¿Qué es el sitio web?

https://www.facebook.com/281342559291202/

Balonmán Moaña

Casa
España
Moaña
Balonmán Moaña

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Balonmán Moaña, Deportes, Moaña.

14/09/2026

🤾‍♂️🤾‍♀️ FIN DE SEMANA DE COMPETICIÓN 💚🩷

Seguimos sumando partidos, minutos e experiencias neste inicio de tempada.

O noso Sénior Masculino continúa avanzando na Copa Federación cunha vitoria ante Lavadores (25-17). Un novo paso nesta pretempada competitiva para seguir axustando o xogo, collendo ritmo e construíndo equipo. 💪

Pola súa parte, Xuvenil e Infantil Feminino pecharon a súa fase de clasificación con dous encontros esixentes ante Cangas (35-23) e Bueu (34-21). Máis alá dos resultados, estas primeiras xornadas deixan aprendizaxe, minutos de competición e moito traballo sobre o que seguir medrando. 🌱

Tres equipos, tres camiños que continúan. Seguimos traballando. 💚🩷

As raíces no porto. A mirada na cima.

09/09/2026

🤾‍♀️ DERRADEIRA XORNADA DE CLASIFICACIÓN! 💚🩷

Chegamos á última xornada desta primeira fase para os nosos equipos femininos de base. Dous novos encontros para seguir competindo, aprendendo e demostrando todo o traballo destas semanas. 💪

💗 Xuvenil Feminino – X3
🆚 Balonmán Cangas – BM Moaña
📅 Sábado 12 · 13:00 h
📍 Pavillón O Gatañal

💗 Infantil Feminino
🆚 Bueu Atlético – BM Moaña
📅 Sábado 12 · 10:00 h
📍 Pavillón Pablo Herbello, Bueu

Últimos minutos desta fase, pero moito balonmán por diante. A seguir medrando, competindo e desfrutando xuntas. 🌱

As raíces no porto. A mirada na cima.

08/09/2026

🤾‍♂️ SEGUNDA XORNADA DE COPA! 💚🩷

O noso Sénior Masculino volve á pista este venres para afrontar a segunda xornada da Copa Federación, desta vez recibindo á Unión Balonmán Lavadores no Rosal. 🔥

Un novo encontro para seguir sumando minutos, axustando pezas e facendo medrar un equipo que continúa construíndo a súa identidade neste inicio de tempada. Cada partido é unha oportunidade máis para avanzar. 💪

🆚 BM Moaña – Unión Balonmán Lavadores
📅 Venres 11
⏰ 21:30 h
📍 Pavillón O Rosal

E sendo venres pola noite e na casa… queremos vervos na bancada! 💚 Que O Rosal volva ser ese lugar onde equipo e afección empurran xuntos.

As raíces no porto. A mirada na cima.

05/09/2026

PARTIDO ENTRE SEMANA PARA AS NOSAS XUVENÍS! 💚🩷

A competición non espera e este martes toca volver á pista para recuperar o encontro que quedara aprazado. 💪

O noso Xuvenil Feminino disputa a segunda xornada da fase, recibindo ao BM Caselas no Rosal.

Unha nova oportunidade para seguir sumando minutos, poñendo en práctica o traballado nos adestramentos e continuar medrando xuntas nesta fase. 🌱

🆚 BM Moaña – BM Caselas
📅 Martes
⏰ 20:00 h
📍 Pavillón O Rosal

Partido pendente, pero mesmas ganas de seguir avanzando. 💗💚

As raíces no porto. A mirada na cima.

04/09/2026

🏓 REMATAMOS OS PING PONG DA TEMPADA PASADA! 💚🩷

Aínda nos quedaba unha última parada antes de estrear os Ping Pong da 26/27… 👀

Desta vez Paula colle o micro 🎤 e Raúl ponse diante das preguntas. Respostas rápidas, algunha confesión e pouco tempo para pensar. 😏😂

Pero hoxe hai unha pregunta máis importante ca todas as demais…

👉 A quen vai escoller Raúl para inaugurar os Ping Pong desta nova tempada? 🏓🔥

Pechamos unha etapa… e deixamos o relevo preparado para a seguinte.

