Dousxsetenta tiro con arco

07/09/2026

Nico e Yago protagonistas na edición da Voz de Galicia.

Atletas del Atlántico | Este deporte enganchó a los vimianceses: de la exigente concentración a la tranquilidad y el relax

06/08/2026

Esta fotografía fala de moitas cousas sen dicir nada.
Fala de experiencia, de empatía, de humildade. Fala de aprendizaxe, de amizade, de gratitude e de non renderse.

Fala tamén de que, por moito que traballes, por moito que te esforces e por moito que o deas todo, o resultado non sempre acompaña.

Porque o éxito nunca debería medirse únicamente polos resultados, senón por todas esas horas de traballo, esforzo e sacrificio que case ninguén ve e que, día tras día, te levan ata onde estás.

O resultado non se esixe. O esforzo non se negocia.

E quizais esta sexa unha das mellores aprendizaxes que nos deixa o deporte: aprender a valorar o camiño, aceptar os días difíciles, seguir traballando cando as cousas non saen como queriamos e entender que cada caída tamén forma parte de chegar máis lonxe.

Unha aprendizaxe para o deporte. E, sobre todo, para a vida. 🏹❤️

Gracias Marcos

05/08/2026

🏹 CAMPIONATO DE ESPAÑA ABSOLUTO 🇪🇸

O venres pola tarde comezou o Campionato de España Absoluto e o noso club estivo representado por Manu Soto, Nico Soto e Jose Vázquez.

Foi un round realmente complicado, marcado por un forte vento que puxo as cousas moi difíciles e impediu aos nosos arqueiros achegarse ás súas puntuacións habituais.

Ningún dos tres conseguiu superar o corte para acceder ás eliminatorias, pero se algo nos deixa esta xornada é o orgullo de velos loitar ata a última frecha, dando todo nunhas condicións que non puxeron nada fácil a competición. 💪🏹

E mención especial para Nico, que dobraba competición despois de proclamarse Campión de España Sub15 por equipos mixtos. Un reto enorme competir ao máximo nivel nunha mesma semana! 🔥

Non sempre os resultados acompañan, pero cada competición suma experiencia, aprendizaxe e ganas de seguir medrando.

Orgullosos de vós! ❤️🖤💛

👏 Grazas, como sempre, a Gerca Acero y Metal e ao Concello de Vimianzo por estar ao noso lado e facer posible que sigamos medrando.

04/08/2026

🏆🇪🇸 ESTREAMOS INSTAGRAM COMO CAMPIONS DE ESPAÑA!

Non podía haber mellor maneira de comezar. 🏹🔥

🥇 Nico Soto e Uxía Goyanes, do Club Arqueiros de Cambre, proclamáronse Campións de España por equipos mixtos Sub15, coa axuda inestimable de Yago Rellán como capitán do equipo.

Un novo ouro que entra na historia do Dousxsetenta e que se suma aos bronces de Yago en 2025 e de Nico e Yago no Campionato de España Indoor de Valladolid deste mesmo ano. 🥉🥉

Un equipo. Unha medalla. Un momento para a historia. ❤️🖤

🎥 Aquí queda o vídeo dun día que nunca esqueceremos.

BENVIDOS AO INSTAGRAM DO DOUSXSETENTA! 🚀🏹

Gerca Acero y Metal Concello de Vimianzo

31/07/2026

Nicolás Soto, campión de España Sub15 por equipos mixtos coa selección galega 🏆🥇

O arqueiro vimiancés do Club Dousxsetenta, Nicolás Soto, acaba de proclamarse campión de España por equipos mixtos na categoría Sub15, formando parella con Uxía Goyanes, do Club Arqueiros de Cambre, e representando á selección galega no Campionato de España que se está a disputar en Madrid.

A parella galega completou un percorrido impecable na fase eliminatoria. Nos cuartos de final, Galicia impúxose con autoridade a Navarra por un contundente 6-0. Na semifinal agardaba Madrid, nun enfrontamento moito máis igualado que os galegos resolveron por 5-4. Na gran final, Nico e Uxía volveron ofrecer un gran nivel para superar a Andalucía por 5-1 e conquistar o título nacional.

