09/06/2026
Este pasado domingo puxemos fin a tempada, cun sabor agridulce, pero moi orgullosos porque loitamos e démolo todo, unha gran tempada para a historia, para o recordo.
Antes de nada queremos agradecer á afición que nos acompañou en cada partido, e a todas as persoas que o domingo viaxaron con nós para darnos toda a súa forza!!💪🏼
Estes rapaces demostraron valentía, forza e ilusión, loitaron cada partido como se fose o último, souberon levantarse cando viñeron curvas e aprenderon dos erros para mellorar. Disfrutaron, xogaron, sufriron e pelexaron, pero sempre xuntos.
Desde o corpo técnico ata os xogadores, con máis ou menos minutos, con máis ou menos goles, e a pesar das lesións, todos e cada un deles souberon arrimar o hombro, ser compañeiros, ser equipo, loitar e sacar esta increíble tempada adiante, porque si, esto tamén é unha familia.💚
Polo esforzo, por todo o traballo que hai detrás, por todos e cada un dos adestramentos e por todo o que lograstedes, estamos moi orgullosos de vós, EQUIPO!!🫂
Queremos recordarlle a afición que seguimos loitando, por nós, pero sobre todo por vós, por todas e cada unha das persoas deste pobo e deste club. O fútbol está no campo, e o sentimento está en cada unha das persoas que portan esta camiseta, que a portaron nalgún momento, que disfrutan vendo xogar aos seus, os nosos.
O fútbol segue vivo en Ordes, e nós queremos que tempada tras tempada o sigades vivindo con nós, nas bancadas, a pé de campo porque cada un de vós nos fai máis fortes como equipo.💚
O sentimento e o apoio da afición é, e sempre será, a nosa mellor motivación, e a nosa maior forza para loitar en cada partido!!
Querida afición, querido pobo… quédanos moito fútbol por xogar, moito fútbol por ver, e moito por celebrar e disfrutar!! Vémonos nuns meses no Municipal de Vista Alegre!!💚🫂
Grazas, sempre!! Que orgullo de equipo!!
Vamos Verdes!! Vamos Ordes!!🐸
