20/08/2026
📅 19.06.27 | XIII Edición
Hoxe, hai exactamente dous meses, celebrabamos a XII edición dos 21 do Camiño.
Queremos aproveitar este día para agradecer, de corazón, a todas as persoas e entidades que fixestes posible esta edición.
Aos Concellos de Palas de Rei e Melide, por darnos todas as facilidades e acompañarnos unha vez máis.
Á Policía Local, Garda Civil e Protección Civil, por velar pola seguridade de todos os participantes ao longo da carreira.
A todos os patrocinadores, cuxo apoio fai posible que este evento siga medrando e sendo unha realidade.
E, por suposto, a todos os voluntarios e traballadores, que co seu esforzo, dedicación e ilusión fan que cada edición sexa especial.
E a vós, os que facedes que todo isto teña sentido: os corredores e corredoras dos 21 do Camiño.
Porque todos xuntos sodes os grandes protagonistas desta historia.
Infinitas grazas a todos!
�Vémonos o ano que vén!
