25/05/2026
Queremos expresar o noso máis sincero agradecemento ao Concello de Vimianzo e ao Soneira S.D. pola magnífica organización e pola excelente acollida brindada durante a celebración da final da Copa da Costa. Queremos facer un agradecemento especial tamén a Manel Frixe, que estivo preocupado por nós e porque todo saíara ben en todo momento. Un evento á altura do que representa o fútbol da nosa comarca, vivido nun ambiente excepcional e cunha gran resposta da afección.
Do mesmo xeito, queremos felicitar ao Scd Malpica pola gran final realizada, demostrando competitividade, entrega e deportividade ata o último minuto. Un recoñecemento tamén para a extraordinaria tempada que veñen de completar, sendo exemplo de traballo e compromiso durante todo o ano.
Tamén queremos facer mención especial a Real Federación Galega de Fútbol - Futgal, a Manuel Gonzalez Corredoira e a Silvia Cancela Blanco pola súa labor inconmensurable axudando e facilitando sempre as cousas aos clubes.
E como non, a nosa xente! Gracias por seguirnos en cada partido, gracias por animarnos sen parar, e gracias polo exemplo de deportividade que dades en cada campo.
Parabéns a todas as persoas e entidades implicadas por seguir facendo grande o fútbol da Costa.
