Concellería de Deportes de Xinzo de Limia

Casa
España
Xinzo de Limia
Concellería de Deportes de Xinzo de Limia

Página da Concellería de Deportes do Concello de Xinzo de Limia.

20/06/2026

👏👏👏👏👏👏👏👏👏👏👏👏👏

15/06/2026

🏆⚽ FINAL DE COPA – SEGUNDA DIVISIÓN DE VETERANOS ⚽🏆

O Boado FC Veteranos disputará este domingo a gran final da Copa da Segunda División de Veteranos fronte ao Paderne Veteranos.

📅 Domingo
⏰ 11:00 horas
📍 Campo do Polígono de San Cibrao

Despois dunha gran tempada, o equipo loitará por conquistar o título nun partido que promete emoción, entrega e moita paixón polo fútbol.

BOADO FC VETERANOS 🆚 PADERNE VETERANOS

14/06/2026

🎒🚴‍♂️ AGASALLO PARA TODOS OS CORREDORES 🚴‍♀️🎒

Nas 3 Horas Resistencia Vila de Xinzo 2026 non só vivirás unha das probas máis espectaculares do calendario BTT, senón que ademais todos os participantes recibirán unha mochila oficial como bolsa do corredor.

✅ Práctica
✅ Resistente
✅ Funcional
✅ Personalizada para a proba

Un recordo perfecto para levar contigo despois dunha xornada de deporte, esforzo e diversión.

📅 21 de xuño de 2026
📍 Xinzo de Limia (Ourense)

! Mochilas ata fin de existencias !

🔥 Tres horas de auténtica resistencia.
🔥 Un circuíto espectacular.
🔥 Un ambiente único.
🔥 E agasallos para todos os participantes.

Non quedes sen a túa praza!

https://sportmaniacs.com/es/services/inscription/inscripcins-ii-btt-resistencia—deputacion-de-ourense

10/06/2026

⚽🩵 CAMPUS DE VERÁN RC CELTA BY CABREIROÁ 2026 – XINZO DE LIMIA 🩵⚽
📢 Xa están abertas as inscricións para o Campus de Verán RC Celta by Cabreiroá 2026, que volverá contar cunha sede en Xinzo de Limia.
📍 Campo de Fútbol José Antonio Fernández Carrera
📅 Do 27 ao 31 de xullo de 2026
👦👧 Para nenos e nenas de 5 a 16 anos
💥 Todos os xogadores e xogadoras federados da E.D.C. Xinzo poden beneficiarse dun prezo reducido ao realizar a inscrición.
✅ Para obter o desconto:
➡️ Seleccionar “Prezo con desconto”
➡️ Marcar “Federado de club convenido/colaborador”
➡️ Indicar E.D.C. Xinzo
➡️ Achegar o xustificante correspondente
⚽ Unha semana de fútbol, aprendizaxe e diversión cunha metodoloxía baseada na canteira do RC Celta:
🏃‍♂️ Adestramentos específicos
🏆 Competicións diarias
🎁 Agasallos e diploma
🥪 Merenda incluída
🎉 Cerimonia de clausura
⏳ As prazas son limitadas e adoitan completarse en todas as sedes, polo que se recomenda realizar a inscrición canto antes.
🔗 Máis información e inscricións:
https://rccelta.es/fundacion/formacion/campus/
🔗 Noticia de apertura:
https://rccelta.es/fundacion/actualidad/campus-de-verano-celta-by-cabreiroa-2026-en-marcha/

09/06/2026

🏆A LIMIA TEN UNHA NOVA CAMPIOA NACIONAL 🏆

A deportista limiá Aira García Teijeiro continúa facendo historia na ximnasia nacional tras unha actuación extraordinaria nos Campionatos Nacionais de Ximnasia en Trampolín, onde conseguiu un impresionante balance de sete podios nacionais.
🥇 Campioa Nacional de Trampolín
🥇 Campioa Nacional de Dobre Minitramp
🥇 Campioa Nacional Open de Trampolín
🥇 Campioa Nacional Open de Dobre Minitramp
🥈 Subcampioa Nacional de Tumbling
🥈 Subcampioa Open de Tumbling
🥉 Terceiro posto por Equipos

Uns resultados excepcionais que a converten na única ximnasta en acadar tantos títulos nacionais nunha mesma competición desta modalidade.

