21/06/2026
Remata esta tempada 25/26 para C.B Oleiros. Coas boas novas de conservar un gran número de xogadores do ano pasado e boas incorporacións. Xente con experiencia na categoría, todo o grupo quería igualar ou superar os resultados acadados no ano pasado.
Así parecía nos primeiros partidos da competición, pero estes desexos pouco duraron e a dura realidade rápido fíxose rutina. Os anos, as lesións e os traballos fóra do país nalgún caso, foron dando forma a un grupo que cada vez encontrabase con máis dificultades para conservar a calidade nos entrenos, para repartir as posicións nos encontros. Se o faciamos ben chegabamos sen folgos para os finais apretados e se a cousa dabase mal non podíamos modificar os nosos plans ou quintetos para lograr mudar a situación.
Aínda así o equipo dende media tempada non deixou de loitar en cada partido, encontrando a victoria cando a puntuación e os esforzos foron colectivos e non só pensando nos números de cada un.
Fóra de resultados e clasificacións (10ª posición en liga e eliminados en cuartos na Copa) o clube quere agradecer o esforzo dos nosos xogadores e novas incorporacións por desfrutar doutro ano de moi bos momentos, dunha paixón compartida e amizade. Sobre todo ás familias por aturarnos, ó corpo técnico por non enganchar a algún xogador nas bateas de Lorbé e os nosos colaboradores, xa que sen eles ó mellor nin estábamos dando a lata.
Rematamos a tempada de adestramentos xogando un encontro co Club Baloncesto Cambre, no que pode converterse nun clásico de post-tempada. Moita sorte no ano que ven!
de Oleiros
Deputación da Coruña
Komparoooooo
WILD INSIGHT
Agora praia e verbena. En Setembro dor, ampollas e suores fríos!
1,2,3... XUNTOS!!!
