27/07/2026
Poñemos punto final a unha tempada complicadísima para Alexis marcada polas lesións e por moitos contratempos que non nos permitiron render todo o que sabiamos que podiamos dar.
A pesar de todo, nunca deixamos de loitar. Seguimos traballando, superando cada obstáculo e confiando no proceso. Ese esforzo tivo a súa recompensa: conseguimos mellorar a nosa marca persoal e quedamos ás portas dunha medalla no Campionato de España.
Ás veces o deporte non premia só cos resultados, senón tamén coa capacidade de levantarse unha e outra vez cando as cousas non saen como un espera. E desa resiliencia tamén nos sentimos orgullosos.
Agora toca descansar, recuperar o corpo e a mente, aprender de todo o vivido e volver con máis forza, máis ilusión ca nunca.
Grazas a todas as persoas que estiveron ao noso lado durante esta tempada. O mellor aínda está por chegar. 💙🏃♀️🏃♂️