Pero os éxitos non rematan aí. Apenas dúas semanas antes, Aira tamén subiu ao podio no Campionato Nacional de Ximnasia Acrobática, logrando xunto aos seus compañeiros Jimena Gómez e Miguel Valverde: 🥈 Subcampionato Nacional Xeral en Junior Tríos
🥈 Subcampionato Nacional en Exercicio Dinámico
🥉 Terceiro posto por Equipos

Dende Xinzo de Limia queremos felicitar a Aira por estes extraordinarios logros, que son exemplo de esforzo, sacrificio e talento.

O noso recoñecemento tamén para a súa adestradora, Isaura Hermida, e para todo o equipo do Clube Ximnasia Burgas, polo gran traballo formativo e deportivo que está detrás destes éxitos.

👏 Parabéns, Aira! Grazas por levar o nome da Limia e de Xinzo ao máis alto do deporte nacional.

08/06/2026

XA TEMOS CARTEL OFICIAL 🚵🚵‍♀️🚵‍♂️

🔥 Xinzo de Limia acolle a última sede do Circuíto Deputación de Ourense de BTT Resistencia 2026 🔥

O vindeiro 21 de xuño, a emoción, o esforzo e a paixón polo BTT daranse cita na 3 Horas Resistencia Vila de Xinzo, unha proba que pechará por todo o alto unha nova edición do circuíto provincial.
💪 Un percorrido espectacular.
🌿 Un entorno único.
👏 Unha gran festa do deporte para participantes e afeccionados.

Se es amante da bicicleta de montaña, non perdas a oportunidade de vivir unha xornada inesquecible, xa sexa competindo ou animando aos corredores ao longo do circuíto.

📍 Xinzo de Limia
📅 Domingo, 21 de xuño de 2026
⏱️ 3 Horas Resistencia Vila de Xinzo
🎯 Chega a gran final do Circuíto Deputación de Ourense.

Vén desfrutar do mellor ambiente BTT e axuda a poñer o broche de ouro a unha tempada chea de emoción.

📸

https://sportmaniacs.com/es/services/inscription/inscripcins-ii-btt-resistencia—deputacion-de-ourense

08/06/2026

⚽️💙 O fútbol da Limia segue deixando pegada 💙⚽️

É un orgullo ver como dous veciños da Limia están a competir nestes días por obxectivos tan importantes dentro do fútbol profesional español.

🔹 Germán Novoa, coa SD Ponferradina, disputará o play-off de ascenso á Segunda División.

🔹 Martín “Tincho”, co CD Castellón, loitará polo ascenso á LaLiga EA Sports, a máxima categoría do fútbol español.

Ambos representan un exemplo de esforzo, traballo, constancia e compromiso, converténdose nun referente para os nenos e nenas da Limia que soñan con chegar algún día ao fútbol de elite.

Dende aquí queremos transmitirlles todo o noso apoio e desexarlles a maior das sortes nestes encontros decisivos. Que disfruten do momento e sigan demostrando.

🍀 Moita sorte, Germán e Tincho!

04/06/2026

🥈🇪🇸 ¡Subcampioa de España por segundo ano consecutivo!

Revalida o seu título e mantense na elite nacional da ximnasia de trampolín. Aínda que por unhas poucas décimas escapou o ouro.

E hai un dato que fala por si só: entre as primeiras clasificadas, ela foi a única representante galega. 💙🤍

Detrás deste resultado hai moitas horas de adestramento, esforzo, sacrificio e unha enorme paixón polo deporte.

