Pilates Iria Rey

Cómo llegar Página web

Pilates Iria Rey Gran variedade de equipamento nas aulas.

Centro especializado en PILATES: clases grupais, dúo e privadas, grupo específico de embarazo e posparto, grupo específico para xente maior, formación en diástase abdominal e escoliose.

Clases de proba de balde? 🤔Se cadra algunha vez preguntaches se podías asistir a unha aula de balde para probar. Sei que...
22/10/2026

Clases de proba de balde? 🤔

Se cadra algunha vez preguntaches se podías asistir a unha aula de balde para probar. Sei que a pregunta non leva mala intención e que simplemente queres saber como é unha clase antes de inscribirte.

Pero a verdade é que non me imaxino a alguén acudindo a un psicólogo e pedíndolle que lle regale a primeira sesión para comprobar se lle gusta antes de decidir se volve. Ou ir a un restaurante bufé e pretender comer de balde a primeira vez para, se me gusta, pagar a seguinte.

Entón, por que no ámbito das disciplinas físicas parece tan habitual pedir e mesmo ofrecer clases de balde?

Non teño unha resposta para esa pregunta, pero o que si sei é que o meu traballo ten un valor. Detrás de cada clase hai anos de estudo, formación continua, experiencia profesional e tempo dedicado a preparar e organizar cada sesión. Todo iso require esforzo, coñecementos e dedicación, e merece ser remunerado.

Non podo nin quero regalar o meu traballo, porque é precisamente o meu traballo.

O tempo, os coñecementos e a dedicación dun profesional, sexa do ámbito que sexa, non poden ser de balde.

O obxectivo do Pilates é que me treman as pernas?Se nos deixamos levar polo que vemos moitas veces nas redes sociais, pa...
20/10/2026

O obxectivo do Pilates é que me treman as pernas?

Se nos deixamos levar polo que vemos moitas veces nas redes sociais, parece que si: que os exercicios teñen que custar moitísimo, requirir un esforzo enorme ou facernos tremer todo o corpo.

Pero o tremor non é o obxectivo. Pode aparecer por fatiga ou porque aínda estamos desenvolvendo a forza e o control necesarios. E iso está perfecto: pode formar parte da aprendizaxe.

Pero tamén podemos progresar e mellorar a calidade dos nosos movementos sen que nos trema nada. O tremor non é unha medida do noso progreso nin do éxito ao realizar un exercicio.

Moitas veces, cando mostro eu un exercixio os meus alumnos dinme: «Ai, Iria, é que en ti se ve tan fácil!».

Esa é precisamente a idea! Ese é o obxectivo do Pilates! Realizar o movemento coa maior facilidade, control e eficiencia posibles.

Isto non significa que non haxa traballo, senón que aprendemos a organizar o corpo e coordinar os movementos sen tensións innecesarias.

Isto é a economía de movemento: conseguir o resultado que buscamos empregando os recursos necesarios e evitando esforzos innecesarios.

Estamos a piques de arrancar o segundo curso deste proxecto tan bonito e non quería comezalo sen facer unha pequena refl...
25/08/2026

Estamos a piques de arrancar o segundo curso deste proxecto tan bonito e non quería comezalo sen facer unha pequena reflexión sobre o que supuxo este primeiro ano da escola.

O certo é que estas palabras quería deixalas por aquí ao rematar o primeiro curso, pero finais de xullo veu cargado de incidencias de saúde no meu ámbito familiar, que fixeron que escribir este post quedase nun segundo plano.

Así que aproveito este novo arranque para mirar cara atrás e dicir simplemente: GRAZAS.

Cando comecei este proxecto tiña moitísima ilusión, pero a realidade superou con creces todas as expectativas que tiña.

Estou inmensamente feliz e agradecida pola acollida que tivo a escola, por cada persoa que confiou en min, por cada grupo que fomos formando e por todo o que fomos construíndo xuntos ao longo deste primeiro ano.

