07/09/2026
🏐 UNHA VIAXE PARA LEMBRAR | GALICIA SUB-17 ✈️
A aventura do Galicia Sub-17 en Manchester foi moito máis ca un torneo. Foi unha experiencia de equipo, de convivencia, de aprendizaxe e de crecemento.
A viaxe comezou o venres pola tarde cun amigable fronte ao St Peters GAA Manchester , club local, no que os nosos conseguiron a primeira vitoria da fin de semana. Un primeiro contacto co fútbol gaélico británico que serviu tamén para comezar a vivir o que sería unha fin de semana inesquecible.
Xa o sábado chegou o gran reto. Na competición Cup (máxima competición), Galicia enfrontouse a dous dos condados máis potentes de Gran Bretaña: Official Warwickshire GAA e London GAA Dúas derrotas, si, pero tamén dous partidos nos que o equipo competiu, loitou e nunca deixou de plantar cara.
E aínda quedaba o mellor.
Na final Shield, fronte a Hertfordshire GAA🏐 , o Galicia Sub-17 protagonizou un partido espectacular. Igualdade máxima, emoción ata o final e unha batalla que só se decidiu nos derradeiros intres da segunda parte da prórroga e por dous puntos. Esta vez a vitoria escapou por moi pouco, pero o equipo deixou unha mostra enorme do seu carácter.
💙 Porque esta viaxe non se mide só en resultados.
Mídese nas horas compartidas, nas novas amizades, na camaradería, nas experiencias vividas xuntos e en todo o aprendido dentro e fóra do campo.
Moitas grazas a Gaelic Games Council of Britain polo convite e excelente trato, agardamos poder voltar en sucesivos anos.
Orgullosos deste equipo. Orgullosos de Galicia.
Real Federación Galega de Fútbol - Futgal Gaelic Games Europe World GAA Acontravento Galiza Puntogal Dominio Galego
