Club Balonmán Miño

Casa
España
Orense
Club Balonmán Miño

Páxina oficial do Club Balonmán Miño

29/05/2026

Este venres e sábado en Expourense xogarase a Copa Deputación poñendo fin así á tempada 25-26.

Agardámosvos ali 💙

12/05/2026

O equipo cadete feminino sumou unha nova vitoria tras impoñerse o sábado ao Reconquista de Vigo por 47-38, nun encontro no que as nosas volveron destacar polo seu gran nivel ofensivo.

En ataque, o equipo mostrouse moi cómodo durante practicamente todo o partido, con boas combinacións de balón, moita velocidade nas transicións e claridade nas decisións, o que permitiu atopar situacións claras de lanzamento e anotar con bastante facilidade. O ritmo alto e os contraataques volveron ser unha das grandes armas das nosas.
Porén, en defensa o equipo non estivo ao mesmo nivel. As nosas chegaron tarde a moitos contactos defensivos, o que provocou numerosos 7 metros en contra e demasiadas facilidades para o rival, permitindo encaixar máis goles dos desexados.

A pesar diso, o equipo mantivo sempre o control do encontro grazas ao seu potencial ofensivo. Unha nova vitoria que confirma o bo momento do equipo, aínda que deixando claro tamén os aspectos a mellorar de cara aos próximos encontros.

Noraboa, rapazas! 💙

12/05/2026

O equipo cadete viaxaba a Cangas para medirse ao Barca Motor BM Cangas nun partido marcado pola velocidade do xogo e as constantes transicións.

Os nosos entraron algo perdidos e inconsistentes en defensa, o que fixo que comezasen por detrás no marcador. Co paso dos minutos, o equipo foi asentándose e conseguiu darlle a volta ao encontro, chegando a colocarse catro goles por riba no minuto 19. Nos últimos minutos da primeira metade, unha moi boa dinámica ofensiva permitiu ampliar aínda máis a vantaxe, chegando ao descanso cun claro 17-26.

Na segunda parte, a inconsistencia defensiva volveu aparecer e permitiu aos locais recortar diferenzas ata colocarse a só tres goles no minuto 38. Porén, un cambio no aspecto defensivo permitiu aos nosos volver a controlar o partido e, cun bo acerto de cara a portería, manter unha vantaxe suficiente ata o final.

Finalmente, o encontro rematou cun 44-49 favorable aos nosos, unha vitoria que lles permite pechar a tempada como segundos do seu grupo de liga.

Noraboa aos xogadores e ao equipo técnico 💪🏼💙

07/05/2026

Horarios desta fin de semana 💙

04/05/2026

O equipo infantil xogaba a súa xornada adiantada na Cañiza, nun encontro no que lles chegaba con sumar un punto para asegurarse o primeiro posto. Conscientes diso, os nosos saíron moi serios ao partido, marcando unha renda de sete goles (7-14) nos primeiros 15 minutos.
Porén, os nervios xogáronlles unha mala pasada e varios erros consecutivos fixeron que o rival se achegase no marcador, chegando ao descanso cun axustado 14-15.

Na segunda metade, o equipo local non puxo as cousas fáciles e o encontro mantívose moi igualado, sen que os nosos fosen quen de abrir diferenzas. Así, chegouse aos últimos cinco minutos cun 24-24 no marcador.
Foi entón cando os nosos sacaron a súa garra e carácter competitivo. Aproveitando un par de erros de lanzamento do rival, conseguiron abrir unha pequena fenda que resultou definitiva, facendo inútiles os intentos da Cañiza por levarse o partido.
Finalmente, 26-29 e primeiro posto da liga para os nosos.

Noraboa, nenos e equipo técnico! Recompensa ao gran traballo de toda a tempada. 💙

03/05/2026

O equipo cadete feminino logrou a vitoria o mércores ante o Chapela tras unha gran remontada na segunda parte. Foi un partido moi completo, decidido tanto en defensa como en ataque, con boas continuacións de balón, accións de contraataque e unha defensa organizada na que as axudas estiveron moi acertadas. Ao descanso, o equipo marchou cunha desvantaxe de dous goles, pero tras o paso polos vestiarios chegaron os axustes necesarios.

Na segunda metade, unha serie de cambios tácticos xunto co gran esforzo colectivo permitiron ás nosas darlle a volta ao marcador e acabar levando o partido cunha vantaxe de seis goles.

No partido do sábado, o equipo acadou unha nova vitoria tras impoñerse ao Tui por 33-45, nun encontro no que as nosas volveron amosar o seu bo nivel ofensivo.

