04/07/2025
Hoxe, as compoñentes dos equipos xúnior e cadete foron recibidas no Concello de Pontecesures pola súa alcaldesa, Maite Tocino, quen quixo darlles a noraboa pola excelente tempada realizada.
As xogadoras do equipo xúnior celebraron o ascenso e a consolidación da súa praza na Liga Galega, voltando a disputala na temporada 2025-26; mentres que as cadetes acadaron a tan desexada praza nesta competición hai 1 mes despois dunha tempada chea de éxitos.
A alcaldesa tamén quixo destacar o enorme esforzo realizado por todas elas, compatibilizando os adestramentos coas obrigas académicas e o tempo de lecer. Agradeceu tamen o traballo de adestradores e directiva do club; así coma o esforzo das familias destas rapazas.
Por parte do club, damos por rematada esta tempada 2024-2025 agradecendo, un ano máis, a todas as persoas que forman esta gran familia que é o CB Río Ulla.
Grazas por facer posible unha tempada inesquecible!