Parabéns por este novo éxito no Campionato de España Nacional Base de Trampolín. Estamos moi orgullosos de ti!

💪 Un orgullo para Xinzo, para Galicia e para todo o deporte galego.

02/06/2026

🌞⚽🤸‍♀️ CAMPAMENTOS DE VERÁN 2026 | XINZO DE LIMIA 🌴🎉

Xa están aquí os Campamentos de Verán 2026 unha proposta pensada para facilitar a conciliación familiar durante os meses de verán e ofrecer aos nenos e nenas actividades deportivas, educativas e de lecer nun entorno seguro e divertido.

🏖️ CAMPUS DE VERÁN 2026
📅 Do 29 de xuño durante os meses de xullo e agosto
🕙 Horario: de 10:00 a 13:30 h
🌅 Servizo Madruga: entrada dende as 09:00 h
👧🧒 Nados/as entre 2012 e 2022
🏊 Piscina, xogos deportivos, obradoiros e moita diversión

⚽ XII CAMPUS DE TECNIFICACIÓN DE FÚTBOL
📅 Do 22 ao 26 de xuño
🕙 De 10:00 a 13:30 h
👦 Categorías: de 2012 a 2020
🥅 Adestramento específico de fútbol e porteiros
🎁 Sorteos, picnic diario e roupa de adestramento

🤸‍♀️ CAMPUS DE XIMNASIA
📅 Do 22 ao 26 de xuño
🕙 De 10:00 a 13:30 h
👧 Nados/as entre 2008 e 2022
🎁 Sorteos, picnic diario e roupa de adestramento

📝 INSCRICIÓNS

🏖️ Campus de Verán:
📍 Pavillón de Deportes
📍 Piscina Climatizada
📍 Casa da Cultura
📅 Ata o 17 de xuño

⚽ Campus de Fútbol:
📍 Pavillón de Deportes
📍 Campo de Fútbol J. Antonio Fernández Carrera
📅 Ata o 12 de xuño

🤸‍♀️ Campus de Ximnasia:
📍 Pavillón de Deportes
📅 Ata o 12 de xuño

⚠️ PRAZAS LIMITADAS

Un verán cheo de deporte, aprendizaxe, amizade e diversión agarda por vós. Non quedes sen a túa praza!

25/05/2026

🏊‍♂️💙 Inmenso orgullo o que vivimos esta fin de semana no Campionato Provincial!
O Club Natación da Limia participou con máis de 20 nenos e nenas, demostrando ilusión, esforzo e un nivel deportivo espectacular para un club de recente creación no noso concello. Os resultados acadados son unha mostra do gran traballo que están realizando os nosos deportistas, familias e corpo técnico 💪👏
🥇🥈🥉 RESULTADOS DESTACADOS:
🔹 50 espalda feminino
🥇 Sabela Álvarez González
🥈 Vera Fernández Díaz
🔹 100 espalda feminino
🥈 Enma Rodríguez Pérez
🔹 50 braza masculino
🥉 Ian Rey Marra
🔹 50 braza feminino
🥇 Iria Fonseca Doval
🥈 Katia Vidal Rodríguez
🔹 100 braza masculino
🥇 Simón Vidal Rodríguez
🔹 100 braza feminino
🥇 Paula Pérez Paz
🔹 50 libre feminino
🥇 Iria Fonseca Doval
🔹 100 libre feminino
🥇 Enma Rodríguez Pérez
Parabéns a todos os nadadores e nadadoras polo esforzo, comportamento e compromiso demostrado durante toda a competición. Isto é só o comezo dun proxecto que segue medrando cada día 🏊‍♀️✨

Dirección

Calle Dos De Mayo
Xinzo De Limia
32630

Teléfono

+34988461020

Página web

http://xinzodelimia.gal/

Notificaciones

Sé el primero en enterarse y déjanos enviarle un correo electrónico cuando Concellería de Deportes de Xinzo de Limia publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.