En ataque, o equipo estivo moi acertado, con boas combinacións de balón e moita velocidade nas transicións, o que permitiu anotar con facilidade, especialmente a través de contraataques. A claridade nas decisións e o ritmo alto foron claves para ir abrindo diferenzas no marcador. Porén, en defensa o equipo puido estar moito máis sólido, concedendo demasiadas facilidades ao rival e permitindo un número elevado de goles. É un aspecto a mellorar se se quere competir con máis control este tipo de encontros.

A pesar diso, o equipo mostrouse serio e constante durante os 60 minutos, acadando a segunda vitoria da semana.

Noraboa, rapazas! 💙💪🏼

27/04/2026

O equipo senior non puido pechar a segunda fase cunha vitoria tras caer por 29-26 na pista do Alca, nun encontro ao que os nosos acudían con numerosas baixas.

A pesar das dificultades, o equipo mostrou momentos de moi bo nivel, cunha defensa férrea e fases de xogo realmente destacables que lles permitiron competir o partido durante moitos minutos. Os nosos estiveron dentro do encontro, demostrando carácter e compromiso malia a situación. Co paso do tempo, o cansazo foi facendo mella, e varios percances físicos condicionaron aínda máis o rendemento do equipo. Esta situación foi aproveitada polo Alca para abrir unha pequena fenda no marcador que os nosos xa non foron quen de recortar.

Finalmente, o partido rematou cun 29-26, deixando ao Miño sen premio nun encontro no que, malia todo, deu a cara ata o final.

Un peche de tempada no que o equipo volveu demostrar que, incluso nas condicións máis complicadas, é quen de competir con intensidade e orgullo.

Agora xa só queda o partido da Copa Diputación na que o equipo tentará pechar da mellor maneira posible unha tempada moi irregular, pero que deixou momentos ilusionantes de cara ao futuro 💙💪🏼

23/04/2026

Horarios desta fin de semana na que varios dos nosos equipos acaban as súas respectivas ligas 💙

20/04/2026

O sábado, os nosos cadetes recibían ao Carballal, equipo ante o que xa deixaran escapar os puntos no partido de ida.

Na primeira metade, o intercambio constante de ataques non favoreceu aos nosos, que acumularon perdas de balón e erros de cara a portería. En defensa tampouco estiveron contundentes, o que permitiu ao rival marchar ao descanso con seis goles de vantaxe (12-18).
Na segunda metade, o equipo amosou unha cara totalmente distinta. Cunha defensa máis intensa e sólida, os nosos metéronse de cheo no partido, aínda que tocaba remar, xa que a falta de 15 minutos seguían catro goles por detrás.

Seguindo esa boa dinámica, conseguiron igualar o encontro a 35 a falta de dous minutos. A partir de aí, o final foi de máxima emoción. O equipo visitante puxo o 36-37, pero os nosos non baixaron os brazos e forzaron erros clave do rival, aproveitando as súas opcións en ataque para poñerse 37-36 a falta de 10 segundos.
Nunha última posesión moi ben xogada, os nosos anotaron de novo, deixando sen opción ao rival e pechando o encontro cun 38-36 final.

Unha vitoria de moito mérito, baseada na capacidade de reacción e no esforzo colectivo.

Noraboa, rapaces! 💙

#

20/04/2026

O equipo senior sumou un empate de mérito (25-25) ante o Narón, líder da categoría, nun dos mellores partidos da tempada dos nosos.

Desde o inicio, o equipo saíu moi concentrado en defensa, con intensidade e moitas axudas, o que permitiu recuperar balóns e xerar situacións de contraataque. En ataque, os nosos mostraron un xogo fluído, combinando con criterio e atopando boas ocasións de lanzamento.

Foi un partido moi completo a nivel de xogo, que só se viu algo lastrado pola falta de efectividade de cara a portería, chegando a porcentaxes arredor do 53% en determinados momentos, o que impediu abrir maiores diferenzas no marcador.

A boa defensa tivo continuidade na portería, que respondeu cando máis se necesitaba, permitindo que o equipo non lle perdese a cara ao encontro en ningún momento. Nos minutos finais, os nosos deron un paso adiante e lograron sumar un empate que sabe a moito polo nivel amosado ante un rival de máxima esixencia.
Un punto que reforza ao equipo e confirma o bo camiño desta segunda parte da tempada.

A próxima semana, o equipo disputará o seu último partido de liga na pista do Alca, co obxectivo de pechar a competición cun bo resultado 💪🏼💙.

Dirección

Orense

Teléfono

+34629250350

Página web

https://www.bmminho.com/

Notificaciones

Sé el primero en enterarse y déjanos enviarle un correo electrónico cuando Club Balonmán Miño publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.