Dálle ao play e descubrímolo! ▶️

03/09/2026

🤾‍♂️ SEGUIMOS SUMANDO MINUTOS! 💚🩷

O noso Sénior Masculino continúa coa súa posta a punto para a tempada 26/27 cun novo encontro amigable.

Despois do primeiro contacto coa competición, toca seguir collendo ritmo, axustando pezas e facendo equipo. Unha nova oportunidade para sumar minutos e continuar construíndo sobre a pista. 💪

🆚 Deportivo Balonmán Chapela
📅 Domingo
⏰ 12:30 h
📍 Pavillón Manuel González Soto

Un test máis no camiño. Seguimos traballando. 🔥

As raíces no porto. A mirada na cima.

02/09/2026

💥 DANIEL GONÇALVES, NOVO REFORZO! 💚

Calidade, experiencia e recursos para o noso sénior.

Daniel Gonçalves Padín súmase ao BM Moaña para a tempada 26/27. Aos seus 26 anos, chega cunha traxectoria construída entre Rasoeiro e Cisne, experiencia en categoría nacional e paso pola Selección Galega en categorías de formación. A pasada tempada defendeu as cores da SAR en Primeira Autonómica.

Daniel é un xogador que destaca pola súa calidade técnica e pola súa capacidade de lanzamento. Potencia, variedade e definición para ofrecer diferentes solucións en ataque, ademais de velocidade para correr e aproveitar o contraataque. 🎯⚡

Un perfil completo que tamén suma en defensa, con capacidade para traballar no exterior ou actuar como avanzado, aportando novas alternativas ao equipo. 🛡️

E nas súas primeiras semanas de traballo xa deixa outra das súas características: tranquilidade, seguridade e implicación.

Un reforzo importante para seguir construíndo o sénior desta tempada.

Benvido a Moaña, Daniel! 💚🩷

As raíces no porto. A mirada na cima.

01/09/2026

🤾‍♂️🤾‍♀️ PRIMEIROS PASOS DA TEMPADA 💚🩷

Unha fin de semana de balonmán marcada polo traballo, a portería e, sobre todo, por seguir construíndo.

O noso Sénior Masculino afrontou o seu primeiro test oficial da tempada na Copa. Un primeiro contacto coa competición para un equipo con novas pezas, no que o importante era comezar a coñecerse, atopar conexións e sumar minutos xuntos. Moito traballo por diante, pero tamén os primeiros pasos do equipo que queremos ser. 💪

Pola súa parte, as nosas rapazas continúan o seu camiño nesta fase. 💗 O Infantil e Xuvenil Feminino seguen acumulando minutos, mellorando e traballando aspectos do xogo que lles permitan continuar medrando como equipo. Cada encontro é unha nova oportunidade para aprender, corrixir e avanzar.

🥅 E se algo tivo protagonismo esta fin de semana foi a portería, cun gran traballo baixo paus nos nosos equipos.

Comezamos a andar. Seguimos traballando.
A tempada non fixo máis que empezar.

As raíces no porto. A mirada na cima.

31/08/2026

🌱 A CANTEIRA DÁ UN PASO MÁIS

Un venres para lembrar. 💚

No encontro de Copa ante o Bueu, Samu Collazo, xogador do noso equipo xuvenil, viviu un momento moi especial: o seu debut co sénior masculino do BM Moaña. 🤾‍♂️

Unha oportunidade para seguir aprendendo, medrando e sumando experiencias, compartindo pista cos maiores mentres continúa o seu camiño co xuvenil.

Para o club, tamén é motivo de orgullo ver como os xogadores da nosa base atopan oportunidades no primeiro equipo. Porque cada debut é tamén unha mostra do traballo que se fai desde abaixo. 🌱💚

Parabéns, Samu!
Primeiros minutos co sénior e moito camiño por diante. 💪

As raíces no porto. A mirada na cima.

Dirección

Moaña

Página web

facebook.com

Notificaciones

Sé el primero en enterarse y déjanos enviarle un correo electrónico cuando Balonmán Moaña publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.