13/07/2026
ℂ𝔸𝕄ℙ𝕀𝕆ℕ𝔸𝕋𝕆𝕊 𝔾𝔸𝕃𝔼𝔾𝕆𝕊 𝔹Ó𝕃𝔸 8 𝕖𝕟 7 ℙÉ𝕊
Os nosos parabéns a Machine-Man Telmo 🙌 por engadir ao seu reciente título de bóla 10 este doblete nas categorías sénior e absoluta dos Campionatos Galegos de Bóla 8 en 7 pés, que suman xa a súa 34 edición 😲 da man de AGP Comunicación. 👏👏👏.
Felicitar tamén o resto de premiados e con mención especial para Fran Doval por ese novo podium, co que completa unha fantástica tempada na que subiu o caixón en todas as modalidades xogadas este ano, excepto no 14:1.
Agradecer a todos os nosos que nos representaron nestes campionatos en todas as categorías e moi especialmente aos que subiron o noso escudo aos podios; Micromachine Anxo con ese título no Júnior, Óscar con esa prata en 4ª categoría, Aldo, Leo e Candal con esa prata tamén en equipos de 3ª e Puga como campión de parellas de 1ª con Manuel Castro.
Sodes moi grandes💪💪
Como todos sabedes, este torneo pon o punto e final á tempada, e tamén á etapa da actual directiva da Federación Galega de Billar, que, co incombustible Mateo Alonso Corredera á fronte, leva tantos anos traballando polo pool en Galicia.
Un labor que, xunto coa da AGP fundamentalmente, e nestes últimos anos tamén co dos clubs que nos implicamos na organización das competicións, fixo da nosa comunidade un referente e a envexa do resto de España nas modalidades de pool pola increible competición que temos e pola enorme participación que rexistran os nosos campionatos.
Moitísimas grazas por todo, Mateo. 🙌🙌🙌
Desexamos que a nova directiva que resulte elixida nas próximas eleccións manteña ese mesmo espírito de colaboración, procurando sempre axudar, facilitar as cousas e buscar o consenso e os acordos. Ao mesmo tempo, estamos convencidos de que atopará marxe de maniobra para mellorar moitos aspectos.
Pola nosa parte, e para evitar calquera suspicacia, queremos anunciar xa que, con independencia do resultado das eleccións, o noso club dá por rematada a súa etapa na organización das competicións. Seguiremos como sede mentras sexa imprescindible, pero despois de tantos anos asumindo unha importante carga de traballo, pensamos que chegou o momento de que outros clubs dean tamén ese paso adiante.
Moitas grazas a todos polo apoio recibido durante todos estes anos, e moi especialmente a AGP por demostrar connosco que, con espírito construtivo, vontade de mellorar, diálogo e capacidade para ceder un pouco por parte de todos, pódense conseguir cousas realmente grandes. 👏
Federación Galega de Billar
