14/07/2026
Moi boa actuación a dos nosos deportistas nos Campionatos Galegos de Verán celebrados na praia do Orzán, A Coruña, este longo fin de semana.
Nesta ocasión, e debido á anulación do Campionato Infantil-Cadete a semana anterior debido á onda de calor, esta fin de semana celebrábanse de xeito conxunto os de todas as categorías, excepto a de Máster. O venres era a quenda do Xuvenil-Júnior, que continuaría ao día seguinte sumándose os Infantís e Absolutos, para finalizar o domingo, de novo cos Absolutos, aos que se sumaban os Cadetes.
Dúas medallas no Xuvenil-Júnior, o Ouro en Carreira con Ski de César Veira, que tivo unha gran actuación en todo o campionato, participando ademais tamén no Absoluto, e o bronce de Pablo Fernández en Sprint xunto cos dous Bronces en Absoluto, o de Marta Couceiro en Nadar Surf e o de Irene Lasarte en Sprint formaban o medalleiro do Club Salvamento Sada nestes campionatos.
O Campionato Absoluto, ademais, tiña formato de Open, coa participación de varios deportistas de clubs doutras comunidades autónomas.
Os nosos parabéns a deportistas e corpo técnico polos resultados, esta próxima fin de semana, moitos dos Xuvenís, Júnior e Absoluto viaxarán a Noja, Cantabria, para participar no Campionato de España Estival, que tamén ten formato de Open e onde seguro tamén o darán todo, como sempre.
Tamén queremos dar as grazas ao noso novo patrocinador, Finsega Inmobiliaria, https://www.finsega.com/ ao que desde aquí damos a benvida ao noso equipo, desexando que sexa unha colaboración longa e frutífera, grazas polo voso apoio ao deporte do salvamento e socorrismo e ao noso club.
A falta dos resultados da Clasificación Xeral, nosos e as nosas deportistas que lograban puntuar eran os seguintes, por categoría e probas, cos medalleiros correspondentes:
INFANTIL
Banderas: Ainhoa Sarai López, cuarta
Relevo de Táboa, as chicas, Ainhoa Sarai, Verónica Pereira e Dafne Sande, eran quintas e no de Sprint, as anteriores xunto con Xoana Suárez, eran sextas.
CADETE
Só participaban deportistas femininas
Relevo de Táboa, as chicas, Sabela Fernández, Olivia Menéndez e Alba López eran sextas. Na Relevo de Salvamento con Tubo, Sabela, Alba, Carme Martínez e Carla Cachaza, eran sétimas. No Relevo Rescate con Táboa, Sabela e Olivia eran novenas.
XUVENIL-JÚNIOR
Carreira con Ski: César Veira era primeiro en Xuvenil.
Sprint: Pablo Fernández era terceiro, Manuel Fernández, décimo e Lola Rodríguez, décimo terceira, en Xuvenil.
Carreira con Táboa: César era oitavo, en Xuvenil e Diego Pena, noveno, en Júnior.
Ocean: César era sexto en Xuvenil.
Bandeiras: cuarto posto de Manuel Fernández, en Xuvenil.
Relevo Sprint: os irmáns Fernández, Manuel e Pablo, César e Hadrián Gago, eran quintos, en Xuvenil.
Relevo Rescate con Táboa: César e Pablo eran décimos, en Xuvenil
MEDALLEIRO
César Veira
• Medalla de Oro en Carreira con Ski Xuvenil Masculino
Pablo Fernández
• Medalla de Bronce en Sprint Xuvenil Masculino
ABSOLUTO
Carreira con Táboa: Diego Pena era décimo séptimo, aínda que en realidade na clasificación ten unha puntuación de décimo cuarto ao haber por encima tres representantes doutros clubs non autonómicos, xa que este Campionato tiña a modalidade Open.
Nadar Surf: Marta Couceiro era terceira e Lucía Díaz sería décimo sexta ao ter dous representantes non autonómicos por encima.
Sprint: Terceiro posto para Irene Lasarte, decimosegundo para Noa Sande e décimo sexto para Enya Rumbo (as tres aparecen cunha posición máis nos resultados ao ter por encima a unha deportista non autonómica)
Carreira con Ski: Lucía era novena, Elsa, décima e Noa, décimo terceira, non deixaba xa puntuar a Irene e Enta, décimo cuarta e décimo quinta, respectivamente. César Veira, era décimo quinto.
Bandeiras: sexto posto de Irene, décimo terceiro de Noa, descontando as deportistas non autonómicas; sétimo de Hugo Castro e decimosegundo de Pablo Polanco.
Ocean: César era decimosegundo.
Relevo Táboa: as chicas, Elsa Cabezas, Lucía e Enya Rumbo eran sétimas e os chicos, César Veira, Diego e Sergio Castelo rozaban a medalla cun cuarto posto.
Relevo Sprint: as chicas, Irene, Noa, Enya e Sira Menéndez, eran quintas; os chicos, Diego, Hugo, Sergio e Pablo Polanco, quedaban aínda máis preto da medalla cun cuarto posto.
Relevo Ski: as chicas, Irene, Lucía e Noa eran quintas e os chicos, Pablo Méndez, César e Tomás Veira, sextos.
Relevo Rescate con Táboa: as chicas, Marta e Enya eran sétimas e os chicos, Diego e César, oitavos.
Relevo Ocean, as chicas, Irene, Elsa, Lucía e Noa, eran quintas e eles, Sergio, Hugo, César e Diego, sextos. No Ocean Mixto, quinto posto de Marta, Elsa, Hugo e César.
MEDALLEIRO
Marta Couceiro
• Medalla de Bronce en Nadar Surf Absoluto Feminino
Irene Lasarte
• Medalla de Bronce en Sprint Absoluto Feminino
