28/05/2026
•TEMPADA 2025|2026•
~• ENFERMERÍA •~
🤍🩵 Moito ánimo, Braulio 🩵🤍
O pasado luns, Braulio foi operado con éxito do ligamento cruzado e dos meniscos tras a grave lesión sufrida no seu debut co noso equipo senior fronte ao Monte Louro.
Braulio, procedente do equipo de veteranos, decidira dar un paso adiante para botarlle unha man ao senior nun momento importante da tempada, coa ilusión de axudar ao club a conseguir a permanencia. Un xogador querido, con experiencia, carácter e moito peso dentro do vestiario, que chegaba coa máxima implicación e compromiso.
Por desgraza, a mala sorte volveu cebarse con nós. Apenas transcorreran cinco minutos do encontro cando, nun man a man contra o porteiro, Braulio lesionouse gravemente, acabando coa súa tempada antes incluso de poder demostrar todo o que podía aportar sobre o campo.
O que prometía ser unha historia bonita converteuse nun duro golpe para todos. O noso gozo nun pozo.
Pero se algo define a Braulio é a súa forza, o seu compromiso e a maneira de afrontar sempre os retos. Agora tócalle disputar outro partido, posiblemente o máis difícil, e estamos convencidos de que tamén o vai gañar.
Desde o club queremos mandarlle toda a nosa forza e apoio neste proceso de recuperación. Estamos contigo, Braulio.
🤍🩵 Moito ánimo e pronta recuperación. Volverás máis forte. 🩵🤍