Durante esta competición por equipos mixtos, Nico e Uxía contaron tamén co apoio de Yago Rellán, compañeiro de club de Nico e tamén integrante da selección galega, que exerceu como capitán do equipo.

Na competición individual, tanto Nico coma Yago realizaron tamén un excelente papel. Ambos completaron un gran round clasificatorio e foron avanzando nas eliminatorias deixando atrás aos seus rivais.

Yago rematou finalmente na sexta posición, despois de alcanzar os cuartos de final, mentres que Nico chegou ata a loita pola medalla de bronce, quedándose ás portas do podio cunha magnífica cuarta posición. Dous resultados que confirman o gran nivel dos dous arqueiros vimianceses nesta cita nacional.

E esta mañá chegou a quenda da competición por equipos masculino Sub15, na que Nico e Yago volveron defender as cores de Galicia xunto a Dani Méndez, de Flechas por un Tubo de Ponteceso.

O equipo galego superou nos cuartos de final a Navarra, conseguindo o pase ás semifinais. Alí agardaba Madrid, que finalmente se impuxo no enfrontamento. Na loita pola medalla de bronce, Galicia medíase a Baleares, que acabou levando a vitoria.

Deste xeito, os tres arqueiros galegos da Costa da Morte pechan a competición por equipos cunha magnífica cuarta posición, quedándose ás portas do podio pero cun resultado que nos deixa moi satisfeitos polo gran nivel demostrado durante toda a competición. 👏🏹

E o Campionato de España continúa esta tarde coa competición absoluta, na que o Dousxsetenta estará representado por tres arqueiros: Nico Soto, que competirá así en dúas categorías, o seu pai Manuel Soto e Jose Vázquez.

Moita sorte aos tres! A seguir gozando e dando guerra en Madrid! 💪🏹

Non queremos deixar pasar a oportunidade de agradecer a Gerca Acero y Metal e ao Concello de Vimianzo o seu apoio para que isto sexa posible. Estes trunfos tamén son os vosos trunfos 👏👏👏

29/07/2026

No Campionato de España U15 masculino, Galicia estará representada por un equipo formado integramente por arqueiros da Costa da Morte: Yago Rellán e Nico Soto, do Club Dousxsetenta, e Dani Méndez, do Club Flechas por un Tubo .

Durante a última semana compartiron varias sesións de adestramento co obxectivo de preparar a competición por equipos na categoría U15 masculina.

É unha enorme satisfacción ver que tres rapaces da nosa comarca serán os encargados de representar a Galicia nun Campionato de España, demostrando que o traballo que se está a facer nos clubs da Costa da Morte segue dando os seus froitos.

Moita sorte aos tres! Agardamos que desfrutedes da experiencia e que o esforzo destes días se vexa reflectido sobre a liña de tiro. 🏹💪

29/07/2026

Antes de comezar a competición, queremos desexarlles toda a sorte do mundo aos nosos arqueiros e arqueiras que defenderán as cores do Club Dousxsetenta no Campionato de España de Aire Libre. 🏹💪

Hoxe será a quenda de Nico Soto e Yago Rellán, que competirán na categoría U15, mentres que o venres chegará a participación na categoría absoluta, con Jose Vázquez, Manuel "Carbi" e, de novo, Nico Soto, que volverá á liña de tiro para medirse tamén cos mellores arqueiros do país.

Independentemente dos resultados, xa é un orgullo ver ao noso club representado nun campionato nacional e comprobar o froito do traballo, do esforzo e da ilusión de toda a tempada.

Moita sorte a todos! Imos desfrutar da experiencia e dar o mellor en cada frecha. 🎯

Grazas, como sempre, a Gerca Acero y Metal e ao Concello de Vimianzo polo seu apoio ao noso club.

15/07/2026

🏹 Remata a Liga Galega de Aire Libre 2026... e non podemos estar máis orgullosos do conseguido!

Entre todos os clubs participantes, o Club Dousxsetenta remata a competición como o 2º mellor club de Galicia, só por detrás de Meigarco, un auténtico referente do tiro con arco galego.