E se algo teño claro é que isto non fixo máis que comezar.

Arranco este segundo curso con moitísimas ganas, moitísima ilusión e o compromiso de seguir formándome, aprendendo e mellorando para poder acompañarvos cada vez mellor.

Grazas por facer posible este primeiro ano e por formar parte deste proxecto.

E agora... a por un novo curso! 💪🏼✨

23/12/2025

Tras uns cantos ensaios… e moitísimas risas, así de espectacular quedou a coreografía pilateira deste ano 😍🙌

Grazas, alumnxs, por dicir sempre que si ás miñas propostas e por traer unha enerxía tan bonita a cada clase.

Síntome moi afortunada de tervos comigo 💛

19/12/2025

Unha das grandes novidades deste curso: a apertura do grupo senior!

En poucos meses formamos unha pequena familia pilateira, con complicidade, risas, constancia e moita ilusión. Traballar con elas está sendo profundamente gratificante e enriquecedor.

Este foi o noso pequeno guiño de despedida antes da pausa de Nadal: zancadas, música, gorros, xerseis… e moitas ganas de pasalo ben xuntas 🎅✨

Moitas gracias a todas 💛

🧠✨ Por que o Pilates é unha disciplina corpo–mente?Moitas veces, cando falamos de “corpo e mente”, pensamos no ioga e na...
19/11/2025

🧠✨ Por que o Pilates é unha disciplina corpo–mente?

Moitas veces, cando falamos de “corpo e mente”, pensamos no ioga e na meditación.
Pero en pilates non nos referimos a iso.
Aquí, o traballo corpo–mente significa que a mente está totalmente conectada co que fai o corpo en cada instante.

Sempre lle poño o mesmo exemplo aos meus alumnxs:
Podes estar correndo nunha cinta, traballando velocidade, resistencia, potencia… e iso é estupendo! O corpo está facendo un gran traballo.
Pero mentres corres, quizais estás vendo unha serie, escoitando música ou pensando nas túas cousas.
Nese caso, o corpo vai por un lado… e a mente por outro.

En pilates iso non ocorre (polo menos, cando se practica ben).

Os exercicios requiren tanta precisión, control e conciencia, que é imposible deixar a mente a vagar. Tes que estar aí, presente, sentindo a respiración, o apoio, a aliñación, o ritmo, a intención…
E iso é marabilloso, porque durante esa hora desconectas do ruído mental que nos acompaña a diario.

En certa maneira —e facendo un paralelismo co ioga— isto tamén é unha forma de meditación.
Porque meditar non é só sentarse en silencio: é estar completamente no momento presente.
E en pilates, cando aplicas a metodoloxía e executas os exercicios con atención, estar presente é inevitable.

Por iso tantas persoas din ao rematar unha clase:
“Saio mellor do que entrei.”
E non é só polo corpo… é pola mente tamén 💛






✨ Hoxe toca unha reflexión: que estás pagando cando te inscribes a clases de pilates?Porque si, pagas unha hora de clase...
13/11/2025

✨ Hoxe toca unha reflexión: que estás pagando cando te inscribes a clases de pilates?

Porque si, pagas unha hora de clase… pero en realidade estás pagando por algo moito máis grande.

Eu tamén son alumna. Anótome con certa regularidade a clases que fago a través de Zoom cos meus profes de Inglaterra, e ademais sigo en continua formación profesional, realizando cursos específicos para seguir especializándome como instrutora.

E en ambos casos, non pago polas horas que un profesor está comigo.

O que realmente ten valor é: → a experiencia dese profesional,
→ o seu criterio,
→ os anos de estudo, práctica e especialización,
→ e a capacidade de transmitir todo ese coñecemento.

E exactamente o mesmo sucede cando alguén vén ás miñas clases.

