Escudería Silleda

26/05/2026

Ata aquí o III Rallysprint Concello de Silleda 🔚

Tres edicións. Tres anos nos que nunca imaxinamos chegar ata aquí, nin moito menos recibir a tremenda acollida que esta proba está tendo ano tras ano 🤩

Organizar un rallysprint coma este supón máis de seis meses de traballo, unha grande inversión de tempo, cartos e esforzo persoal, ademais da coordinación de centos de detalles e persoas. Todo isto faise de maneira totalmente desinteresada, simplemente pola paixón por este deporte e polas ganas de sacar adiante unha proba da que poida desfrutar todo o mundo.

Por iso non nos cansaremos nunca de dar as grazas a todas as persoas, entidades, patrocinadores, colaboradores, pilotos, copilotos, equipos, oficiais, voluntariado, corpos de seguridade, servizos sanitarios, veciñanza e afección que fan posible que o Rallysprint Concello de Silleda saia adiante ano tras ano 👏👏

Tamén somos conscientes de que cometemos erros, porque detrás de todo isto hai persoas que intentan facer o mellor posible algo enormemente complexo. E se hai futuras edicións, procuraremos aprender de todo o vivido para non repetir os mesmos erros, aínda que seguramente cometeremos outros, porque ninguén é perfecto e sempre hai cousas que mellorar.

Grazas por estar, por apoiar, por colaborar e por confiar en nós 😍

Seguimos medrando, aprendendo e soñando xuntos.

De corazón, GRAZAS!!! 💚

Escudería Silleda

23/05/2026

⏪ Unha semana despois de baixar a bandeira a cadros do III Rallysprint Concello de Silleda - Castrol Powered by Grupo Martins, é momento de revivir os mellores momentos dunha edición espectacular.

🏁 Emoción ata o último metro, loitas intensas pola vitoria, e un ambiente inmellorable volveron converter Silleda nun referente do automobilismo galego.

📽️ Compartímovos agora o resumo oficial desta terceira edición 🔥

21/05/2026

No III Rallysprint Concello de Silleda tivemos a sorte de volver contar co traballo de Toño e Lucía, de Coas Mans Artesanía, para os trofeos, e non podemos estar máis agradecidos👏🏼

Un ano máis conseguiron plasmar exactamente a idea que tiñamos na cabeza… e facelo realidade en forma destas auténticas marabillas artesanais ✨👩🏻‍🎨

Cada trofeo, elaborado en cerámica cocida a alta temperatura, é unha peza única feita con mimo, detalle e unha profesionalidade espectacular 🤩

Da gusto traballar con xente que entende á primeira o que buscas e que lle pon tanta paixón ao que fai.

Grazas por crear estes trofeos tan especiais cos que tivemos o orgullo de agasallar aos gañadores do III Rallysprint Concello de Silleda 💚

Porque detrás de cada detalle dunha proba tamén hai artesanía, dedicación e persoas que fan as cousas de corazón 👌

👏🏼 Grazas, Toño e Lucía! 👏🏼

21/05/2026

17/05/2026

🏆 Que mellor maneira de comezar o domingo que revivindo os mellores momentos da cerimonia de entrega de trofeos do III Rallysprint Concello de Silleda - Castrol Powered by Grupo Martins!

👏 Parabéns a todos os equipos que lograron subir ao podio tras unha xornada chea de emoción e gran ambiente nas estradas de Silleda.

📸 Deixámosvos agora algunhas imaxes da entrega de premios e da celebración dos protagonistas desta terceira edición.

16/05/2026

🎙️ Poñemos o punto e final a este sábado de competición no III Rallysprint Concello de Silleda coas declaracións de Antonio “Toñito” López Lence, vencedor da terceira edición da nosa proba 🏆🏁

16/05/2026

🏆 “𝗧𝗼𝗻̃𝗶𝘁𝗼” 𝗟𝗼́𝗽𝗲𝘇 𝗲 𝗦𝗮𝗻𝘁𝗶 𝗚𝗶𝗹 𝗰𝗼𝗻𝗾𝘂𝗶𝘀𝘁𝗮𝗻 𝗼 𝗜𝗜𝗜 𝗥𝗮𝗹𝗹𝘆𝘀𝗽𝗿𝗶𝗻𝘁 𝗖𝗼𝗻𝗰𝗲𝗹𝗹𝗼 𝗱𝗲 𝗦𝗶𝗹𝗹𝗲𝗱𝗮 - 𝗖𝗮𝘀𝘁𝗿𝗼𝗹 𝗯𝘆 𝗚𝗿𝘂𝗽𝗼 𝗠𝗮𝗿𝘁𝗶𝗻𝘀!

🥇 A dupla do Peugeot levou a vitoria final tras completar unha actuación moi sólida, marcando o scratch en 3 dos 4 treitos disputados e parando o crono final en 30:19.9.