Un resultado que nos enche de orgullo e que confirma o gran momento que está a vivir o club. Este subcampionato galego por resultados é o premio ao traballo diario, á constancia dos nosos arqueiros e arqueiras, ao apoio das familias e ao esforzo de todas as persoas que forman parte desta pequena gran familia.

A nivel individual tamén tivemos unha tempada para lembrar:

🥇 Yago Rellán proclamouse campión da Liga Galega Sub-15, ademais de acadar o subcampionato na categoría Sub-18, competindo con deportistas de maior idade.

🥈 Nico Soto conseguiu o subcampionato galego Sub-15, confirmando o enorme nivel da nosa canteira.

🥉 Antía Rey subiu ao podio cun magnífico 3º posto na categoría Alevín Unificada.

🥇 Paula Vázquez proclamouse campioa da Liga Galega Sub-21.

🥉 Adoración Lavandeira logrou un meritorio 3º posto na categoría 50+ feminina.

Tamén queremos destacar o gran papel do resto dos nosos representantes:

🏹 Antón García, 5º clasificado en Sub-15.
🏹 Ángel Suárez, 6º en Alevín.
🏹 Eric Lavandeira, 8º en Alevín.
🏹 José Vázquez, 9º en Senior.
🏹 Manuel Soto, 11º en Senior.
🏹 Enrique Rellán... oficialmente desaparecido da clasificación da Federación 🤣, pero ben sabemos todos que tamén formou parte deste éxito.
🏹 Víctor Santos, 8º en 50+.

Os resultados por equipos tamén falan do excelente nivel do club:

🥇 Campións de Galicia por equipos en Sub-15.
🥈 Subcampións galegos por equipos en Alevín Unificado.
🥉 3º posto por equipos na categoría 50+.

Pechamos así unha Liga Galega inesquecible, cun resultado histórico para o noso club: 2º mellor equipo de Galicia e presenza nos podios de practicamente todas as categorías nas que competimos.

Agora toca afrontar o gran reto da tempada: o Campionato de España, onde varios dos nosos arqueiros defenderán as cores do club coa mesma ilusión e ganas que demostraron durante toda a liga.

Parabéns a todos e todas por facer posible unha tempada para o recordo 👏🏹

E un agradecemento moi especial a Gerca Acero y Metal e ao Concello de Vimianzo, que continúan ao noso carón apoiando o noso proxecto e facendo posible que sigamos medrando e levando o nome de Vimianzo por toda Galicia e por toda España.

06/07/2026

🔥 Remata a Liga Galega de Aire Libre 2025/26!

Esta fin de semana disputouse en Ponteceso o Trofeo Federación, quinta e última xornada da Liga Galega de Aire Libre, organizada polos nosos veciños de Flechas por un Tubo no campo municipal do Pinguel.

A competición estivo marcada pola alerta vermella por altas temperaturas, pero grazas á magnífica organización do club anfitrión a xornada desenvolveuse con total normalidade. O noso agradecemento polo gran traballo realizado.

🏹 No deportivo, o Club Dous X Setenta volveu demostrar o excelente momento que atravesa.

Os grandes protagonistas foron, unha vez máis, Yago Rellán e Nico Soto, que volveron afrontar o reto de competir en dúas categorías durante a mesma fin de semana.

🥇 Yago proclamouse vencedor da categoría Sub15 cunha fantástica puntuación de 651 puntos. O domingo disputou a súa terceira competición da tempada en Sub18, unha categoría na que segue demostrando que tamén pode competir cos mellores. Nunha clasificación unificada entre homes e mulleres, finalizou 2º absoluto, só por detrás de Lúa Teijeiro (Arco Narón), sendo o 1º clasificado masculino.

🥈 Nico foi segundo en Sub15 con 630 puntos e o domingo deu un paso máis na súa progresión deportiva debutando na categoría sénior, competindo por primeira vez á distancia olímpica de 70 metros. O resultado non puido ser mellor: confirmou a súa clasificación para o Campionato de España sénior ao conseguir a marca mínima no seu debut a 70 metros, rematou nun magnífico quinto posto con 540 puntos e, ademais, protagonizou un simpático (según fontes ben informadas para seu pai non foi tan simpático 😅) duelo familiar superando por primeira vez ao seu pai, Manuel Soto, que finalizou sétimo.