A cota non paga só esa hora na aula.
Paga:

→ as incontables horas de formación e práctica que levo ás costas,
→ as horas de estudo que sigo facendo,
→ os cursos que me seguen a nutrir como profesional,
→ a preparación coidadosa de cada sesión,
→ a responsabilidade de acompañar corpos moi diferentes,
→ os máis de 15 anos de experiencia ensinando movemento, como profesora de danza e instrutora de pilates.

Todo ese camiño constrúe o ollo técnico, o criterio e a precisión que un profesor pode ofrecer ao seu alumnado.

E si, ademais —aínda que isto sexa secundario fronte ao valor pedagóxico—, con esa cota tamén pagas un espazo equipado para ti: material coidado e listo para a túa práctica.

Igual que cando vas ao médico non lle pagas polos 15 minutos de consulta, senón polos anos de aprendizaxe e especialización e experiencia, no movemento ocorre o mesmo.

Cando te inscribes nunha actividade, pagas a túa saúde e o teu benestar… pero tamén toda a traxectoria profesional que esa instrutora percorreu para poder acompañarte con criterio e profundidade.

E iso é, de verdade, o que lle dá valor a cada clase. 💛

✨ Dous meses de Pilates Iria Rey ✨Non podo estar máis contenta con este proxecto. O Pilates sempre formou parte da miña ...
31/10/2025

✨ Dous meses de Pilates Iria Rey ✨

Non podo estar máis contenta con este proxecto. O Pilates sempre formou parte da miña vida laboral, pero nunca de forma exclusiva como agora… e está sendo unha marabilla poder dedicar toda a miña enerxía a preparar e impartir cada clase 💛

En cada sesión poño todo da miña parte para axudar a cada un dos meus alumnxs: os meus pilateiros “regulares”, as miñas embarazadas e mulleres no posparto, e o meu grupo senior, que está a ser o gran descubrimento deste curso (encántame traballar coas miñas señoras máis maiores! 😍).

En resumo: felicidade máxima ✨
Grazas a todxs por ser parte desta aventura que non fixo máis que comezar 💛

26/10/2025

💛 Leg circles no Spine Corrector 💛

Os Leg Circles requiren control, precisión e fluidez. O obxectivo do exercicio non é facer círculos grandes, senón manter unha pelvis estable, unha columna longa e activa, e un control total dende o teu centro 🔥

💫 Beneficios:
🌿 mellora a mobilidade das cadeiras
🌿 fortalece o core e estabiliza a pelvis
🌿 potencia a coordinación e o control
🌿 axuda a liberar tensións na zona lumbar

Cada círculo é unha danza entre forza e liberdade de movemento e no Spine Corrector, todo cobra unha nova dimensión ✨️

25/10/2025

💛 Mobilizar, aliviar, conectar 💛

Durante o embarazo, o corpo cambia día a día, e acompañar eses cambios con movemento consciente é unha das mellores decisións que se poden tomar 🤰✨

Neste caso traballamos o exercicio do gato sobre a Fitball, unha variante que axuda a mobilizar a columna e a liberar tensións nas costas.

A Fitball, ademais, engade un punto de suavidade e apoio, facendo que o movemento sexa fluído, seguro e moi agradable.

O Pilates é unha ferramenta marabillosa durante o embarazo:
🌿 mellora a postura e a respiración
🌿 traballa (fortalecemento e relaxación) o chan pélvico
🌿 axuda a manter a mobilidade
🌿 reconéctache co teu corpo cambiante

Son profesora con certificación específica nesta área e levo dende o 2019 acompañando a mulleres nesta etapa tan especial das súas vidas 💛

Dirección

Avenida López Ballesteros 3 Baixo (galerías)
Villagarcía De Arosa
36600

Horario de apertura

Lunes 18:00 - 22:00
Martes 10:00 - 12:00
18:30 - 21:30
Miércoles 18:00 - 22:00
Jueves 10:00 - 12:00
Viernes 18:30 - 21:30

Notificaciones

Sea el primero en enterarse: le enviaremos un correo electrónico cuando Pilates Iria Rey publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.

Atajos

Compartir