🥈 Javier Martínez Carracedo e José Antonio Vázquez Barrán mantiveron a emoción ata o final, rematando na segunda posición a só 7.2 segundos dos vencedores tras unha intensa loita durante toda a xornada.

🥉 Marco Lorenzo e José Ángel Fente asinaron unha gran actuación diante da súa afección para completar o podio final, cedendo 31.0 segundos respecto da cabeza.

Na cuarta posición finalizaron Diego Félix e Héctor Rodríguez, mentres que Iago Silva e Francisco Javier González pecharon o top 5 da clasificación xeral.

🚗 Alberto Nimo e Félix Quintela foron os vencedores da categoría Extra, así como da xeral absoluta. Cómpre lembrar que os vehículos Rally2, N5 e similares non puntúan para a clasificación final do rallysprint.

🚙 Emilio Vázquez e Daniel González dominaron a Copa Kumho, logrando a vitoria na súa primeira participación dentro deste certame monomarca.

𝗖𝗹𝗮𝘀𝗶𝗳𝗶𝗰𝗮𝗰𝗶𝗼́𝗻 𝗳𝗶𝗻𝗮𝗹 (𝗽𝗿𝗼𝘃𝗶𝘀𝗶𝗼𝗻𝗮𝗹)

1️⃣ “Toñito” López - Santi Gil | 30:19.9
2️⃣ Javier M. Carracedo - J.A. Vázquez Barrán | +7.2
3️⃣ Marco Lorenzo - José A. Fente | +31.0
4️⃣ Diego Félix - Héctor Rodríguez | +52.7
5️⃣ Iago Silva - Francisco J. González | +1:07.1
6️⃣ Miguel A. Alonso - Leticia Álvarez | +1:12.7
7️⃣ Álvaro Méndez - David Enríquez | +1:14.6
8️⃣ Emilio Vázquez - Daniel González | +1:25.0
9️⃣ Sergio Otero - Noel Claro | +1:46.9
🔟 Marcos Maceiras - Sergio Iglesias | +2:00.1

16/05/2026

🔧 Tempo de asistencia antes do segundo e último bucle do III Rallysprint Concello de Silleda - Castrol by Grupo Martins.

🚗 Os equipos poñen a punto as súas monturas para afrontar os dous últimos treitos da xornada.

🔜 A segunda pasada polo tramo de Bandeira dará comezo ás 17:30 h.

⏱️ Os tempos en directo poden seguirse en 👉 https://anubesport.com/timing/?rallyId=341

16/05/2026

👌 Máxima emoción no III Rallysprint Concello de Silleda - Castrol by Grupo Martins tras a disputa do primeiro bucle!

“Toñito” López e Santi Gil son os líderes provisionais cun tempo de 15:13.3, pero cunha marxe mínima de apenas un segundo sobre Javier Martínez Carracedo e José Antonio Vázquez Barrán, que están a protagonizar unha intensa loita pola vitoria.

Na terceira posición sitúase o piloto local Marco Lorenzo, acompañado por José Ángel Fente, que ceden 14.4 segundos respecto da cabeza, pero continúan plenamente metidos na pelexa polo podio diante da súa afección.

A clasificación mantense moi apertada tamén nas seguintes posicións, con Diego Félix González e Héctor Rodríguez en cuarta praza, mentres que Miguel Ángel Alonso e Leticia Álvarez completan o Top 5 provisional.

Na Copa Kumho lideran Emilio José Vázquez e Daniel González, mentres que na categoría Extra os primeiros clasificados son Alberto Nimo e Félix Quintela.

𝗖𝗹𝗮𝘀𝗶𝗳𝗶𝗰𝗮𝗰𝗶𝗼́𝗻 𝘅𝗲𝗿𝗮𝗹 (𝘁𝗿𝗮𝘀 𝗧𝗖𝟮)
1️⃣ “Toñito” López - Santi Gil | 15:13.3
2️⃣ Javier M. Carracedo - J.A. Vázquez Barrán | +1.0
3️⃣ Marco Lorenzo - José A. Fente | +14.4
4️⃣ Diego Félix - Héctor Rodríguez | +27.9
5️⃣ Miguel A. Alonso - Leticia Álvarez | +39.6
6️⃣ Iago Silva - Francisco J. González | +39.8
7️⃣ Álvaro Méndez - David Enríquez | +40.4
8️⃣ Emilio Vázquez - Daniel González | +47.0
9️⃣ Sergio Otero - Noel Claro | +53.8
🔟 José A. Fernández - Mónica Seara | +59.6

16/05/2026

⏳ Xa queda moi pouco para que dea comezo o III Rallysprint Concello de Silleda – Castrol Powered by Grupo Martins 🔥

Os equipos apuran os últimos momentos no parque de asistencia antes de poñerse o casco e saír á acción 🚗

A primeira pasada polo tramo da Bandeira arrancará ás 14:20 h, dando inicio a unha tarde cargada de automobilismo 🏎️