Con esta competición o noso club conta xa con seis prazas conseguidas para os Campionatos de España, correspondentes a cinco arqueiros:

🏹 Sub15:
▪️ Yago Rellán
▪️ Nico Soto
▪️ Antón García

🏹 Sénior:
▪️ José Vázquez
▪️ Manuel Soto
▪️ Nico Soto

Ademais, tanto Nico como Yago conseguiron tamén a mínima para participar na categoría Sub18, aínda que renunciarán a esa praza ao coincidir o Campionato de España Sub18 co Sub15, categoría na que centrarán todos os seus esforzos.

Estes foron os resultados do resto da expedición do Dous X Setenta:

🏹 Alevín masculino
▪️ Ángel Suárez, 4º clasificado, asinando ademais a súa mellor puntuación da tempada, unha mostra máis da excelente progresión que está a experimentar.

🏹 Sub15 masculino
▪️ Antón García, 5º clasificado.

🏹 Sub21 feminino
▪️ Paula Vázquez, 2ª clasificada.

🏹 Sénior masculino
▪️ Nico Soto, 5º.
▪️ José Vázquez, 6º.
▪️ Manuel Soto, 7º.
▪️ Manuel Rellán, 17º.

🏹 Veteranos +50 masculino
▪️ Víctor Santos, 6º clasificado.

🏹 Veteranas +50 feminino
▪️ Adoración Lavandeira, 3ª clasificada.

Parabéns a todos os nosos arqueiros e arqueiras polo gran traballo realizado durante toda a tempada. Agora toca preparar o tramo máis importante do ano, cos Campionatos de España xa no horizonte.

💙🖤🏹



Gerca Acero y Metal
Concello de Vimianzo

29/06/2026

🏹 Gran fin de semana en Madrid para os nosos arqueiros!

Nico Soto e Yago Rellán desprazáronse esta fin de semana ata Madrid para participar en dúas das citas máis importantes da temporada: o Gran Premio Promesas Iberdrola e o Campionato de España de Seleccións Autonómicas en Idade Escolar (CESA).

🎯 No Gran Premio Promesas Iberdrola, ambos demostraron que están preparados para competir de ti a ti cos mellores arqueiros do panorama nacional.

No round clasificatorio, Nico acadou a 8ª posición e Yago a 9ª, o que lles permitiu acceder ás eliminatorias nos postos de cabeza. Nos dezaseisavos de final, os dous superaron con autoridade aos seus rivais, pero o cadro de competición quixo que se enfrontasen entre eles nos oitavos de final. Nun duelo moi igualado, Yago conseguiu a clasificación para os cuartos de final.

Xa entre os oito mellores da competición, Yago disputou unha gran eliminatoria fronte a Daniel Romero, un dos grandes favoritos ao título, cedendo por unha marxe moi axustada. O arqueiro andaluz acabaría proclamándose campión do torneo.

🏹 Na xornada do CESA, Nico e Yago volveron vestir as cores da Selección Galega por segundo ano consecutivo, formando equipo con Paula, do Club Arco Narón, e Emma, do Águilas Verdes.

O combinado galego completou un excelente round clasificatorio, conseguindo a cuarta mellor puntuación da competición. Na fase de grupos, Galicia impúxose ás seleccións de Navarra e Illas Baleares, logrando o primeiro posto do Grupo B e o pase aos cuartos de final.

Xa na xornada do domingo, a selección galega enfrontouse a Valencia nunha eliminatoria moi disputada. A pesar de ter opcións durante o encontro, foi finalmente o combinado valenciano quen conseguiu a vitoria, poñendo fin á participación galega.

👏 Máis alá dos resultados, esta fin de semana deixa unhas sensacións moi positivas. Nico e Yago volveron demostrar que poden competir ao máximo nivel nacional e continúan dando pasos adiante na súa progresión deportiva.

💪 Agora toca seguir traballando con ilusión e confianza para afrontar o gran obxectivo da temporada: o Campionato de España de Aire Libre, que se celebrará do 29 ao 31 de xullo en Madrid.

Parabéns aos dous polo gran traballo realizado! 👏🏹

Gerca Acero y Metal
Concello de Vimianzo