04/08/2026
O XIV Torneo Internacional Cidade de Pontevedra pechou unha edición histórica no Pavillón Universitario de Pontevedra. Sete días, 239 xogadores de 20 nacionalidades e unha semana de xadrez de altísimo nivel que xerou preto dun millón de impactos a nivel global ♟️
Na categoría Master, o Maestro Internacional indio Muthaiah AL alzouse co título nunha dramática novena ronda, ao derrotar ao ata entón líder Sayantan Das. Acompañárono no podio Luis Daniel Rodríguez (Cuba) e Raja Rithvik R. (India). Na categoría Amateur, Ricardo Oubiña Pazos foi un dominador absoluto, rematando invicto con 8 puntos de 9 posibles.
Pero o momento máis emotivo reservouno o xadrez galego. Diego Cacheiro Blanco logrou na última ronda a norma de Maestro Internacional, un fito que desatou a ovación de todo o pavillón. Sumáronse aos títulos internacionais a jovencísima india Modipalli Deeksh*tha (13 anos), con norma de MI absoluta, e Niharika Challa, con norma de Maestra Internacional Feminina.
Moitas grazas á Escola Xadrez Pontevedra, aos participantes, e a todos os que fixeron posible que o campus universitario fose durante unha semana un dos grandes centros do xadrez mundial 💙
🔗 Clasificacións completas: pontevedrachessopen.com
