት ነው፤ ምንም ቢሆን ጨዋታው ታሪካዊ ነበር። ጨዋታውን ደግሜ አይቼዋለሁ? ...
09/06/2026

ምባፔ 🗣 “ያ የፍፃሜ ጨዋታ የሜሲ የመጀመሪያው የዓለም ዋንጫ ድል ወይም ደግሞ የፈረንሳይ ተከታታይ ድል የሚመዘገብበት ነው፤ ምንም ቢሆን ጨዋታው ታሪካዊ ነበር። ጨዋታውን ደግሜ አይቼዋለሁ? በፍጹም!”

ይህ ንግግር በ2022 የኳታሩ ዓለም ዋንጫ ፍጻሜ ላይ የተፈጠረውን እጅግ አስደናቂ እና አስጨናቂ ፉክክር፣ እንዲሁም የሉሳይል ስታዲየም ትዝታ እስከ አሁን ድረስ ለምባፔ ምን ያህል ከባድ እንደሆነ የሚያሳይ ነው።

“ከሀገሬ በፊት ፍቅሬ!” 🤔 በእግር ኳሱ ዓለም ሁልጊዜም መነጋገሪያ የሆነችው አርጀንቲናዊቷ ሞዴል ጆርጂና ሮድሪጌዝ፣ በዘንድሮው ዓለም ዋንጫ የትኛውን ሀገር እንደምትደግፍ ለቀረበላት ጥያቄ ...
08/06/2026

“ከሀገሬ በፊት ፍቅሬ!”

🤔 በእግር ኳሱ ዓለም ሁልጊዜም መነጋገሪያ የሆነችው አርጀንቲናዊቷ ሞዴል ጆርጂና ሮድሪጌዝ፣ በዘንድሮው ዓለም ዋንጫ የትኛውን ሀገር እንደምትደግፍ ለቀረበላት ጥያቄ ያልተጠበቀ እና ቁርጠኛ ምላሽ ሰጥታለች። በትውልድ ሀገሯ አርጀንቲና እና በባለቤቷ በክርስቲያኖ ሮናልዶዋ ሀገር ፖርቹጋል መካከል ለተነሳላት የደጋፊነት ጥያቄ የሰጠችው ያልተጠበቀ ምላሽ ፡-

🗣 “በየሄድኩበት ሁሉ ሰዎች ‘ጆርጂና፣ የተወለድሽው አርጀንቲና ነው፤ ታዲያ ዋንጫውን ቢወስዱ ታከብሪያለሽ?’ እያሉ ይጠይቁኛል። በእርግጥ የትውልድ መሰረቴን እወደዋለሁ፣ ለመጣሁበት ቦታም ሁልጊዜም ትልቅ ክብር አለኝ። ነገር ግን እውነታውን እንነጋገር ከተባለ፣ እኔን በቅርብ የሚያውቀኝ ሰው ሁሉ ለክርስቲያኖ ያለኝን ጥልቅ ፍቅርና ድጋፍ ይረዳል። በዚህ ምድር ላይ ከማንኛውም ነገር በላይ ሁልጊዜም ለኔ ቅድሚያ የሚሰጠው የሕይወት አጋሬ (ባለቤቴ) ነው!”

ጆርጂና ለሮናልዶ ያላትን ፍጹም ታማኝነት ስትቀጥልም፡-

🗣 “እኔ መቶ በመቶ የፖርቹጋል ቡድን ደጋፊ ነኝ! ለዚህ ወሳኝ ምዕራፍ ለመድረስ ምን ያህል በትጋት እንደለፋ በቅርብ አይቻለሁ፤ ስለዚህ አሁን ላይ የእኔ ብቸኛ ትኩረት ከጎኑ መቆም ብቻ ነው። በእርግጠኝነት በስታዲየም ተገኝቼ የፖርቹጋልን ሰንደቅ ዓላማ እያውለበለብኩ፣ ይህንን የዓለም እውነተኛ ምርጥ ተጫዋች እስከ መጨረሻው እደግፈዋለሁ። ለእኔ ሁልጊዜም ቢሆን ከዜግነት በላይ ቤተሰቤ ይቀድማል!”

ይህ የጆርጂና ንግግር በስፖርቱ ዓለም ትልቅ መነጋገሪያ መሆኑ አልቀረም። በትውልድ ሀገሯ አርጀንቲና እና በፍቅረኛዋ የትውልድ ምድር ፖርቹጋል መካከል የነበረውን የደጋፊነት ውዝግብ “ቤተሰብ ከሀገር ይቀድማል” በሚል ጠንካራ አቋም ፈጽማዋለች። ለሊዮኔል ሜሲዋ አርጀንቲና እና ለክርስቲያኖ ሮናልዶዋ ፖርቹጋል የሚኖረው የደጋፊዎች ፍልሚያ አሁን ከሜዳ አልፎ ወደ ቤተሰብ ሳሎንም የዘለቀ ይመስላል!

ሶማሊያዊው ዳኛ ቪዛ ተከለከሉ!😱🇸🇴 አሁን ላይ አፍሪካ አሉኝ ከምትላቸው የእግር ኳስ ዳኞች አንዱ የሆኑት ሶማሊያዊው አርቢትር ኦማር አርታን ግንባር ቀደም ናቸው። በዘንድሮው የዓለም ዋንጫ ...
08/06/2026

ሶማሊያዊው ዳኛ ቪዛ ተከለከሉ!

😱🇸🇴 አሁን ላይ አፍሪካ አሉኝ ከምትላቸው የእግር ኳስ ዳኞች አንዱ የሆኑት ሶማሊያዊው አርቢትር ኦማር አርታን ግንባር ቀደም ናቸው። በዘንድሮው የዓለም ዋንጫ ጨዋታዎችን እንዲመሩ በፊፋ ከተመረጡ ሰባት አፍሪካውያን ዋና ዳኞችም የመጀመሪያው ነው። ያምሆኖ አሜሪካ ለኚህ ዳኛ ቪዛ መከልከሏን የተለያዩ ታማኝ የዜና ምንጮች እየዘገቡ ይገኛሉ።

ኦማር አርታን የሶማሊያ ኤምባሲና የዲፕሎማቲክ ፓስፖርት ድጋፍ ቢኖራቸውም፣ ከአሜሪካ የኢሚግሬሽን ባለሥልጣናት በኩል ግልጽ ማብራሪያ ሳይሰጣቸው እንዲመለሱ ተደርጓል። ኦማር አርታን የ2025 የአፍሪካ ምርጥ ዳኛ ተሸላሚ መሆኑ ይታወቃል። ፊፋም ይሁን ካፍ በዳኛው ቪዛ መከልከል ላይ እስካሁን ያሉት ነገር የለም።

የ2026 የዓለም ዋንጫን በዋና ዳኝነት እንዲመሩ ከተመረጡት 7 አፍሪካውያን ዳኞችን ጨምሮ በአጠቃላይ በረዳት ዳኝነትና በቫር ዳኝነት 19 የአፍሪካ ኮንፌዴሬሽን የዳኝነት ቡድን አባላት መመረጣቸው ይታወቃል።

Address

Addis Ababa

Telephone

+251937940417

Website

Alerts

Be the first to know and let us send you an email when Zemen sport posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zemen sport:

Shortcuts

Share