14/06/2026
Campionato Galego de Promoción 2026 💙
Onte, en Ourense, puxemos o broche final a unha tempada máis. Un ano cheo deE así pechamos unha tempada máis.
Unha tempada chea de emocións, de aprendizaxes, de a esforzo, de superación, de nervios, de risas e de momentos que quedarán para sempre gardados no noso corazón.
As nosas individuais estiveron espectaculares, pero o máis importante nunca son as clasificacións, senón todo o que hai detrás delas.
✨ Paz, na categoría Máster, acadou a 7ª posición. Pero para nós sempre será ouro. Porque hai persoas que brillan moito máis alá do tapiz. Aínda que agora a universidade fai que poidamos desfrutar dela menos do que nos gustaría, cada adestramento ao seu lado segue sendo un regalo. Grazas por ser como es, pola túa forma de coidar das máis pequenas, polo teu cariño e pola túa maneira de facer equipo. Querémoste moitísimo.
✨ Sara, a nosa pequeniña. Que orgullosas estamos de ti! Onte fixeches, sen dúbida, o mellor exercicio da túa tempada. Verte medrar pouco a pouco, gañar confianza e saír ao tapiz con esa ilusión que te caracteriza é unha auténtica marabilla. Acadaches unha fantástica 5ª posición nunha categoría de moitísimo nivel 💪💪 Tesnos completamente namoradas.
✨ Clara, a nosa alevín, realizou un exercicio de pelota precioso e acadou unha magnífica 5ª posición. Pero se algo nos deixa Clara non son só os seus resultados, senón o seu sorriso, a súa dozura e esa forma tan especial de estar sempre. Sabemos que comeza unha nova etapa e, aínda que nos custe un pouquiño, só podemos desexarche que sexas moi feliz. Esta sempre será a túa casa. Querémoste infinito.
Un agradecemento moi especial ao Ximnasia Compostela, por abrirlle as portas a Clara e facela sentir unha máis desde o primeiro día. Grazas pola vosa xenerosidade e por demostrar que este deporte tamén se constrúe desde o cariño.
✨ E ao noso conxunto xuvenil... que podemos dicir de vós? Quizais os resultados se esquecen co tempo, pero as amizades que construístes, as viaxes, as confidencias, as risas nos adestramentos e todos os momentos compartidos quedarán para sempre. Sodes un grupo marabilloso e o máis bonito que levades desta tempada é todo o vivido xuntas.
